Компьютердің құрылғылары. Информатика, 3 сынып, сабақ жоспары, 2 сабақ.

3.1А Компьютер және программалар

Мектеп:

Мұғалімнің аты-жөні:

Қатысқан оқушылар саны:

Қатыспағандар:

Компьютердің құрылғылары

• енгізу (мысалы, тінтуір пернетақта) және шығару құрылғыларын (мысалы, монитор мен принтер) ажырату

• компьютердің негізгі құрылғыларымен таныстыру
• енгізу және шығару құрылғыларын ажырата білу

• компьютерге ақпаратты енгізу құрылғыларын атайды, олардың қолданысын айтып береді;
• ақпаратты шығару құрылғыларын және олардың қолданысын атайды;

Оқушылар осы тақырыпқа байланысты терминалогияларды қолдана отырып компьютердің енгізу, шығару құрылғыларын атап олардың қолданысын айтады.

Пәндік лексика және терминалогия:

• енгізу құралы, шығару құралы, камера, монитор, пернетақта, жүйелік блок, тінтуір.

Диалог/жазуға арналған пайдалы сөз тіркестер:

• Ақпаратты енгізу құрылғыларына … жатады.
• Ақпаратты шығару құрылғыларына … жатады.
• Пернетақта ... қажет, монитор .. қажет.

Топтық және жұптық жұмыс арқылы өзіне және басқаларға құрмет пен ынтымақтастыққа үйрету, өзіндік жұмыс арқылы- академиялық адалдыққа, өмір бойы оқуға бағыттау.

Дүниетану, бейнелеу, орыс тілі

Оқушылардын компьютердің құрылғылары туралы түсінігі бар (монитор, пернетақта, тінтуір, жүйелік блок)

Жоспар

Жоспар бойынша орындалуы тиіс іс-әрекеттер

•  Ұйымдастыру

 Сабақтың басында мұғалім оқушыларға монитор, пернетақта, тінтуір, принтер бейнеленген кеспе қағазызын таратып екі топқа бөледі.

 Топқа бөлініп болған соң талқылауға сұрақтар қояды:

• Мақсатты тұжырымдау

«Миға шабуыл»

 (Сабақ тақырыбың анықтауға арналған іс- әрекеттер)

•  Не себепті дәл осылай бөліну қажет болды?
•  Бірінші топтағы құрылғылдардың негізгі қызметі қандай?
•   Екінші топтағы құрылғылардың негізгі қызметі қандай?
•  Сабақтын тақырыбы қандай болуы мүмкін?
•  Сабақтың мақсаты қандай?
•  Оқып үйренетін тақырып бойынша нені білгініз келеді?

 Сабақтың тақырыбын және оқу мақсатың тақтаға жазып қою

• Жаңа тақырыпты алғашқы меңгеру.

 Мұғалім топтағы суретке анықтамасын тұжырымдауға ұсыныс білдіреді.

 Ақпаратты енгізу құрылғылары... үшін берілген,

 Ақпаратты шығару құрылғылары ... үшін берілген

 Мұғалім үсынылған анықтамаларды дұрыстап, дәптерге жазып алуға ұсыныс береді.

 Топтық жұмыс

 Топта талқылау арқылы (өздерінің қолдарында бар құрылғыларға) тағы қандай құрылғылар қосуға болатынын және не себепті осы құрылғыларды ұсынып отырғанын түсіндірсін.

 (Егерде оқушы қиналып отырса, мұғалім тақтадаң суреттер көрсете алады).

 Мысалды оқушылар дәптерлеріне жазып алады.

 Көрсетілім

 Ноутбук бейнеленген сурет көрсетіп, ондағы енгізу және шығару құрылғыларын көрсетіп, атап беруін ұсынады.

 Смартфон бейнеленген сурет көрсетіп, ондағы енгізу және шығару құрылғыларын көрсетіп, атап беруін ұсынады.

 Мүмкін оқушылар смартфон арқылы қосымша енгізу және шығару құрылғыларын атай алатын болар (gps қабылдағышы, сенсорлы экран...)

 Көп дау тудырған және атқаратын қызметін түсіндіріп бере алмаған құрылғыларды айқындаңыз. Мүмкіндігінше шынайы компьютер қолданып, құрылғыларды атап бере аласыз.

 Қалыптастырушы бағалау .

 Оқушылар мұғалім ұсынған кестені өз бетінше толтырады. Олар бос торға қажет енгізу және шығару құрылғыларын жазады. Көзбен шолушыларға ол құрылғылардың суреті болуы мүмкін, соның астына енгізу және шығару құрылғыларын жазып беру қажет.

 Дескрипторлар:

• Ақпаратты енгізу құрылғыларын атайды;
• Ақпаратты шығару құрылғыларын атайды.

 Оқушылар кестені толтырып, жұмыстарымен алмасады, бір-бірін бағалау арқылы кері байланыс береді.

Рефлексия

Сабақтың соңында рефлексия өткізіледі:

• Қандай жаңа құрылғылармен таныстым
• Қандай құрылғының атқаратын қызметін түсінбедім

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Топтық жүмыс атқарған кезде әр оқушы өз деңгейінде жұмыс жасайды.

Қалыптстырушы бағалау тапсырманың екі жағдайын қарастырады(кесте түрінде және сурет түрінде). Бірінші түрі күрделі болып келеді сондықтан қабілеті жоғары балдарға ұсынуға болады. Егерде екі түрін де қолданса мінсіз болар еді, себебі өзара бағалау кезінде бірнеше нұсқа қарастыруға болады. Білімді жетілдіруге көмектеседі.

Оқушылармен көзге және қолға арналған жаттығулар өткізіңіз