Көлік және жол белгілері. Қазақ тілі, 5 сынып, сабақ жоспары.

Ұзақ мерзімді жоспар бөлімі: 7-бөлім: Көлік және жол белгілері

Мектеп: Шымкент қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Смагулова Рая Абжановна

Кәсіби даму мақсаты:

Оқушыларды сөйлету арқылы айтылым дағдысын қалыптастыру

Сынып: 5 Т1

Қатысқан оқушылар саны:12

Қатыспағандар:

Сабақтың тақырыбы

Көлік және жол белгілері

Оқу бағдарламасына сілтеме

Т/А3. Мәтіннен ақпаратты анықтау

ӘТН2.Орфоэпиялық норма

Оқу мақсаты

Тыңдалған мәтіннің мазмұнын түсіну, негізгі және қосымша ақпаратты анықтау.

Сөз ішіндегі және сөз аралығындағы ілгерінді, кейінді және тоғыспалы ықпал заңдылықтарына сәйкес айта білу.

Сабақтың мақсаты:

Барлық оқушылар орындай алады:

Тыңдалған мәтіннің мазмұнын түсінеді.

Оқушылардың көпшілігі орындай алады:

Тыңдалған мәтін бойынша негізгі және қосымша ақпаратты анықтайды.

Кейбір оқушылар орындай алады:

Жаңа жол белгілерін ойлап таба алады.

Бағалау критерийлері:

• Тыңдаған мәтіннің мазмұнын толық түсінеді.
• Нақты мазмұнды тексеруге арналған сұрақтарға жауап бере алады.
• Тыңдалым мазмұны бойынша ақпараттарды тиісті бағандарға жіктей алады.
• Бейнебаянда кездескен белгілерді таба алады.
• Жол белгілері бойынша өз пікірлерін айта алады.
• Ойлап тапқан жол белгілерінің суретін көрсетіп, сурет бойынша сөйлейді.

Тілдік мақсаттар

Лексикалық минимум.

Мына сөздердің мағынасын түсіндіру және сөйлеу барысында дұрыс қолдануға жаттықтыру: көлік кептелісі, карбалас сәт,жол белгілері, жол көлік оқиғасы,жол көлік апаты, ескерту

Сабақта қамтылатын құндылықтар

Жол ережесі мен жол белгілері туралы оқушылардың ойларын ашық түрде жеткізуін және айналасындағы адамдарды құрметтеуін қалыптастырады.

Пәнаралық байланыс

«Көлік және жол белгілері» бөлімі ғылымға кіріспе, бейнелеу өнері пәндерімен байланыста оқытылады.

АКТ қолдану дағдылары

Интерактивті тақта мен ғаламторды пайдалана білу

Осыған дейін меңгерілген білім

Қиял әлемі

Жоспар

Жоспар бойынша орындалуы тиіс іс-әрекеттер

Ұйымдастыру.

Төмендегі суреттердің қиындыларын құрастыру арқылы топқа бөлінеді. Әр топ өздері құрастырған суреттер жайлы білетіндерін айтады.

Қызығушылығын арттыру.

«Бағдаршам» туралы мультфильм көреді. /2 мин.25 сек/

• Бағдаршам не үшін қажет?
• Ол нелерді реттейді? /Дифференциациялық сұрақ: әр оқушы өз деңгейіне қарай жауап береді./

Лексикалық минимум.

Мына сөздердің мағынасын түсіндіру және сөйлеу барысында дұрыс қолдануға жаттықтыру:

Сабақтың тақырыбы мен оқу мақсаттары, бағалау критерийлері таныстырылады.

С. Тыңдалым алды тапсырмасы.

«Жол ережелерінің белгілері» деген бейнебаянды көреді./2 минут/

Төмендегі сұрақтарды қойып, жол белгілерінің суреттері бойынша оқушы пікірін тыңдау:

• Жол белгілері не үшін керек?
• Егер жол белгілері болмаса, не болар еді?
• Жол белгілері нені білдіретінін білесің бе?
• Суреттегі жол белгілерінің қайсысын көрдік? Олар нені білдіреді?

Бағалау критерийлері:

Бейнебаянда кездескен белгілерді таба алады.

Жол белгілері бойынша өз пікірлерін айта алады.

