Бұрынғы премьер-министр Серік Ахметов 10 жылға бас бостандығынан айырылды

Бүгін Қарағанды облысының қылмыстық істер бойынша ауданаралық соты Қазақстанның бұрынғы премьер-министрі Серік Ахметовті мүлкін тәркілеп, 10 жылға бас бостандығынан айырды, деп хабарлайды nur.kz тілшісі.

«Сот қылмыстық істің мәліметтерімен танысып, дәйектерді зерттей отырып, түсінік берген куәгерлердің сөздерін сарапқа салу барысында, айыпталушы Серік Ахметовтің ауыр жемқорлық қылмыстарын жасағанына көз жеткізді және бар мүлкін тәркілеп, ортақ колониялық режимге 10 жылға бас бостандығынан айыру туралы үкім шығарады”, – деп мәлімдеді сот төрешісі Исламхан Есенбаев.

Ахметовтен өзге, сот алдында 2о-ға жуық мемлекеттік және коммерциялық құрылымдардың бұрынғы басшылары жауапқа тартылды. Олар шартты түрде бас бостандықтарынан айырылып, айыппұл төлейтін болады.

Сондай-ақ, Қарағанды облысының бұрынғы әкімі Бауыржан Әбдішев бар мүлкі тәркіленіп, 5 жылға сотталды. Қарағандының экс-әкімі Мейрам Смағұлов және “Сарыарқа” құрылымының бұрынғы қызметкері Матаев 3 жылға бас бостандығынан айырылды.