Исраил Сапарбай (Бойжеткеннің жүрісі)

 Исраил Сапарбай (Бойжеткеннің жүрісі)

Ұшып бара жатқандай қалқып қана,
Қолында ма қос қанат?
Қолтықта ма?
Қолаң шашы төгілген хордың қызын
Ей, дүние, үркітпе, қорқытпа да!

Жүзіп бара жатқандай жәйлап қана,
Айдынға да көз тастап,
Айлаққа да.
Қасы-көзі қиылған қарағымды
Қарауылға қайтесің байлап, бала?!

Ақ тамақты ару қыз, қара меңді
Қай мекеннен адасып, дара келді?
Қалтаңдаған қария,
Көкешіме,
Көзің өтіп кетеді, қарама енді!

Алдында – арман,
Аялсыз алдында Уақыт
Осы ма екен баянсыз балғын бақыт?
Сілекейі шұбырған ей, Бозбала,
Неменеге сілейіп қалдың қатып?

Асфальтыңыз айналып алақанға
Дән тосқандай Көгершін – балапанға.
Қауызына түсірмей қара таңба
Сәуірден гүл жетсе екен Саратанға...

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі