Балабақша. Қазақ тілі (орыс сыныбы), 1 сынып, сабақ жоспары.

Пән: қазақ тілі

Ұзақ мерзімді жоспар бөлімі:

1-бөлім: «Өзім туралы»

Күні:

Сынып: 1

Мектеп: Талдықорған қаласындағы

Назарбаев Зияткерлік мектебі

Мұғалімнің аты-жөні: Г.Т.Жакупова, А.Н.Баримбекова

Қатысқандар саны:

Қатыспағандар саны:

Сабақ тақырыбы

Балабақша

Осы сабақта қол жеткізілетін оқу мақсаттары (оқу бағдарламасына сілтеме)

2.6 Орфоэпиялық нормаларды сақтау.

1.2.6.1 Мұғалімнің көмегімен қазақ тілінің төл дыбыстарын артикуляциялау.

2.3 Түрлі жағдаяттарда қарым-қатынасқа түсу және тіл нормасын сақтау.

1.2.3.1 Сұхбаттасының сұрағына жауап беру және оған сұрақ қою барысында тілдік нормаларды сақтап, этикет сөздерді қолдану.

Сабақ мақсаттары

Барлық оқушылар: мұғалімнің көмегімен қазақ тілінің төл дыбыстарын қайталайды, сұрақтарды түсінеді, жауап береді.

Көптеген оқушылар: мұғалімнің көмегінсіз қазақ тілінің төл дыбыстарын қайталайды, ұхбаттасын түсінеді, сұрағына жауап береді, сұрақ қояды.

Кейбір оқушылар: мұғалімнің көмегінсіз қазақ тілінің төл дыбыстарын қайталайды және дыбыстарға қосымша мысал келтіре алады, сұхбаттасының сұрағына толық жауап береді, оған сұрақ қояды, баға береді.

Бағалау критерийлері

• Қазақ тілінің төл дыбыстарын қайталай алады.
• Сұхбаттасының сұрағын түсініп, жауап бере алады.
• Сұхбаттасына сұрақ қояды.

Тілдік мақсаттар

Пәнге тән лексика мен терминология:

Диалог пен жазу үшін пайдалы сөздер мен тіркестер:

– Бала не істейді?

• Бала ойнайды?

...

Құндылықтарды дарыту

Бірін-бірі тыңдауға, сыйлауға және әдептілікке үйрету.

Пәнаралық байланыстар

Орыс тілі

АКТ қолдану дағдылары

Бастапқы білім

Ойыншық түрлерін қайталау.

Сабақ барысы

Сабақтағы жоспарланған іс-әрекет

• Ойыншық түрлерін қайталау, сөздік жұмысын өткізу.

Оқушылар шеңбер құрып, өздерінің сүйікті ойыншықтарын көрсетеді, олар туралы әңгімелейді:

– Мынау менің сүйікті қуыршақ ойыншығым. Оның шашы қара, көзі көк. Көйлегі қызыл, аяқ киімі қоңыр. Оның аты – Айжан.

• «Балабақша» тақырыбында әңгімелесу:

А) Сурет бойынша сұрақтарға жауап береді.

Диалог үлгісі:

– Мынау не?

• Бұл балабақша.
• Балабақшаға кімдер барады?
• Балалар.
• Балалар балабақшада не істейді?
• Ойнайды, тамақ ішеді, өлең, ән айтады, серуендейді, жаттығады.
• Балабақшада қандай бөлмелер бар.
• Ойын залы, би залы, жаттығу залы, ойын ауласы.
• Ойын залында нелер бар?
• Ойыншақтар, түрлі ойындар.

Сергіту сәті.

Оқушылар «Коңілді доп» дидактикалық ойыны арқылы өлең шұмағын жаттайды. Айтылған өлең жолының жалғасын тауып айтады.

Балабақаша үйіміз,Сені жақсы көреміз.Үлкен болып өскендеЕске алып жүреміз.

Ә) Жеке жұмыс.

Тапсырма. Сұрақтарға жауап бер, дұрыс жауапты таңда, астын сыз.

Оқушылардың сұрақты дұрыс түсініп, жауап беру дағдысы бағаланады.

Б) Жұптық жұмыс. Оқушылар жұпта өздерінің балабақшасы туралы айтып сұхбаттасады.

Сұрақ үлгілері:

– Сен балабақшаға бардың ба?

– Сен қай балабақшаға бардың?

– Балабақшаң қандай?

Сабақ соңында мұғалім рефлексия жүргізеді.

Үйге тапсырма: балабақша туралы ауызша шағын әңгіме құру (3-5 сөйлем).

Саралау –оқушыларға қалай көбірек қолдау көрсетуді жоспарлайсыз? Қабілетіжоғарыоқушыларғақандайміндетқоюдыжоспарлапотырсыз?

Денсаулық және қауіпсіздік техникасының сақталуы