Мақпал Мыса (Ыстық, ыстық сезімдердің аралы…)

 Мақпал Мыса (Ыстық, ыстық сезімдердің аралы…)

Көңіл көкте,Біз де, жаным, көктеміз,
Қырғыз келсең мұнда соқпай өтпеңіз.
Ыстықкөлде ыстық сезімдерімдей
Көз алдымда толқып жатты көк теңіз.

Тірліктегі бұл бір кешкен нұр кеші,
Жастығымның үлдесі мен бүлдесі.
Жағалаудың құмы алтын боп сусиды,
Ыстықкөлдің шыжып тұрған шілдесі.

Құрбыларға қуаныш бар құштық дер,
Қол бұлғаса жетеміз ғой түстіктер.
Ыстық түгіл жылуы жоқ тірліктен
Қуат іздеп келіп едім, Ыстықкөл!

Аймақ екен кең пішілген қолтығы,
Ағысына байлап қойған шолпыны.
Аспанынан ай қарады сол түні,
Көк теңіздің аймалады сол түні.

Ыстықкөлде ысып кеткен кезімде,
Көгілдір тау көлбеп тұрды көзімде.
Сол арнаға ағысымды қосқалы,
Айдын болып бара жаттым өзім де.

Толқыныңнан күй тыңдайды ел ұйып,
Қызуыңа балқиық та ериік…
Ыстық-ыстық сезімдердің аралы,
Жұмыр жердің бетіндегі Жерұйық!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі