Ойын арқылы қиындықты шешу жолдарына оқыту. Дене шынықтыру, 5 сынып, сабақ жоспары. 1 сабақ.

6-бөлім: Бірлескен іс-әрекетті қажет ететін қызықты ойындар

Мектеп: Алматы каласы ФМБ НЗМ

Күні:

Мұғалімнің аты-жөні: ?

Сынып: 5

Сабақ тақырыбы: Ойын арқылы қиындықты шешу жолдарына оқыту

Осы сабақта қол жеткізілетін оқу мақсаттары (оқу бағдарламасына сілтеме)

5.1.4.4.Қимыл-қозғалысты орындау кезіндегі өзінің және өзгелердің қолынан не келетінін білу және анықтау

 Сабақ мақсаттары

Түрлі қимыл-қозғалыс ойындары арқылы физикалық қабілеттерін жетілдіру.

Өзінің және өзгенің қозғалыс қабілеттерін біліп, анықтай алады.

 Жетістік критериялары

Түрлі қимыл-қозғалыс әрекеттері арқылы өзінің және өзгелердің физикалық қабілеттерін анықтай алады.

Топтық ойындарда бірлесе жұмыс жасай отырып, қиындықты шешу жолдарын табады.

 Тілдік мақсаттар

• Ойындағы түрлі қимыл-қозғалыстарға негізделген рөлдерді анықтайды және көрсете алады

Пәнге тән лексика мен үш тілдегі терминология:

-преодолевать препятствия-overcome obstacles;

-динамика- dynamics;

-координация- coordination;

-тапқырлық- находчивость- resourcefulness;

-тәуекел- риск- risk

Диалог пен жазу үшін пайдалы сөз тіркестері:

• Ойын кеңістігі деген не?
• Ойын ойнау кезінде қандай тапқырлық көрсетіп, тәуекелге барасыз?

 Құндылықтарды дарыту

Өз бетімен және топта жұмыс жасай білу. Патриотизм. Өзін-өзі жетілдіру мен дамыту қажеттілігін сезіну.

 Пәнаралық байланыстар

Дене бұлшық еттердің дамуы ж/е жүрек соғысының өзгерісі туралы биология пәнімен байланыстырып, сабақтастыру

 АКТ қолдану дағдылары

Интернет арқылы түрлі қимыл-қозғалыс ойындары туралы теориялық мағлұмат алады

Бастапқы білім

Қимыл-қозғалыс ойындарын түсініп, орындай білу. Спорттық жабдықтарды қолданудағы қауіпсіздік және өз-өзін сақтандыру.

Сабақ барысы

Сабақтағы жоспарланған іс-әрекет

1.Ұйымдастыру кезеңі:

- сапқа тұру,сәлемдесу;

- сабақтың оқу мақсатын, сабақтың мақсатын және жетістік критерийін түсіндіріп мәлімдеу;

2. Ынталандыру, сергіту ойыны: «Ұшты-ұшты»

Ойын бастаушы айнала отырған ойыншыларды жаңылыстыру үшін тез-тез ұшатын заттарды араластыра айтып отырады, Шарт бойынша,тез ұшатын зат аталғанда ғана,ойнаушылар қолдарын көтеру керек,Ал егер кімде-кім ұшпайтын зат аталғанда ғана қолын көтеріп қойса,айыбын тартады,яғни бір өнерін көрсетеді,Ойын осылай жалғаса береді,

3.Арнайы жүгіру, секіру дайындық жаттығуларын орындау:

а) оң ж/е сол қапталмен аяқты алшақ қойып секіре-жүгіру;

ә) қолды белге қойып, тізені бүкпей аяқты алға сермей жүгіру;

б) қолды желкеге қойып, тізені бүгіп өкшені артқа сермей жүгіру;

в) тізені алға бүгіп жоғары көтере жүгіру;

г) оң ж/е сол қапталмен аяқты қиғаш айқастыра сала жүгіру;

ғ) оң ж/е сол аяқты ауыстыра отырып алға секіре жүгіру.

Әрбір дайындық жаттығуы спортзалдың жарты айналымына дейін ғана орындалады.

4. «Өзіңді сына» әдісімен видеоролик көрсетілімі арқылы жалпы дамыту жаттығуларын фитбол добымен орындаңыз.

Сұрақ арқылы талқылау:

- Жаттығу түрлерін көмексіз орындай алдыңыз ба?

- Қандай жаттығу сіздерге қиынырақ болды?