Бейнебаянда кездескен белгілер:

1, 2, 11, 12, 14

Мұғалімнің бағалауы. /Оқушылардың деңгейіне сәйкес берілген деңгейлік сұрақтар бойынша жауап берген оқушыларды бағалайды./

Ж.

Тыңдалым тапсырмасы.

Оқушылар тыңдалым материалын көріп, тыңдайды.

«Көңілді көліктер. Жол белгілері» мультфильмін көреді.

1-тапсырма.

Оқушыларға нақты мазмұнды тексеруге бағытталған сұрақтар қойылады. /Оқушыларға қойылатын сұрақтар олардың деңгейіне сәйкес дифференциациялануы керек.

• Тыңдалым не туралы?
• Тыңдалымнан көргенің туралы не айта аласың?
• Көліктердің қандай түрлері бар?
• Төмендегі жол белгілерінің қайсы туралы айтылды және олардың әрқайсысы нені білдіреді?

2-тапсырма.

Нақты мазмұнды тексеруге арналған сұрақтарға жауап беріп болғаннан соң, тыңдалым мазмұны бойынша ақпараттар беріледі:

• Жол белгілері туралы түсінік беру
• Машинаның түрлері туралы сипаттау
• Жанар-жағар май құю бекеті 500 метр жерде

Оқушылар осы ақпараттарды бағандарға жіктейді.

Бағалау критерийлері:

Тыңдаған мәтінді толық түсінеді.

Нақты мазмұнды тексеруге арналған сұрақтарға жауап бере алады.

Тыңдалым мазмұны бойынша ақпараттарды тиісті бағандарға жіктей алады.

Кері байланыс.

ТЖ.

Тыңдалымнан кейінгі тапсырма.

1-тапсырма.

Тыңдалым бойынша нақты мазмұнды түсінуге арналған «Шын және жалған» тапсырмасы

Оқушылар дұрыс жауаппен салыстырып, өзін-өзі бағалайды.

Дұрыс жауап

Өзін-өзі бағалау.

Қалыптастырушы бағалау.

Оқу мақсаты:

Т/А3. Мәтіннен ақпаратты анықтау

Бағалау критерийлері:

Тыңдалған мәтіннің мазмұнын түсінеді.

Негізгі және қосымша ақпаратты анықтайды.

1-тапсырма.

(Бұл тапсырма әрі оқушыларды сергітеді.)

«Бағдаршам» туралы мультфильмінің жалғасын көреді. /2 мин 26 сек -7 мин 45 сек/.

Кейін жол белгілерінің суреттері слайдтан көрсетіледі.

Оқушылар бейнебаяндағы көрген жол белгілерінің суретін слайдтағы суреттердің ішінен тауып, түсінгенін айтып береді.

Мұғалімнің кері байланысы.

2-тапсырма.

Оқушылардың өздеріне жаңа жол белгілерін ойлап табу тапсырылады. Оқушылар өздерінің ұсынған белгі нені білдіретінін, не үшін қажет екенін дәлелдейді.

Бағалау критерийлері:

Ойлап тапқан жол белгілерінің суретін көрсетіп, сурет бойынша сөйлейді.

Бағалау.

Кері байланыс.

Рефлексия.

Мына сұрақтарға жауап береді:

• Бүгін не білдім?
• Не білгім келеді?

Үйге тапсырма: Жол белгілерін жаттап келу.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Оқушылардың барлығын бейнебаян мен мультфильм мазмұны бойынша деңгейіне қарай қойылған сұрақтарға жауап берулерін қамтып отырамын. Қабілетті оқушыларға сұрақтарды күрделендіріп қоямын. Оқушылар топтық жұмыста бір-біріне көмектеседі.

«Көлік және жол белгілері» бөлімі ғылымға кіріспе, бейнелеу өнері пәндерімен байланыста оқытылады.Көрген бейнебаяндары мен өз өмірлерін сабақтастыра отырып, оқушылардың бойында ашықтық пен құрметтей алу қасиеттерін қалыптастырамын. Сөйлеу барысында оқушылардың намысына тимейтін сөздерді қолдану арқылы өмір қауіпсіздігін сақтауға болады.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:«Көңілді көліктер. Жол белгілері» мультфильмі;

2: Жаңа жол белгілерін ойлап табу.

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1: Бағдаршамнан өту бойынша көрініс қою;

2: 1 шумақ өлең шығару.

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?

Көркем әдеби шығармалардан үзінділерді мәнерлеп оқыту.