Қазақстандағы көрікті жерлер. (Шымбұлақ). Қазақ тілі, 6 сынып, таратпа материал. 3 сабақ

Шымбұлақ шатқалы

 Аспанмен таласқан асқар таулардың кереметтей көрінісі, қысы-жазы тау басында жататын сәукеледей аппақ қар, ару қаланың жұмсақ климаты, саф ауа, сұлудың кірпігіндей қаз-қатар тізіле орналасқан шыршалар, сыңғырлаған күлкідей ағып жатқан өзен-бұлақтар, күлімдеген күн – бәрі де Шымбұлақта сізді күтіп тұр. Ендеше, осынша кереметтен мақұрым қалғыңыз келмесе, Шымбұлақтың шақыруын күтпеңіз, өзіңіз іздеп барыңыз.

Шымбұлақтың климаты - өте жұмсақ . Таза ауасы, тізіле орналасқан шыршалар, ағып жатқан өзен-бұлақтар – бәрі де керемет! Шымбұлақ шатқалында қар қабатының ұзақ уақыт жатуы туристер мен тау шаңғы спорты әуесқойларын еріксіз өзіне тартады.

Шымбұлақтың бәрінен де қысы қызық. Желтоқсан-сәуір айлары аралығында аймақты қар басып жатады. Бұл мекенде еш жерде қайталанбайтын атмосфера, ерекше рухани күш жайлаған. Таудың кереметтей көрінісі, жұмсақ климаты мен шуағы мол күндердің көп болуы, қар қабатының ұзақ уақыт жатуы туристер мен тау шаңғы спорты әуесқойларын еріксіз өзіне тартады.