Жаттығу соңында «Басбармақ» әдісімен өзін-өзі басқару, бағалау.

Ашық алақан- барлық жаттығуды жасай алдым;

үш саусақ көтеру- жартылай жасай алдым;

жұдырығын көрсету- ештеңе жасай алмадым.

Тапсырма1. Топтық жұмыс .«Ойлан- топтас- бөліс» әдісі - идеялар мен ойларды дамытудың құрылымдалған әдісі,тапсырма карточка арқылы орындалады.

1топтың тапсырмасы. Төмендегі спорттық құралдардың (секіртпелер,конустар, обручтар, төсеніштер, гимнастикалық орындықтар) көмегімен эстафеталық ойындар құрастырып, оны көрсетіңіздер және ойындағы қиындықты анықтаңыздар.

Карточка 1.

Дескриптор: оқушы

• спорттық құралдарды тиімді және қауіпсіз пайдаланады;
• топпен бірігіп жұмыс жасайды;
• қабілеттерін ойында көрсетеді;
• бір-бірінің жұмыстарына әділ баға береді.

2топтың тапсырмасы. Төмендегі спорттық құралдардың (жеңіл атлетика барьерлері, фитбол доптары,тығыздалған доптар, конустар) көмегімен кедергілерден жүгіріп өту ойынын құрастырып, оны көрсетіңіздер және ойындағы қиындықты анықтаңыздар .

Карточка 2.

Дескриптор: оқушы

• ойланып, топтасып, ойларын бөлісіп жұмыс жасайды;
• спорттық құралдарды қауіпсіз қолданады;
• бір-біріне көмектеседі;
• физикалық қабілеттерін өз шамаларымен көрсетеді;
• бағалауда әділдіктерін көрсетеді.

Тапсырманы сұрақ арқылы қорытындылау немесе пікір алмасу:

• Тапсырма орындауда спорттық құралдардың тигізер пайдасы неде?
• Топтық жұмысты орындау кезіндегі ең күрделі жаттығуды атаңыздар, неліктен күрделі деп ойлайсыздар?

Тапсырма2. «Ойында көрін» әдісімен жұптық ойын. Фитбол добымен суреттегідей екі оқушы арқамен бірін-бірі итере жүріп допты түсірмей сызықтан шығаруға тырысады. Сызықтан шыққан оқушы жеңіледі.

Сұрақ арқылы ойын қорытындысын талқылау:

• Ойын кезінде өздеріңіздің қабілеттеріңізді, мүмкіндіктеріңізді көрсете алдыңыз ба?

Ойын соңында бір-біріне баға береді.

1.Тыныс алу жүйесін қалпына келтіру.

« Бәріміз біріміз үшін, біріміз бәріміз үшін» жаттығуы

Топ бір қатарға тұрады және 1-16 санауда сапқа тұрып жүруді бастайды. 1 - 4 – үш қадам алға, аяқты түзеп қою; 5 - 6 – айнала бұрылу; 7 - 8 – оңға сүйеу қадам; 9 - 10 – солға бұрылу; 11 - 12 – алға қадам, аяқты түзеп қою; 13 - 14 – айнала бұрылу; 15 - 16 – оңға бұрылу.

2.Үйге тапсырма: Әр топқа (кем дегенде бір) кез келген бір ұлттық қимыл-қозғалыс ойындарын дайындап әкелу.

3.Кері байланыс. Рефлексия.

Оқушылар түрлі- түсті қағаз арқылы сабақ туралы пікірлерін төмендегі «Бағдаршам» таблицасына белгі қою арқылы білдіреді

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

• Композициялық тапсырмалар кезінде нәтижесі, тапсырмасы мен жабдығы бойынша айырмашылық.
• сөз қорын тереңдету үшін реттіліктерін құрғанда қабілетті оқушыларға қиындау сұрақтар қойыңыз.
• Сәл әлсіз оқушыларға көмектесу үшін композициялық тапсырмаларды және де топ мүшелері санын азайту немесе жеңілдету.

• Байқау, тыңдау, сұрақ қою.
• Оқушылар қозғалғанда қажет болғанда тоқтап, қауіпсіздік туралы біліп, тапсырмаға қатыса ма?
• Оқушылар жаттығу мен жүгіру арасындағы айырмашылықты біле ме?
• Оқушылар залдағы кеңістік пен қозғалыс координациясын қалай үйлестіре алады?

Топтық композиция мен талқылау сапасы

• Ғылыммен байланыс – денсаулық пен дене, қауіпсіздік, салмақ/ағын динамикасы

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?