Жұмыстардың көрмесі. Көркем еңбек (ұлдар), 5 сынып, сабақ жоспары.

Пәні: Көркем еңбек (ұлдар)

Ұзақ мерзімді жоспар бөлімі: 2А – Бөлім.

Сәндік-қолданбалы шығармашылық.

Күні:

Сынып: 5

Сабақ: 45 минут

Жұмыстардың көрмесі.

5.3.1.1

Бүкіл сыныпқа дайын жұмысты таныстыру.

• оқушылар таныстыру жұмысын біледі;
• сыныпта жоғары деңгейдегі көрме ұйымдастыруды меңгереді;
• бұйым жасауда өз алғашқы білімдерін қолданады;
• әділ бағалау жүргізеді.

• бұйымның эстетикалық көрінісі, көрмеге қоюға лайықтылығы;
• көрмені жоғары деңгейде ұйымдастыру, халық назарын аударта білу;
• өз бұйымдарына сатылым бағасын белгілей алу.

Тілдік оқыту мақсаты

Оқушылар орындай алады:

Сәндік - қолданбалы өнер түрлерін баяндайды.

Қазақтың ұлттық және басқа да этностардың халқтарының тұрмыстық ғұрып-салтын, дәстүрін, тарихын айта алады.

Бұйым жасаудағы өзгенің шығармашылдық идеясын, ойын түсіндіріп береді.

Пәндік тіл және терминология

Диалогқа/жазбаға қажетті тіркестер

Мәдениет, салт, дәстүр, ғұрып, өру, тоқу, ағаш ою, зергерлік, мүсіндеу, бедерлеу, көркем өңдеу,тоқу.

Торсық, ожау, алаша, кілем, көрпе, мүлік, ат әбзелдері. Мен ...таңдау себебі, ...

Мен бұны ... материалдан жасалғанын білдім.

Мен ... пайдалы жақтарын білемін.

Мен ... материалдар мен құралдарды қолданғанын білдім. Бұл бұйым ... ерекшеліктерден тұрады.

Көрме кезінде оқушылардың сыйластық, ұйымдастыра алушылық қабілеттері дамиды. Өзара бағалау кезінде құрмет, сыйластық, ашықтық және академиялық шындық құндылықтары қалыптасады.

Бұл сабақта пәнаралық байланыс болмайды.

Көрме ұйымдастырылғандықтан бұл сабақта АКТ қолданылмайды.

Тоқыма түрлерін, өру жолдарын біледі.

Сабақ барысы

Сабақтағы жоспарланған

іс-әрекет

Оқушылармен сәлемдесіп, түгелдеп болған соң бүгінгі сабақтың тақырыбы айтылады.

Оқушылардан бөлім бойынша қандай тақырыптар өтіп, қандай сәндік бұйымдарын жасағандары ауызша сұралады.

Еске түсіру және бөлімді қорыту аяқталған соң оқушыларға көрме ұйымдастыру тапсырылады.

Көрмеге қойылатын бағалау критерийі:

• Бұйымдарды дұрыс орналастыру;
• Әр бұйымда бирканың болуы;
• Халықтың назарын аударта алуы.

Оқушылар осы бағалау критерийіне сәйкес жұмыстарды дайындайды және көрмені ұйымдастырады.

Оқушылар бір-бірлерінің шығармашылық жұмыстарын бағалау үшін аукцион ұйымдастырылады.

Бір оқушы аукцион жүргізуші болып белгіленеді. Қалған оқушыларға жарамсыз, жалған ақша таратылады. Аукцион жүргізуші оқушы бұйымға талдау жасай отырып бастапқы бағаны айтады, содан соң алатын адам болса одан әрі тағы да бағаны көтереді. Солай соңғы адамға жұмыс сатылады.

Мұнда оқушылардың бойында академиялық шындық құндылықтары арта түседі.

Сабақ соңында оқушылардан кері байланыс алынады. Ол үшін оқушыларға «Аяқталмаған сөйлем» атты кері байланыс парағы беріледі. Оқушылар парақшадағы сөйлемдерді аяқтап толықтырады.

Сабақты қорыта келе бүгінгі көрменің қандай деңгейде ұйымдастырылып, өткізгендігі және бұйымдардың барлығы сатылғандығы немесе сатылмай қалғандығы айтылады.

Оқушыларға келесі бөлімде өтетін тақырыпты ескертіп, қажетті материалдарды жинақтау тапсырылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Оқушыдан күтілетін нәтиже – тапсырманы уақытылы орындау, бағалау критерийіне сәйкес болу, шығармашылық жұмысты сауатты орындау.

Бұл сабақта оқушылар көрме ұйымдастырылғандықтан дифференциациялық тапсырмалар берілмеді.

Қауіпсіздік техникасы ережелерінің тармақтары:

- сызғышты, қаламды лақтырмау;

- кескіш, қию заттарын ұқыпты пайдалану т.б.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.