Сызбаны орындаудағы негізгі ережелерСызықтың түрлері (пішім, масштаб, негізгі жазу).Графика және жобалау, 10 сынып, сабақ жоспары.

Ұзақ мерзімді жоспар бөлімі: Бөлім 1: Ақпаратты визуализациялаудың графикалық әдістері мен құралдары

Мектеп: Ақтау қаласындағы Химия -биология бағытындағы Назарбаев Зияткерлік мектебі.

Мұғалімнің аты-жөні: Жасмағамбетова Б.А.

Сызбаны орындаудағы негізгі ережелерСызықтың түрлері (пішім, масштаб, негізгі жазу).

11.1.3.2

Сызық түрлерінің классификациясын білу және графикалық жұмыстарды орындауда дұрыс қолдану

Сызық түрлерімен таныса отырып өз сызбаларында қолдану.

- Сызық түрлері туралы түсінікті біледі.

- Сызба сызуда жасырын сызықтарды сыза біледі.

Кескіндерді визуалдау мен ақпараттарды беру әр түрлі қызмет (ғылым, өнер және техника) салаларында және адам өміріндегі алатын орны туралы пікірлерін айта алады.

Эстетикалық талғам, қарым-қатынас, шығармашылық жұмыс

тарих, география, биология.

АКТ пайдалана отырып презентациямен таныстыру.

Сабақтың жоспарланған кезеңдері

Ұйымдастыру: Сабақ мақсаттары мен бағалау кретерийлерімен таныстыру.

Өткен материалды жалпылау.

Бұл тапсырманы орындау оқушыларда сызықтар туралы түсінік және жасырын сызықтарды сызу ережелерімен таныстыру мақсатынада ұсынылады.

Сызықтардың төртеуі тұтас, ал қалған бесеуі тұтас емес сызықтар.

1. Тұтас жуан негізгі сызық. Егер бұл сызықтың жуандығын s (латын әрпі) деп белгілесек, онда s кескіннің мөлшері мен күрделілігіне және сызбаның пішіміне байланысты 0,5мм-ден 1,4мм-ге дейінгі аралықта алынады. Бір сызбадағы сызықтардың жуандықтары бірдей болуға тиіс. Тұтас жуан негізгі сызық сызбада көрінетін сызықтарды бастыра жүргізу үшін қолданылады.

2. Тұтас жіңішке сызық. Оның жуандығы негізгі сызықтың жуандығынан екі-үш есе жіңішке болады. Шығару және өлшем сызықтары, проекция осьтері, көмекші тұрғызу сызықтары, қима мен тілікті сызықтау (штрихтау) тұтас жіңішке сызықпен жүргізіледі.

3. Тұтас жіңішке іркісінді сызық. Жуандығы тұтас жіңішке сызықтың жуандығыңдай болады. Ұзын үзу сызықтарын көрсету үшін қолданылды.

4. Тұтас ирек сызық. Жуандығы тұтас жіңішке сызықтың жуандығымен бірдей. Үзу сызықтары үшін және тілікті көріністен бөлу үшін қолданылады. Ирек сызық сызу аспаптарының көмегінсіз, қолдан жүргізіледі.

5. Үзілме сызық. Сызық бөліктерінің ұзындығы 2мм-ден 8мм-ге дейінгі аралықта, ал олардың ара қашықтықтары 1мм-ден 2мм-ге дейінгі аралықта алынады. Бұл сызықтың жуандығы да S/3 ... S/2 тең болады. Үзілме сызық сызбада көрінбейтін сызықтарды жүргізу үшін қолданылады.

6. Жіңішке нүктелі үзілме сызық. Бұл сызықтың жуандығы да S/3 ... S/2 тең болады. Сызық бөліктерінің ұзындығы 5мм-ден 30мм-ге дейінгі, ал аралықтары 3мм-ден 5мм-ге дейінгі аралықта алынады. Сызбаның осьтік және центрлі сызықтары осы сызықтың көмегімен көрсетіледі.

7. Жуандатылған нүктелі үзілме сызық. Жуандығы тұтас негізгі сызыктың жуандығынан 1,5 – 2 есе жіңішке болады. Бөліктерінің ұзындықтары 3 – 8мм, ал олардың аралықтары 3 – 4мм болады. Шынықтырылатын және қапталатын беттерді жуандатылған нүктелі үзілме сызықпен көрсетеді. Бұл сызықты қиюшы жазықтықтың алдындағы нәрсе бөлігін кескіндеу үшін де пайдаланады.

8. Жіңішке қос нүктелі үзілме сызық. Жуандығы тұтас жіңішке сызықтың жуандығымен бірдей болады, яғни S/3 ... S/2 тең. Бөліктерінің ұзындықтары 5 – 30мм, олардың аралығы 4–6мм болады.

9. Үзілме сызық. Сызбада қиюшы жазықтықтардың орындарын көрсеткенде пайдаланылады, сондықтан оны қима сызығы деп те атайды. Жуандығы 1 ... 1,5 S-ке тең болады. Бұл сызық екі бөліктен турады, бөліктерінің аралығы қимасы немесе тілігі берілетін нәрсенің сәйкес өлшеміне байланысты.бір бөлігінің ұзындығы 8 – 20мм-ге тең.

Оқушыларға заттың/тетіктің сызбаларын қарастыруды ұсыныңыз (мысалы, жиһаз сызбасы: шкаф, стөл, орындық жиһаз бөліктері және т.б.) және олардың орындалу тәсілдерін анықтау, оқушылар безендірудің конструкторлық құжаттардың бірыңғай ережесін сақтай отырып, масштабты дұрыс қолдануын қадағалау. Оқушылардың негізгі жазудың орналастыруын және сызба ларды дұрыс безендірулеріне көңіл бөліңіз. Заттың/ тетіктің сызбаларын ашық және жабық сұрақтар стратегиясы бойынша талқылаңыз.

-Берілген сызбалардың ортақ белгілері?

-Олардың айырмашылығы?

Мектепте сызба орындауда негізгі жазудың жеңіл түрін қолдануды түсіндіру ұсынылады.

Сызық түрлерін сызуда жәй қарындаштың қаттысын таңдауға назар аудару ұсынылады.

Шығармашылық жұмысты рәсімдеңіз. Көрме ұйымдастыру.

Сабақ соңында оқушылар рефлексия жүргізеді:

• нені білдім, нені үйрендім
• нені толық түсінбедім
• немен жұмысты жалғастыру қажет Оқушылар өздерінің жұмысы мен сыныптастарының жұмысын белгілі бір критерийлер бойынша бағалай алады

Саралау – оқушыларға қалай көбірек қолдау көрсетуді

жоспарлайсыз? Қабілеті жоғары

оқушыларға қандай міндет қоюды жоспарлап отырсыз?

Денсаулық және қауіпсіздік

техникасының сақталуы

Саралау мақсатында үш деңгейлі тапсырмалар беріледі:

Сызба сызу барысында құралдардыды қауіпсіз қолдану. Жұмыс орынын тазалау.

 Сабақ бойынша рефлексия

Сабақ мақсаттары/оқу мақсаттары дұрыс қойылған ба?

Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?