Мақпал Мыса (Түнгі этюд)

 Мақпал Мыса (Түнгі этюд)

Мынау сыры бөлек түн,
Ғашықтардың мекені.
Жапырағы теректің
Сыбыр сыбыр етеді.

Аспантауды аймалап,
Самал есті жай ғана.
Төбемізден ай қарап,
Мүлгіп тұрды айнала.

Тау өзені арқырап,
Түн түндігін түреді.
Жұлдыз біткен жарқырап,
Қайнарбұлақ күледі.

Қайтқан кез бұл жыл құсы,
Тырна біткен тыраулап.
Ат үстінде жылқышы
Түннен дыбыс жүр аулап.

Жайлауды аңсап бар ауыл,
Асығады жазына.
Ойға қояр қарауыл,
Түн дегенің – қазына.

Жаным нұрға шөлдейді,
Іздегендей бұлбұл бақ.
Көңілімді тербейді
Тылсымы көп түнгі ырғақ.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі