Механикалық жұмыс. Қуат. Физика, 7 сынып, дидактикалық материал.

Есептер шығару

Механикалық жұмыс.

Дескрипторлары:

• Есептің қысқаша берілгенін жазады;
• Физикалық шамаларды ХБЖ-не келтіреді;
• Қажетті формуланы қолданады;
• Математикалық түрлендірулер мен есептеулер жүргізеді;
• Есептің жауабын көрсетеді.

• Массасы 0,4 кг құс 70 м биіктікке көтерілді. Құсты көтерген күштің жұмысын табыңыз.
• Автокран массасы 1,5 т жүкті көтеріп, 22,5 кДж жұмыс жасады. Сонда жүк неше метрге жоғары көтерілген?
• 48 Дж жұмыс жасай отырып, денені 120 см биіктікке көтерген болса, осы дененің салмағы қандай? Массасы ше?
• 0,8 км жолда 200 кДж жұмыс қандай күштің әсерінен орындалған?
• Қазақстандық ауыр атлет Илья Ильин, 2014 жылы Алматыда өткен әлем чемпионатында 242 кг зілтемірді 2,1 м биіктікке көтеріп жаңа Әлемдік Рекорд орнатқан болатын. a) оның атқарған жұмысын анықта; b) егер Ильяның бойы ұзынырақ болса, ол атқарған жұмыс қалай өзгерер еді?
• Массасы 45 кг оқушы үйдің 7-қабатына алдымен баспалдақпен, содан соң лифтпен көтерілді. Екі жағдайдағы оқушының жасаған жұмыстарын салыстырыңыз. Әр қабаттың биіктігі 3 м-ге тең.

Қуат

• Қуаты 5 кВт қозғалтқыш 30 мин ішінде қандай жұмыс істейді?
• Тарту күші 50 кН электровоз 2 сағ бойы бірқалыпты 54 км/сағ жылдамдықпен қозғалды. Оның атқарған жұмысын анықтаңыз. Электровоз қуаты қандай?
• Көлемі 4,5 м³ суды 5 минутта 5 м биіктікке көтеретін насостың орташа қуатын анықтаңыз
• Кран массасы 2 т жүкті 10 м биіктікке 40 с-та көтерді. Кран атқарған жұмысты және оның қуатын есептеңіз.
• Қуаты 3 МВт тепловоз 150 кН күшпен құрамды (состав) тартып келе жатыр. Осы құраммен 48 км жолды бірқалыпты өтуі үшін қанша уақыт қажет?
• 2008 жылғы Бейджинг олимпиада ойындарында ресейлік Андрей Сильнов 2 м 36 см биіктікке секірген болатын. Оның секіру ұзақтығы 0,3 с-ке созылды. Егер спортсменнің массасы 67 кг екенін білсек, ол секіру кезінде қандай қуат өндірген?