Табиғаттың таңғажайып құбылыстары. Қазақ тілі, 4 сынып, сабақ жоспары. 1 сабақ

Ұзақ мерзімді жоспар бөлімі:

5-бөлім: Табиғат құбылыстары

Күні:

Мектеп: Көкшетау қ. физика-математика бағытындағы Назарбаев Зияткерлік мектебі

Мұғалімнің аты-жөні:

Сынып: 4

Қатысқандар:

Қатыспағандар саны:

Сабақ тақырыбы

Табиғаттың таңғажайып құбылыстары

Осы сабақта қол жеткізілетін оқу мақсаттары (оқу бағдарламасына сілтеме)

4.1.5.1 аудио-бейнежазба мазмұнына өмірде болған/өзге шығармадағы ұқсас оқиғалармен салыстыра отырып баға беру

4.2.2.2* шығармадан әдеби көркемдегіш құралдарды (теңеу, эпитет, кейіптеу, аллитерация, әсірелеу), пейзажды табу және оларды қолдану

Сабақ мақсаттары

• Аудио-бейнежазба мазмұнына өмірде болған оқиғалармен салыстыра отырып баға беру
• Шығармадан әдеби көркемдегіш құралдарды (теңеу, эпитет, кейіптеу, аллитерация, әсірелеу), пейзажды табу және оларды қолдану

Бағалау критерийі

• Аудио-бейнежазба мазмұнына өмірде болған оқиғалармен салыстыра отырып баға бере алады;
• шығармадан әдеби көркемдегіш құралдарды (теңеу, эпитет, кейіптеу, аллитерация, әсірелеу), пейзажды табады және оларды қолданады

 Тілдік мақсаттар

Құпия, сыр, таңғажайып, табиғат құбылыстары, монолог, т.б.

Құндылықтарды дарыту

Өмір бойы білім алу, жалпы азаматтық құндылықтар

 Пәнаралық

 байланыстар

Дүниетану, ғылымға кіріспе

Алдыңғы меңгерілген білім

Табиғат құбылыстары туралы біледі

Сабақ барысы

Сабақта жоспарланған іс-әрекет

І. Ұйымдастыру кезеңі.

Қоңырау үні соғылды,

Сабағымыз басталды.

Оқушылар тынышалып,

Қатар-қатар тік тұрды.

ІІ.Қызығушылық-мотивациялық кезеңі

«Жасырын сөздерді анықта» ойыны

Жарқылдан соң жаңағы,

суға бөкті бар алап.

Көкте түрлі жолақты,

өрнек тұрды ғаламат!

Кемпірқосақ

Аспанды от қамшы осады,

ащы үнін ышқынып қосады.

Найзағай

Аспан түйді қабағын,

сұр пердесін керді де,

жапты жердің танабын

Тұман

Көкте туып, жерде өледі

Жаңбыр

• Балалар, қалай ойлайсыңдар, бүгінгі сабағымыз не туралы болмақ?

/табиғат құбылыстары/

ІІІ.Сабақтың тақырыбы мен мақсаты мен таныстыру, бағалау критерийлерін шығару.

(МК), (Ұ) Бейнежазба

Мақсаты: ұқсас оқиғаларды өзара салыстырып, баға беру.

«Табиғаттың таңғажайып құбылыстары» бейнежазбасын тамашалау және ассоциациялау.Бейнежазба мазмұнына өз пікірін білдіру.

–Қандай құбылыстарды көрдіңдер?

-Табиғат құбылыстары дегенде көз алдарыңа не елестейді?

-Неліктен олар таңғажайып деп айтылады?

- Аталған табиғат құбылыстарына ұқсас тағы қандай құбылыстарды білесіңдер?

/Оқушылардың жауаптары тыңдалады, өзара толықтырулар енгізіліп, кері байланыс жасалады/.

(МК, Ұ) Монолог дегеніміз не?

Мақсаты: монологтың ерекшелігі мен құрылымымен танысу.

• Балалар, жаңа біз не істедік?(табиғат құбылыстары туралы көріп, өз ойымызды айттық).
• Барлық адамның ойы бірдей болуы мүмкін бе?Неліктен?
• Біз ойымызды тыңдарманға қалай жеткіздік? (ауызша түрде)

(Т) Монолог туралы ақпарат.

Оқушылар үш топқа бөлініп, қима қағаздарда жазылған мәлімет таратылып беріледі.

Тапсырма: берілген ақпаратты топта талқылап, басқа топтарға «Галлерея» әдісі бойынша түсіндіру, «Екі жұлдыз, бір тілек» бойынша өзара бағалау.

• Монолог – (гр. monos - дара, гр. logos - сөйлеу) сөйлеуші өз ойын бір, бірнеше, көп адамдарға арнап айтатын ауызша сөйлеу әрекеті. Монолог тек қана ауызша сөйлеу ыңғайында бола бермей, жазбаша түрде де кездеседі. Екі жағдайда да (ауызша және жазбаша) негізгі ерекшелігі - бір адамның сөйлеуі немесе бір адамның ойы.
• Монологтың ерекшелігі:
• бір адамның ойы, сөзі көпшілікке қаратыла немесе өзіне арнап айтылады;
• Монолог тек қана ауызша сөйлеу ыңғайында бола бермей, жазбаша түрде де кездеседі;
• Монологта сөйлеуші тыңдаушыға хабарды мүмкіндігінше анық жеткізеді.
• Монологтың құрылымы:
• негізгі бөлім: түсініктемелер, толықтырулар, көрнекіліктер, дәлелдермен берілетін негізгі ой;
• қорытынды: негізгі бөлімде айтылғандармен сәйкес жасалған түйіндер.

/Кері байланыс жасалып, өзара бағаланады/.

(Т) Монолог құрастырамын.

Мақсаты: көркемдегіш құралдарды қолданып, монолог құрастыру.

• Тапсырма: «Табиғаттың таңғажайып құбылыстары» бейнежазбасы бойынша тірек сөздер мен жоспар арқылы көркемдегіш құралдарды қолданып, монолог құрастыру.
• Топ оқушыларына ортақ жоспар беріледі.

Тірек сөздер:Жасыл көл, алып аю көлеңкесі, піллә ағаштар, қызыл күрең түсті көл, ағаштардағы ешкілер, кемпірқосақ өзен, қызыл теңіз шаяндары, көк жанартау, жылжитын тастар, жарық қоңыздар үңгірі, Сахара көзі, алаулы кемпірқосақ, айналмалы найзағай, марсияндық көрініс, мұзды үңгірлер.

Жоспар:

1.Әлемдегі таңғажайып құбылыстар

2.Өзіндік баға беру

(Т), (Қ) Құрастырылған монологты баяндау және бірін-бірі бағалау

Рефлексия: «Жетістік жолы» әдісі

-Бүгін білдім- маған қызықты болды-маған қиындық туғызды- бірін таңдап, өзінің аңдауының себебін түсіндіру, кері байланыс беру.

Өзін-өзі бағалау

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Денсаулық және қауіпсіздік техникасының сақталуы

Топтар бойынша тапсырмалар орындау

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1:

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?