Бақытгүл Бабаш (Егілген ен даланың елігі біз....)

 Бақытгүл Бабаш (Егілген ен даланың елігі біз....)

Егілген ен даланың елігі біз.
Түнде - елес, күндіз - сағым серігіміз.
Ілеміз кірпікке әкеп жыр-періште,
Күлеміз - күрсінеді жүрек іште.

Бейдауа халімізді Ай ғана ұғар.
Шербет деп у ішеміз - қайғыны алар.
Әйтеуір шырқамады таңымыз ән,
Бір Өмір барады өтіп жанымыздан...

Тылсымын өлеңге орап сен даланың,
Мен сырын шемен қылдым шер-қаланың.
Кеудеде асыл арман аһ ұрғанда,
Шайырлар мен шаһарлар шақырғанда,

Әлияш! Қосыла алмай қанаттыға,
Қу тірлік бізді талай талатты да.
Дүние - дидарғайып, сия алмадық.
Сия алмай, жанымызды жиі алдадық.

Аласа аспанымыз, құлапты Ай да.
Әлия-я, кетейікші! Бірақ... қайда?

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі