С. Балғабаев «Тойдан қайтқан қазақтар» комедиялық драмасы. Қазақ әдебиеті, 11 сынып, таратпа материал. 6 сабақ

Тапсырма №1. «Үш қадамды сұхбат» әдісі арқылы оқушылар шығармада көтерілген мәселеге көзқарас таныту үшін бірнеше сауалдар қойылады:

• Шығармадағы пойыз жолаушыларының әрекетінен қандай өзекті мәселені

аңғара алдыңыз?

• Мэлис Әлібаевич бейнесі арқылы жазушы қандай өзекті мәселені тілге тиек

етпекші болды?

Тапсырма №2. Топтық тапсырма беріледі. Әр топқа шығармадағы көтерілген мәселеге көзқарас таныта отырып, түрлі жанрда тапсырмалар орындау тапсырмасы беріледі.

• Эссе тобының тапсырмасы

Комедиялық туындыдағы қазіргі заман талабына сай заманына қарай амалын табар пенделерді, ел өмірін, бүгінгі қоғам мәселесіне өзіндік көзқарас таныта отырып, «Жағымпаздықтың қыры мен сыры» тақырыбында эссе жазыңыздар.

• Шығарма тобының тапсырмасы

Комедиялық туындыда көтерілген жағымпаздықтың, екіжүзділіктің көзге көлгірсу, бетке жылтырау, аяқ-қолын жерге тигізбей мақтау мәселесіне өзіндік көзқарас таныта отырып, «Заманың түлкі болса, тазы болып шал» тақырыбында шығарма жазыңыздар.

• Өлең тобының тапсырмасы

Автор бірінші көріністегі:

«Жасасын жақсы ағалар!

Асыл ағалар жасасын!

Жасасын қамқор ағалар,

Бастық ағалар жасасын!» деген тұсынан немесе үшінші көріністегі Қошқарбайдың: «Жасасын Мэлис Әлібаевич! Мэлис Әлібаевич жасасын! Жасасын асыл ағаларымыз! Ұлы ағаларымыз жасасын!» деген мәселеге көзқарас таныта отырып, «Жағымпаздық - бұл заманда басты өнер» тақырыбында өлең жазыңыздар.

• Әңгіме тобының тапсырмасы

Комедиялық туындыдағы жазылып жастық, иіліп төсек болу сынды жағымпаздықтың түрлі үлгісіне өзіндік көзқарас таныта отырып, жағымпаздық пен парақорлықтан арылған мекеннің оқиғасын сюжеттік әңгімеге желісі арқылы жеткізіңіздер.

Дескрипторларға сай топтық бағалау жүргізіледі:

• көтерілген мәселені анықтайды;
• өзіндік пікір, көзқарасын білдіреді;
• эссе, әңгіме, өлең, шығарма жаза алады;
• құрылымдық және стильдік ерекшелікті ескереді.