Бала тәрбиесі. Қазақ тілі, 6 сынып, сабақ жоспары.

Ұзақ мерзімді жоспар бөлімі: Ұлттық және отбасылық құндылықтар

Мектеп:

Күні:

Мұғалімнің аты-жөні:

Сынып: 6 Т1

Қатысқан оқушылар саны:

 Қатыспағандар:

Сабақтың тақырыбы

Бала тәрбиесі

Осы сабақ арқылы жүзеге асатын оқу мақсаттары

6.2.5.1 мәтіннен негізгі және қосымша ақпаратты, көтерілген мәселені анықтауға бағытталған нақтылау сұрақтарын құрастыру

 Сабақтың мақсаттары

Мәтіндегі негізгі және қосымша ақпараттарды табу;

Мәтінде көтерілген мәселені анықтау;

Сұрақтар құрастыру білу.

 Бағалау критерийлері

Мәтіннің негізгі және қосымша ақпаратын белгілейді;

көтерілген мәселені анықтайды;

мәселені анықтауға бағытталған нақтылау сұрақтарын құрастырады.

Тілдік мақсаттар

Пән лексикасы және терминология:

Бала тәрбиесі, мейірімділік, сүйіспеншілік, тыйым сөздер, негізгі ақпарат, қосымша ақпарат, мәселе, жуан және жіңішке сұрақтар

Диалог және жазылым үшін қажетті сөз тіркестері:

Менің ойымша, біздің пікірімізше, ...болғаны жөн, ... деп ойлаймын, ...кеңес беремін.

Құндылықтарды игерту

Оқушылар тақырыпқа қатысты ұсынылған мәтін негізінде отбасындағы мейірімділік, сүйіспеншілік сияқты құндылықтардың жанұя өміріндегі рөлін анықтайды.

Пәнаралық байланыс

Өзін-өзі тану, әдебиет

Осыған дейін меңгерілген білім

Оқушылар негізгі ақпараттар мен қосымша ақпараттардың айырмашылығын біледі.

Жоспар

Жоспар бойынша орындалуы тиіс іс-әрекеттер

ТЖ. Оқылымалды тапсырма.

Оқушыларға халқымыздың тыйым сөздері ұсынылады.

«Ой бөлісейік» әдісі. Оқушылар 4 топқа бірігеді.

Дастарханды, тамақты баспа.

Кісі мініне күлме.

Малды, ыдысты, тамақты теппе.

Суды сапырма, суға түкірме.

Көкті жұлма.

Босағаны керме, құшақтама.

Табалдырықты баспа, отырма.

Үйді сабама, малды басқа сабама.

Үлкендердің жолын кеспе, сөзін бөлме.

• Халқымыз неліктен тыйым сөздерді ойлап шығарды деп ойлайсыңдар?
• Тыйым сөздердің отбасы өмірінде алатын орны туралы не айтасыңдар?
• Қазіргі кезде тыйым сөздерді қолданудың маңызы бар ма?
• Бала тәрбиесінде қанда тыйым сөздерді қолдануға болады?

ТЖ. Оқылым тапсырмасы.

Оқушылар «Бүгінгі қазақ отбасындағы бала тәрбиесінің өзекті мәселелері» тақырыбындағы мәтінмен танысады.

Оқушылардың мәтін мазмұнын түсінгендігін анықтау мақсатында «Жылдам шолу» әдісі қолданылады.

Әдіс бойынша мұғалім мәтін бөліктеріндегі ақпараттарға қатысты сұрақтар қояды. Оқушылар бұл сұрақтардың жауабы мәтіннің қай бөлігінде (кіріспе, негізгі, қорытынды) айтылғанын анықтайды. Сұрақтарға жауап береді.

Тапсырма.

Сұрақтың жауабы мәтіннің қай бөлігінде берілгенін анықтаңдар. Сұраққа жауап беріңдер.

Дескриптор:

• Мәтіннің мазмұнын түсінеді.
• Мәтін бөліктерін анықтай алады.
• Сұрақтарға дұрыс жауап береді.

