Фигураның ауданы және оның қасиеттері. Геометрия, 8 сынып, сабақ жоспары, 2 сабақ.

Ұзақ мерзімді жоспар бөлімі: Аудан

Мектеп:

Күні:

Мұғалімнің аты-жөні:

Сынып: 8

Қатысқандар саны:

Қатыспағандар саны:

Сабақ тақырыбы

Фигураның ауданы және оның қасиеттері

Осы сабақта қол жеткізілетін оқу мақсаттары (оқу бағдарламасына сілтеме)

8.1.3.10

тең шамалас және тең құрамдас фигуралардың анықтамаларын білу

 Сабақ мақсаттары

Оқушылар:

• тең шамалы және тең құрамды фигураларды ажырату, оларды тани білу;
• қасиеттерін есеп шығаруда қолдана алу.

Бағалау критерийлері

• фигуралардың ауданы ұғымын біледі;
• фигураларды аудандары бойынша салыстыра алады;
• фигуралардың бір біріне ұқсас не ұқсамайтын формада болғанда да аудандары тең болатынын түсінеді;
• кез келген фигураның ауданын оны ұсақ бөліктерге бөлу арқылы анықтауға болатынын немесе аудандары тең бірақ формасы әртүрлі фигуралар бірін бірі толық жабатынын түсінеді.

 Тілдік мақсаттар

Оқушылар:

- фигуралар аудандарының формулаларын ауызша тұжырымдайды;

- формулаларды түсінгенін тексеру үшін сұрақтарды тұжырымдайды;

- фигуралар аудадандарының формулаларын қорытуды түсіндіреді.

Пәнге тән лексика мен терминология:

- шама, өлшем бірлігі;

- ауданы, ұзындығы, ені;

- периметр, жарты периметр;

- жай фигура, жазық фигура;

- тең шамалас, тең құрамдас,тең фигуралар;

- көпбұрыш ауданы;

- үшбұрыш ауданы;

- төртбұрыш ауданы;

• Тең шамалы фигуралар – Равновеликие фигуры – Equal figures
• Тең құрамды фигуралар – Равносоставленные фигуры – Equivalent figures

Диалог пен жазу үшін пайдалы сөздер мен тіркестер:

-үшбұрыш/квадрат/тіктөртбұрыш

Құндылықтарды дарыту

Бірлесе, топтаса отырып жұмыс ждасау арқылы өзгенің еңбегі мен іс-әрекетін бағалай алуға дағдыландыру. Өзгені қадірлеуге үйрету.

Пәнаралық байланыстар

Шынай өмірде кездесетін есептер шығару

Бастапқы білім

• аудан ұғымы;
• ауданның өлшем бірліктерін түрлендіру

Сабақ барысы

Сабақтағы жоспарланған іс-әрекет

Сабақты белсендендіру. Жекелеме жұмыс.

Өткен сабақ жайлы айтып, сәл қайталау жұмысын жасап барып, жекелеме жұмыс жасайды.

Оқушыларға өткен тақырып, яғни «Фигуралардың ауданын табуға» өзіндік бағалау жұмысын ұсыныңыз. Жаңіа сабақты бастау үшін өткен тақырыптың маңыздылығынын астын сызып өтіңіз.

Топтық жұмыс

Оқушыларды сабақ тақырыбымен, оқу мақсаттарымен және бағалау критерийлерімен таныстыру. Таныстырып болғасын топтасып жұмыс жасауға жеьтелеу.

Оқушыларды 2-3 оқушыдан құралған әрдеңгейлі топтарға біріктіріңіз. Әрбір топқа аудан туралы барлық ақпараттарды өздері жазатын (салатын) постерде көрсетуін ұсыныңыз. Мысалы:

Оқушылар өздерінің плакаттарын көрсетіп болғаннан соң, ақпараттарды жалпылап, оларды көмекші болатын бірыңғай мәнмәтінге біріктіріңіз.

Ұжымдық жұмыс.

Жаңа ұғыммен таныстыру.

Сыныпқа тең шамалы және тең құрамды фигуралар жайлы ақпараттты беру. Олардың ара-жігін ажыратуы үшін анықтамаларды беру. Оқушылардың назарын удандардың қасиеттеріне аударыңыз.

Анықтама 1: Аудандары тең фигураларды тең шамалы фигуралар деп атаймыз.

Аудан ұғымын қатаң математикалық түрде төмендегі аксиомалардан алуға болады:

1. Тең фигуралардың аудандары тең.

2. Егер фигура қандай да бір сызықпен екі басқа фигураларға бөлінсе, онда берілген фигураның ауданы осы бөліктердің аудандарының қосындысына теі.

3. Қабырғасы бір өлшем бірлігіне тең квадраттың ауданы 1 - ге тең.

Анықтама 2: Егер фигуралар бірдей тең бөліктерге бөлінген болса, онда мұндай фигуралар тең құрамдас фигуралар деп аталады.

Әрине, бұл аксиомалар аудан ұғымың көрнекілігінен шығатын қарапайым қасиеттер және олар фигура ауданын өлшеу процесін анықтайды. Осы аксиомалардан мынандай салдарлар шығады.

Салдар 1. Егер бір фигура екінші фигураның бөлігі болса, онда бұл фигураның ауданы екінші фигураның ауданынан кем болады.

Салдар 2. Тең құрамды фигуралардың аудандары да тең болады.

Қабырғалары а және в болатын тіктөртбұрыштың ауданы мына формуламен анықталады.S =ab

Жұптық жұмыс

Оқушылар парталас достарымен тапсырманы тез талдап, бір-біріне түсіндіреді. Мұғалім жұптық жұмысты сырттай бағылап, нақты жауабын түйіндеу үшін барлық сынып оқушыларының назарын презентацияға аударады. Дұрыс тұжырым жасап отырған оқушының жауап беруіне мүмкіндік жасайды.

Оқушылар берілген фигуралардың аудандарын берілген бірліктермен сипаттап шығады.

Қосымша 2, тапсырма № 2

Тең шамалы фигураларды анықтап, келесі сұрақтарға сыни тұрғыда жауап берулерін тап етіңіз.

Тең шамалы фигуралар бар ма?

Тең құрамдас фигуралар бар ма?

Тең фигуралар бар ма

Ұжымдық жұмыс

Сыныптың барлық оқушыларымен бірлесе отырып, пролблемалық тапсырманы, яғни шынайы өмірдегі кездесетін мәселені шешуге аударады. «Тенис кортының ауданын табыңыз».

Оқушылар шаршыларды санап, тенистің ауданын есептейді.

Сабақ соңында оқушылар рефлексия жүргізеді:

-Сабақтанан оқу мақсатындағы сұраққа нақты жауап алдыңыз ба? Қандай?

-Сабақ несімен сізді қызықтырды?

- Нені енді үйренгіңіз келеді?

Оқушылармен сабақта алынған білім бойынша қорытындылау

Үй тапсырмасы: Теорияны оқып келу.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.