Ньютонның екiншi заңы. Масса. Физика, 9 сынып, дидактикалық материал.

«Ньютоннның екінші заңы» тақырыбына байланысты есептер шығару.

Оқу мақсаты:

9.2.2.2 Ньютонның екінші заңын тұжырымдау және оны есептер шығаруда қолдану

Бағалау критерийлері:

• Дене жылдамдығының өзгеруі мен оның массасы арасындағы байланысты түсіндіре алады
• Дене қозғалысы жылдамдығының өзгеру себебін біледі
• Ньютонның екінші заңы бойынша мысалдарды түсіндіріп, есептерді шығарады

Дескрипторлар:

• Есептер шығаруда Ньютоның екінші заңын қолданады
• Есептер шығаруда математикалық есептеулерді дұрыс жүргізеді

1.Белгілі бір күш бос арбаға 1,5 м / с², ал жүгі бар арбаға 0,5 м / с² үдеу береді. Жүктің массасы арбаның массасынан неше есе ерекшеленеді?

2.40 Н күш денеге 0,6 м / с² үдеу береді. Бұл денеге күштің қандай мәнінде үдеуі 1,8 м / с² болады?

3.Дене жылдамдығының проекциясы оның қозғалыс бағыты бойынша V_х=1,2t заңы бойынша өзгереді. Бұл бағытқа байланысты күштің проекциясын анықтаңдар, егер дененің массасы 1,5 кг тең болса.

4.Массасы 250 г тыныштықтағы хоккей шайбасы 0,02 с созылған соққыдан кейін мұз бетімен 30 м/с жылдамдықпен қозғалады. Соққының орташа күшін анықтаңдар.

5.Массасы 56 кг денеге әрекет ететін күштің проекциясын табыңдар, егер дене түзусызықты қозалады және оның координатасы х = 10 + 2t + t² заңы бойынша өзгерсе.

6.Массасы 30 т ұшақ қону алаңына 144 км/сағ жылдамдықпен түседі. Тежелу кезіндегі ұшаққа қандай күш әрекет етеді, егер тоқталуға дейін ол 800 м өтсе?