Жануарлар әлемі. Қазақ тілі, 5 сынып, қалыптастырушы бағалау. 5 сабақ

Пән:

қазақ тілі

Сынып:

5

Бөлім/Тақырып

4-бөлім: Жануарлар әлемі мен өсімдіктер дүниесі

Оқыту мақсаты

ӘТН 3 Лексикалық норма:

Тура және ауыспалы мағыналы сөздерді, көп мағыналы сөздер, омоним, антоним, синонимдерді көркемдік ерекшеліктеріне сай қолдану

Ойлау

дағдыларының

деңгейі

Білу, түсіну және қолдану

Бағалау критерийі

Омоним, антоним, синонимдерді анықтап, көркемдік ерекшеліктеріне сай қолданады.

Тапсырма

Оқылым тапсырмасы. Мәтін негізінде төмендегі тапсырмаларды орындаңыз.

http://massaget.kz/layfstayl/debiet/ertegi/6265/ сайтындағы ертегі оқуға ұсынылады.

Түлкі мен қырғауыл

Бір түлкі қалың ағашты аралап келе жатып, ағаштың басында отырған қырғауылды көреді де, жақындап келіп:

- Сәлеметсіз бе, қырғауылым, халың қалай? – дейді. Қырғауыл:

- Жақсы өзің қалай тұрасың? – дейді.

Түлкі: - Жерге түсіп, сөйлессеңіз қайтеді, бір құлағым естімеуші еді? – дейді. Қырғауыл: - Жерге түсуге қорқамын, жерде әр түрлі аңдар бар, бізді жеп қоюы мүмкін, – дейді.

Түлкі: - Әй, достым, қазір заман бұрынғы заман емес, жаңа ғана келдім, бұйрық шығыпты, біреуге біреу зорлық қылмасқа, қой мен қасқыр бірге жүрсін, түлкі мен тауық бірге жүрсін деген, – дейді.

Қырғауыл: - Жақсы хабарыңыз бар екен, рахмет достым! Мына жақтан бір иттер келе жатыр, оларға да хабарыңызды айтыңыз, естісін, – дейді. Ит деген сөзді естіген соң, түлкі алды артына қарамастан қаша жөнеледі.

Қырғауыл: – Қайда барасың, түлкім, бұйрықты ұмытып кеттің бе? – дейді. Түлкі: – Кім біледі, бұйрықты ол естімеген шығар, – дейді міңгірлеп.

Тапсырма:

• Мәтіннен алынған сөздердің омонимін тауып түсіндір, сөйлем құрап көр.

• Мәтіннен алынған сөздердің синонимін тауып жазып, сөйлем құра.

3. Мәтіннен алынған сөздердің антонимін тауып түсіндір, сөйлем құра.

Бағалау критерийі

Омоним, антоним, синонимдерді анықтап, көркемдік ерекшеліктеріне сай қолданады.

Дескриптор:

• Мәтіннен алынған сөздердің омонимін тауып түсіндіреді;
• Көркемдік ерекшелігіне сай сөйлем құрайды;
• Мәтіннен алынған сөздердің синонимін тауып жазады;
• Мәтіннен алынған сөздердің антонимін тауып түсіндіреді.