Сұрақтар:

• Баланың келешегі, білімі неге байланысты?
• Баланы ұлт тәрбиесімен тәрбиелеудің мәні неде?
• Тәрбиенің негізгі шарты неде?
• Ата-ананың негізгі парызы қандай?
• Ата-бабамыз бала тәрбиесіне қатысты қандай нақыл айтты?

Оқушылар жіңішке және жуан сұрақтар ұғымымен танысады.

Топта мәтіндегі негізгі, қосымша ақпаратты, мәтінде көтерілген мәселені анықтап, жіңішке және жуан сұрақтар құрастырады.

Тапсырма.

Мәтіннен негізгі, қосымша ақпаратты, мәтінде көтерілген мәселеге қатысты жіңішке және жуан сұрақ құрастырыңдар.

Дескриптор:

• Мәтіннің негізгі және қосымша ақпараттарын табады.
• Мәтінде көтерілген мәселені анықтайды.
• Негізгі, қосымша ақпараттарды және мәселені анықтауға қатысты жіңішке және жуан сұрақтар құрастырады.

Оқушылар сұрақтарын стикерлерге жазады. Сағат тілі бойынша сұрақтар басқа топтарға алмастырылады.

Топтар сұрақтармен танысады. Қай сұрақтың негізгі, қай сұрақтың қосымша ақпаратты және қай сұрақтың мәтін мәселесін анықтауға қатысты қойылғанын анықтайды. Сұрақтарға жауап береді.

Тапсырма.

Сұрақтармен танысыңдар. Сұрақтардың қайсысы негізгі, қайсысы қосымша ақпаратты, қайсысы мәселені анықтауға қатысты қойылғанын табыңдар. Сұрақтарға жауап беріңдер.

Дескриптор:

• Сұрақтардың түрлерін анықтай алады.
• Сұрақтарға мәтіннен мысал келтіре отырып жауап береді.

Бағалау.

Топтар өзара сұрақтардың дұрыс құрастырылуына, анықталуына және дұрыс жауап берілуіне қатысты кері байланыстарын береді.

Оқылымнан кейінгі тапсырма.

Оқушылар «Балаңды өз тәрбиеңмен тәрбиелеме, өз ұлтыңның тәрбиесімен тәрбиеле» деген мақалға қатысты пікірлерін білдіреді. Пікір білдіру барысында ПОПС формуласын қолданады.

ПОПС формуласы

Позиция (мен солай ойлаймын,...)

Түсіндіру (...себебі...)

Мысал (мен мұны мынадай мысал арқылы дәлелдей аламын...)

Салдар (айтылған мәселе бойынша мынадай қорытынды жасаймын...)

Тапсырма.

«Балаңды өз тәрбиеңмен тәрбиелеме, өз ұлтыңның тәрбиесімен тәрбиеле» деген мақалға қатысты пікір білдіріңдер.

Дескриптор:

• Мақалға қатысты өз пікірін/позициясын (келісетіндігін/ келіспейтіндігін) білдіреді.
• Өз пікіріне түсініктеме береді.
• Пікірін дәлелдеу мақсатында мысал келтіреді.
• Өз ойын қорытындылайды.

Әрбір топ өз пікірін білдіріп, топтар бір-бірін өзара бағалайды.

Рефлексия. «Үлкен шеңбер» әдісі.

Оқушылар шеңбер құрап тұрады немесе отырады, мұғалімнің сұрақтарына жауап береді.

• Сабақ барысында көңіл-күйлерің қандай болды? Неліктен?
• Бүгін не білдіңдер? Сендер үшін не жаңалық болды?
• Сабаққа қатысуларыңды қалай бағалайсыңдар?
• Сабақта қандай қиындықтар туындады?
• Сабақ соңындағы көңіл-күйлерің қандай? неліктен?

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

«Жылдам шолу» әдісінде қойылған сұрақтар негізінде оқушылар өз сұрақтарын құрастырулары мүмкін.

Топта әрбір оқушыға құрастыратын сұрақ түрін ұсынуға болады.

Оқушылар топтарға бірігу, шеңберге отыру кезінде қауіпсіздік ережелерін сақтаулары қажет.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.