Кеңістіктегі түзулердің өзара орналасуы. Геометрия, 10 сынып, сабақ жоспары.

Ұзақ мерзімді жоспар бөлімі:

Стереометрия аксиомалары. Кеңістіктегі параллельдік.

Мектеп: НЗМ ФМБ Семей

Күні:

Мұғалімнің аты-жөні: Касимов Е.Е.

Сынып: 10

Қатыспағандар саны:

Сабақ тақырыбы: Кеңістіктегі түзулердің өзара орналасуы

Сағат саны: 2

Осы сабақта қол жеткізілетін оқу мақсаттары (оқу бағдарламасына сілтеме)

10.2.2 - кеңістіктегі параллель және айқас түзулер анықтамаларын білу, оларды анықтау және кескіндеу;

10.2.3 - кеңістіктегі параллель түзулердің қасиеттерін білу және оларды есептер шығаруда қолдану;

 Сабақ мақсаттары

Оқушы кеңістіктегі параллель, перепендикуляр және айқас түзулерді біледі, мысал келтіреді, сызбадан таниды.

Жетістік критерийлері

Оқушы

• Кеңістіктегі түзулер түрін ажыратады, сызбада таниды;
• Анықтамасын біледі;
• Параллель және айқас түзулер белгілерін қорытады;
• Оларды есептерде қолданады.

 Тілдік мақсаттар

Лексика/Терминология параллель түзулер, қиылысатын түзулер, айқас түзулер, жазықтық, кеңістік

Үштілділік. Келесі глоссарийді қолдану:

Жазықтық – Plane

Кеңістік – Space

Параллель түзулер – Parallel lines

Қиылысатын түзулер – Intersecting lines

Айқас түзулер – Skew lines

Түзулердің орналасуы – arrangement of lines

Диалог пен жазылымда қолданылатын тіркестер:

Кеңістіктегі екі түзу параллель/қиылысатын/айқас болады, егер...

Екі түзу бір жазықтықта орналасса/орналаспаса, және қиылысса/қиылыспаса, онда олар...

 Құндылықтарды дарыту

Оқушының өзінің білім алуына жауапкершілігін арттыру.

Бір-бірінің ойын, жауабын құрметтеуге топтық/жұптық жұмыс жүргізу арқылы баулу.

 Пәнаралық байланыстар

Өнер пәніндегі проекциялау тақырыбымен байланысты. Сабақта GeoGebra бағдарламалық ортасын қолдану көзделгендіктен ондағы әртүрлі командалар жолымен және олардың атқаратын функцияларын қарастырады.

 АКТ қолдану дағдылары

GeoGebra бағдарламасын қолданып үшөлшемді кеңістікте түзулерді салу қарастырылған.

Бастапқы білім

Стереометрия аксиомалары және оның салдарлары

Сабақ барысы

Сабақтағы жоспарланған іс-әрекет

Өткен сабаққа шолу жасау CLIL әдістемесінің элементтері бойынша.

Өткен сабақ бойынша тапсырмаларды орындау:

• Берілген үш нүкте жұп-жұптан кесінділермен байланысқан. Барлық кесінділер бір жазықтық бойында жататындығын дәлелдеңіз.

Дәлелдеуі: (; оқушылар бос орындарға тиісті сөздерді жазулары тиіс)

Бір түзу бойында жатпайтын А, В және С үш нүкте арқылы ________ жүргізуге болады және ол __________________болады.

АВ түзуі толығымен α жазықтығында жатады, себебі _________________осы жазықтық бойында жатыр.

Оқушыларға келесі сұрақтарды қою:

• Жазықтықта екі түзу өзара қалай орналасуы мүмкін? Кеңістікте ше?
• Сынып бөлмесіндегі әртүрлі екі түзуді алып олардың орналасуы жайлы көршіңізбен талдаңыз.

Жұптық жұмыс: Оқушыларға жұмыс парағындағы суреттерді ұсыну және оларды кеңістіктегі орналасуына байланысты топтауды ұсыну. Осыдан кейін параллель, қиылысатын және айқас түзулер анықтамасы мен белгілерін қорыту.

Сонымен қатар оқушыларға кеңістіктегі елестетулерін жетілдіру үшін GeoGebra бағдарламасының көмегімен осы түзулерді өздері салып немесе сол жақтағы екі сілтеме арқылы өтіп дайын салуларды көру арқылы кеңістікте жан-жағынан қарауды ұсыну.

Топтық жұмыс: Оқушыларға жұмыс парағында берілген 5-6 тапсырмаларды орындау көмегімен түзулердің параллельдік белігсін қорытып шығаруды ұсыну.

Өздік жұмыс: Жұмыс парағындағы 7-жаттығуды орындау және Презентация бойынша қосымша практикалық жұмыс

Рефлексия. Оқушыларға келесі сұрақтар ұсынылады:

• Мен бүгінгі сабақта нені білдім және үйрендім?
• Мен осы сабақта нені орындай алмадым?
• Оны орындау үшін маған не істеу керек? қалай?

Бағалау – оқушылардың материалды меңгеру деңгейін қалай тексеруді жоспарлайсыз?

Өткен сабақты қайталау бөлімінде бүкіл сынып талдауы арқылы оқушылардың жауаптары бағаланады. Одан кейін жұптық және топтық жұмыстарды бағалауда олардың қорытып шығарған анықтамалар мен белгілеріне сәйкес түзету ретінде мұғалімнің ауызша кері байланысы беріледі. Жеке жұмысты орындау барысында бақылау, сұрақ қою, талқылауды және жеке жұмысты бақылау арқылы бағалау жүргізіледі.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1: Оқушылардың көбінесе өз бетімен жұмыс парағы бойынша жұмыс жасап, анықтамалар мен белгілерді өз бетімен қорытындылап шығуы

2:.Тапсырмалардың алуан түрлілігі

Сабақты жақсартуға не ықпал ете алады (оқыту туралы да, оқу туралы да ойланыңыз)?

1: Оқушылардың қорытынды жасауда бұрыңғы білімдерін дұрыс қолдануы, яғни өткен сабақта қарастырып кеткен стереометрия аксиомалары мен салдарларын дұрыс қолдана алуы қажет болды.

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?

Оқушылардың көпшілігі сұраққа жауап беріп, сәйкес қорытынды жасауда дұрыс математикалық тілді қолдануда біраз жақсартулар керек екенін білдім. Осы бағытқа көбірек назар аудару қажет.