Бұрын ауа райын қалай білген? Қазақ тілі (орыс сыныбы), 4 сынып, сабақ жоспары.

Пән: Қазақ тілі

Ұзақ мерзімді жоспар бөлімі:

5-тарау «Табиғат құбылыстары» Күні:

Сынып: 4

Мектеп:

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы

Бұрын ауа райын қалай білген?

Оқу мақсаттары

4.2.3.1 белгілі бір тақырыпта сұхбаттасу барысында шағын мәліметті (4-5 сөйлем) баяндау, кері байланыс беру, сөйлеу стилін сақтау, дауыс ырғағын келтіріп сөйлеу

4.1.1.1 анық айтылған сөзді тыңдап, қысқаша жазба (тірек сөздер) жасау және нақтылау мақсатында сұрақтар құру.

Сабақ мақсаттары

Бағалау критерийлері

Мәтін мазмұны бойынша сұхбатқа қатысу барысында жауаптарды бағалап, кері байланыс береді.

Лексикалық минимум

Құйын (дауыл), найзағай, күн күркіреу

Грамматикалық минимум

Нақтылау мақсатында сұрақ қою жолдары:

• Найзағай қыста ойнай ма?
• Күн күркіресе, найзағай ойнай ма әлде құйын соға ма?

Құндылықтарды дарыту

Өзара сыйластық және топпен жұмыс орындау арқылы достыққа, бірлікке, татулыққа жететінін, сол арқылы еңбектің нәтижесін көретінін түсінеді.

Пәнаралық байланыстар

Дүниетану

АКТ қолдану дағдылары

Word мүмкіндіктерін қолдану

Бастапқы білім

Осыған дейінгі алған білімдері мен тілдік дағдыларына негізделеді.

Сабақтың барысы

Сабақтағы жоспарланған іс-әрекет

Ұйымдастыру кезеңі

Оқушылармен амандасу, түгендеу

Топтарға бірігу

«Пазл» әдісі арқылы алдын ала әрқайсысы бірнеше қиындыға бөлінген найзағайдың, құйынның (дауылдың), күннің суреттерін құрастырады. Сол суреттер бойынша 3 топқа бірігеді.

Үй тапсырмасын тексеру және жаңа тақырыпты жариялау

Қандай? сұрағына жауап беретін сөздерді қолданып, бүгінгі ауа райын айту

«Үш шындық пен бір жалған» әдісі бойынша өткен сабақ пысықталады. (шындық айтылса, 3 шапалақ, жалған болса, 1 шапалақ ұрады).

• Жауын, жаңбыр, жауын-шашын – мағынасы ұқсас сөздер.
• Ауа райын білу мұғалім, заңгер, дәрігер мамандары үшін маңызды.
• Найзағай, жел, бұлт – табиғат құбылыстары.
• Ауа райын синоптиктер, жәндіктер, жануарлар болжайды.

- Ауа райын синоптиктер болжайды. Олар ауа райын болжайтын орталықтарда жұмыс істейді. Синоптиктерде ауа райын болжайтын құралдар бар. Ал бұрын ондай құралдар болмады ғой. Бұрын адамдар ауа райын қалай болжады деп ойлайсыңдар?Ата-әжелеріңнің, үлкендердің ауа райын болжағанын естідіңдер ме?

- Құстардың, жануарлар мен жәндіктердің әрекеттерін, табиғат құбылыстарының өзгерістерін бақылаған және ауа райын білген.

- Жақсы, дұрыс айтасыңдар. Олай болса, бүгін біз қазақ халқының ауа райын табиғат құбылыстарына қарап қалай болжағандығы жайында білетін боламыз.

Сабақ мақсаты мен бағалау критерийлерін бірлесе құру – 3 минут

Жаңа сөздермен жұмыс

Жаңа сөздер: құйын (дауыл), найзағай, күн күркіреу

• Жаңа сөздердің айтылуын меңгерту жекелей және топпен әр сөзді дауыстап қайталау арқылы жүзеге асады;
• Жаңа сөздердің жазылуын меңгерту «Адасқан буындар» ойыны арқылы ұйымдастырылады. Оқушылар қағаз қиындыларындағы ҚҰ / -ЙЫН / ДА / -УЫЛ / НАЙ / -ЗА / -ҒАЙ / КҮН / КҮР / -КІ / -РЕУ деген буындарды өзара біріктіріп, партаға (3 жолға әр жаңа сөзді жеке-жеке) жапсырады (Буындар барлық топтарға бірдей алдын ала үлестірілген).

ЕСТЕ САҚТА!

Нақтылау мақсатында сұрақ қою жолдары:

• Найзағай қыста ойнай ма?
• Күн күркіресе, найзағай ойнай ма әлде құйын соға ма?

Үлгі бойынша жаңа сөздерді қатыстырып, нақтылау мәнді сұрақтар құрастырыңдар.

1-тапсырма. Мәтінді тыңдап, сұрақтарға жауап беріңдер.

(Мәтінді тыңдатудан бұрын әр топқа төмендегі сұрақтар таратылады. Бейтаныс сөздердің болу/болмауы анықталады. Барлық сұрақтар түсінікті болған соң мәтін баяу, анық етіліп 2 рет оқылады. Әрі қарай сұрақтарға жауаптары бағаланады).

Бұрын ауа райын болжау орталықтары болмаған. Қазақ халқы ауа райын құстарға, жан-жануарларға және табиғат құбылыстарына қарап болжаған. Табиғат құбылыстарына қатысты мынадай болжамдар бар:

• Жаз құйынды болса, қыс өте суық болады.
• Қазан айында күн күркіресе, қыс қысқа болады.
• Жаз найзағайлы болса, қыс жылы болады.
• Қыста бұлт желге қарсы көшсе, кешікпей қар жауады.

Сұрақтар:

• Бұрын ауа райын болжау орталықтары болды ма?
• Қазақ халқы ауа райын қалай болжаған?
• Жаз құйынды болса, қыс қандай болады екен?
• Қазан айында күн күркіресе, қыс қандай болады?
• Жазда найзағай көп болса, қыс қандай болады?
• Қыста бұлт желге қарсы көшсе не болады?

ҚБ «Шапалақ» әдісі арқылы жүргізіледі.

2-тапсырма. Сәйкестендіріп, сұрақтар дайындаңдар. Сұхбатқа қатысыңдар.

Бағалау «Екі жұлдыз, бір тілек» әдісі арқылы жүргізіледі.

Дескриптор:

• Мәтін мазмұны бойынша сұрақтар құрастырып, жауап берді.
• Жауаптарды бағалап, кері байланыс берді.

Рефлексия

«Жетістік баспалдағы»

Үй тапсырмасы:

«Ауа райын арнаулы құралдарсыз қалай болжаймыз?» тақырыбы бойынша ата-аналарыңнан сұхбат алыңдар.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушының материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушының жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез келген кезеңінде қолданыла алады.

Бұл бөлімде оқушының сабақ барысында үйренгенін бағалау үшін қолданатын әдіс-тәсілдеріңізді жазыңыз.

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын қауіпсіздік техникасы ережелерінің тармақтары.

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушының барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушының жетістік/ қиындықтары туралы нені білдім, келесі сабақтарда неге көңіл бөлу қажет?