Ғарышкерлер – батыл адамдар. Қазақ тілі (орыс сыныбы), 4 сынып, сабақ жоспары.

Пән: Қазақ тілі Т2

Ұзақ мерзімді жоспар бөлімі:

7-бөлім: Ғарышқа саяхат

Мектеп: Талдықорған қаласының физика-математикалық бағытындағы Назарбаев Зияткерлік мектебі

Мұғалімнің аты-жөні: Бердібаева А.М.

Күні:

Сынып: 4

Қатысқандар саны: 12

Қатыспағандар саны:0

Сабақтың тақырыбы

Ғарышкерлер – батыл адамдар.

Осы сабақта қол жеткізілетін оқу мақсаттары (оқу бағдарламасына сілтеме)

Тыңдаған мәтін бойынша оқиғаның себеп-салдарлық байланысын (кейіпкерлер, оқиға) және негізгі ойды мұғалімнің қолдауымен анықтау

4.2.3.1 Белгілі бір тақырыпта сұбхаттасу барысында шағын мәліметті (4-5 сөйлем) баяндау, кері байланыс беру, сөйлеу стилін сақтау, дауыс ырғағын келтіріп сөйлеу

Сабақтың мақсаттары

Барлық оқушылар: анық айтылған сөзді тыңдап, тірек сөздерден кластер құрайды

Көптеген оқушылар: анық айтылған сөзді тыңдап, тірек сөздерден кластер құрайды және нақтылау мақсатында сұрақтар құрайды

Кейбір оқушылар: өз бетінше анық айтылған сөзді тыңдап, тірек сөздерден кластер құрайды және нақтылау мақсатында сұрақтар құрайды

Бағалау критерийлері

•  Мәтіндегі оқиғаның себебін түсіндіреді
•  Сұхбаттасу барысында қажетті мәліметті қамтиды
•  Диалогтік сөйлеу стилін сақтайды

Тілдік мақсаттар

Құпия, ғаламшар, зымыран, ғарыш айлағы, ғарыш, әуестену, қызықтыру

Құндылықтарды дарыту

Қоршаған әлем туралы көбірек білуге деген қызығушылықтарын арттыру

Мектеп миссиясын, пайымдауды, Жаһандық азаматтылықты іске асыру

Әлем туралы түсініктерін кеңейте отырып, табиғи ресурстарды үнемдеудің қажеттілігін түсінеді. Табиғатты қорғауға қатысты шараларға белсене қатысып, өзіндік үлес қосуға ұмтылады.

Пәнаралық байланыс

Дүниетану сабағы

АКТ қолдану дағдылары

Бастапқы білім

Сабақ барысы

Сабақтағы жоспарланған іс-әрекет

Үй тапсырмасын тексеру

Қызығушылығын ояту.

Сабақтың тақырыбымен және мақсатымен таныстыру.

Тыңдалым алды тапсырма:

(МК, Ұ) Жаңа сөздермен жұмыс

1-мәтін

Зымырандар ұшатын орынды ғарыш айлағы деп атаймыз. Әлемдегі ең ірі ғарыш айлағының бірі – Байқоңыр. Ол біздің Қызылорда облысында орналасқан. Байқоңырдан көптеген зымыран ұшырылады. Байқоңырда үлкен аллея бар. Ғарышқа ұшқан әр ғарышкер оған ағаш отырғызады. Аллея күн сайын көркейіп келеді.

• Ғарышкерлер аллеяға неліктен ағаш отырғызады?

2-мәтін

Тоқтар Әубәкіров – қазақтың тұңғыш ғарышкері. Ол ғарышкер болу үшін көп оқыды, спортпен айналысты. Ол парашютпен секіруді, ұшақты басқаруды үйренді, астрономия мен медицинаны меңгерді. «Мен жақсы маман ғана емес, жақсы адам болуды үйрендім», - дейді ғарышкер.

• Ғарышкер болу үшін Тоқтар Әубәкіров не істеді?

3-мәтін

 Талғат Мұсабаев Алматы облысында дүниеге келген. Бала кезінен гитара тартумен, ән айтумен әуестенген. Талғат Мұсабаев ғарышта 341 күн, 9 сағат, 48 минут болған. Ғарышқа алғаш рет ұшқанда 126 күнді ғарышта өткізген.

Ғарышқа екінші рет ұшқанда, 208 күнді ғарышта өткізген. Ғарышқа үшінші рет ұшқанда 8 күнді ғарышта өткізген.

• Талғат Мұсабаев ғарышқа неше рет ұшқан?

Дескриптор:

сұрақтардың негізінде оқиғаның себебін сипаттайды.

Тыңдалымнан кейінгі тапсырма:

Ғарышкердің «Мен жақсы маман ғана емес, жақсы адам болуды үйрендім» деген сөзін қалай түсінедің? Ойыңды жаз.

(Ж) Мәтінді мұқият оқы. Сұраққа жауап бер.

Мені ғарыш қатты қызықтырады. Ғарыш әлемі сондай құпия, сондай шексіз! Мен алдымен Марс ғаламшарын зерттегім келеді. Қызыл ғаламшардың құпияларын ашқым келеді. Содан соң мен бізге ең жақын жұлдыз – ыстық Күнді зерттеймін. Күн неліктен ыстық? Күннің сөнуі мүмкін бе? Мен осы сұрақтардың жауабын табамын.

Ал сен, досым, ғарыш әлемін зерттегің келе ме?

• Автор нелерді зерттегісі келеді?

• Оқыған мәтін үлгісінде жұбыңмен ғарыш туралы диалогке қатыс. Диалогте келесі сөздер мен сөз орамдарын қолдан:

• зерттеу
• бақылау
• құпияларын ашу
• өмір сүру
• жаңалық ашу
• үлес қосу
• танысу

Сабақты қорытындылау.

Кері байланыс беру.

Рефлексия

• Бүгін сабақта не үйрендің?
• Не қиын болды?
• Тағы не білгің келеді?

Бағалау – оқушылардың материалды меңгеру деңгейін қалай тексеруді жоспарлайсыз?

Жұптық бағалау.

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?