Қалыңдыққа арналған кеңестер

Қалыңдыққа арналған кеңестер

Тұрмысқа шығып, ақ көйлек кию әрбір қыздың арманы екені белгілі. Кез келген қалыңдық үйлену тойына ыждағаттылықпен дайындалып, ерекше сұлу болып, ибалы келін атануды қалайды.

Дегенмен сол армандары орындалу үшін олар біраз күш жұмсайды. Мәселен, өз-өзіне қарап, тері күтіміне көп мән береді, яғни нәзік, әдемі көріну үшін. Сонымен қатар, тойға дейін артық салмақ тастап, спорт залынан шықпайтындар да бар. Кейбірі диеат ұстап, табиғат аясында, таза ауада қыдырғанды әдетке айналдырады. Бір сөзбен айтқанда басынан аяғына дейін назарында ұстайды. Алдын ала біреулері стилистермен келісіп, шаш, тырнақтарын сәндейді.

Тағы бір тойға дайындық кезеңі − ол көйлек таңдау. Сондықтан қалыңдықтарға айтарымыз, той көйлегін таңдау кезінде еш ерінбестен бірнеше салонға бару керек. Ұнатқан көйлегіңізбен шыққан кезде ғана, өзіңізді еркін, әрі ыңғайлы сезінетін боласыз. Сонымен қатар, психологиялық дайындықтан өту керек. Ол үшін өзіңізге сенсеңіз болғаны. Осы аталған амалдарды орындасаңыз сіз үшін той естен кетпес ғажапқа айналатыны сөзсіз.

Той ерекше өту үшін қалыңдықтар бірнеше кеңеске жүгінуге тура келеді.

1. Қалыңдыққа көмектесіп жүретін жанында жақын құрбысы болу керек. Ол қалыңдықтың бет-әлпетіне қарап, бақылап жүруі тиіс.

2. Қалыңдық екі түрлі аяқ киім таңдағаны дұрыс. Біреу биік өкшелі болса, енді бірі табаны аласа. Оларды әр екі-үш сағат сайын ауыстырып киіп отырса, шаршамастан аяғынан тік тұрып, тойды өткізуге шамасы жететін болады.

3. Той алдында ұйқыны қандыру керек. Әрине, дәрі-дәрмектің көмегінсіз. Егер ішетін болсаңыз, ертеңіне бас ауырып ештеңеге жарамсыз болып қаласыз.

4. Тойға бір күн қалғанда қыздармен бас қосып кеш ұйымдастырудың қажеті жоқ. Ең дұрысы бір апта немесе бірнеше күн қалғанда ғана өткізу тиімді. Себебі, жақсы демалып, тойға дайындалу қажет.

5. Болашақ жарыңның ата-анасына алғыс сөздерді алдын ала дайындап қойғаныңыз дұрыс. Әрине, олар жүректен шыққан, шынайы болуы керек.

6. Қандай жағдай болмасын қалыңдық жыламау керек. Ол тек қана боялған бетіңізді құртып қоймай, көзіңіз бен мұрныңыз қызарып, суреттерде әдемі көрінбей қалуыңыз ықтимал. Сондықтан эмоцияға берілмей, бұл өміріңіздегі бақытты кезең деп жұбатыңыз.

Ұмытпаңыз! Осы жазылған кеңестерге көз жүгіртсеңіз, онда тойыңыз жеңіл, әрі қызықты өтетіне кепілдік береміз.

Дайындаған: Гүлжанар Жарқынбекқызы, Дереккөз: comode.kz, massaget.kz

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі