Тіл үйренейік. Қазақ тілі, 5 сынып, сабақ жоспары. 6 сабақ

Мектеп: Атырау қаласы ХББ НЗМ

Мұғалімнің аты-жөні: Угыбаева Г. А.

Қатыспағандар:

1-бөлім: Мәдениет: тіл және қарым-қатынас

Тіл үйренейік

Алған білімді қолдану сабағы

5Ж2 Әртүрлі жанрда мәтіндер құрастыру: Жанрлық ерекшеліктеріне сай рәсімделуі мен құрылымын сақтап, хат, жарнама, хабарландыру құрастырып жазу.

5ӘТН1 Орфографиялық норма: Қазақ тілінің дыбыстар жүйесін, үндестік заңын, емлелік ерекшеліктерін ескере отырып, орфографиялық нормаға сай жазу

Барлық оқушылар

Тақырыпқа байланысты жарнама жасауға қатысады;

Үндестік заңын сақтайды;

Көптеген оқушылар

Жанрлық ерекшеліктеріне сай хабарландыру құрастырып жазады;

Қазақ тілінің дыбыстар жүйесін, үндестік заңын, емлелік ерекшеліктерін ескереді;

Кейбір оқушылар

Жанрлық ерекшеліктеріне сай ресімделуі мен құрылымын сақтап, хат, жарнама, хабарландыру құрастырып жазады;

Жазылымда орфографиялық норма ережесін сақтайды.

Жанрлық ерекшеліктеріне сай рәсімделуі мен құрылымын сақтап хабарландыру жазады;

Жазылымда үндестік заңын, емлелік ерекшеліктерін, орфографиялық норма ережесін сақтайды.

Пән лексикасы және терминология: үндестік заңы, орфография, орфографиялық норма

Диалог және жазылым үшін қажетті сөз тіркестер: шет тілін білу, көп тіл білу, оқу орталығы, тіл үйренушілер, т.б.

Тіл мәдениеті

Өзіңе және қоршаған ортаға деген сыйластық: Өз мәдениеті мен тіліне деген құрметпен қатар өзге мәдениет пен тіл, құқ, әдеп және көзқарастарға деген құрмет сезімін білдіреді.

5О7 Әртүрлі ресурс көздерінен қажетті ақпарат алу: Энциклопедиялар, балаларға арналған газет-журналдардан қажетті ақпаратты ала білу.

Жоспар

Жоспар бойынша орындалуы тиіс іс-әрекеттер

Ұйымдастыру

Сынып оқушылары «Балмұздақ таяқшалары» арқылы 4 топқа бөлінеді. Ту суреттері берілген парақшаларды суырады.

Қазақ тілі Ағылшын тілі

Қытай тілі Француз тілі

Сыныпқа сабақ тақырыбы мен оқу мақсаттары, жетістік критерийі таныстырылады.

Мағынаны тану

ТЖ

1-тапсырма

«Тіл үйренейік!» тақырыбында жарнама жасаңыздар.

Әр топ өздеріне түскен тілді өзге оқушылардың үйренуі үшін қызықты жарнама жасайды.

Кері байланыс

• Қай жарнама сәтті шықты деп ойлайсыз? Неліктен?
• Қай жарнама қызықтырақ болды? Неліктен?
• Сіз үшін шет тілін білу маңызды ма? Неліктен?
• Сіз үйрену үшін қай тілді таңдар едіңіз? Неліктен?

2-тапсырма

Ж

Жуық арада «Полиглот» оқу орталығы ашылғанын хабарлап, тіл үйренушілерді арнайы курстарға шақырыңыз. Хабарландыру жазыңыз.

• Курстың мақсатын, өту орнын, мекен-жайын, уақытын жазуды ескеріңіз.
• Үндестік заңын, емлелік ерекшеліктерін, орфографиялық норма ережесін сақтаңыз.

Төменде берілген сөздер мен сөз тіркестерін қолдануыңызға болады:

шет тілін білу, көп тіл білу, оқу орталығы, тіл үйренушілер, тегін онлайн-ресурстар, шет тілінде еркін сөйлеу т.б.

Бағалау

Рефлексия

Менің жұмысымның жетістігі...

Менің жұмысымдағы кедергі...

Мен неліктен кедергілерге тап болдым?