Әртүрлі есептерді шығару. Математика, 4 сынып, сабақ жоспары.

Бөлімі: Қозғалысқа, егіннің түсімділігіне берілген есептер

Мектеп:

Күні:

Мұғалімнің аты-жөні:

Сынып:

Қатыспаған оқушылар:

Тақырыбы:

Әртүрлі есептерді шығару

Оқу мақсаты:

4.2.1.8** қуып жету қозғалысы мен қалып қою қозғалысына байланысты формулаларды шығарып алу және қолдану

4.4.2.2 кеңістіктік ойлау қабілетін дамытуға арналған логикалық есептерді шешу

Бағалау критерийлері

модель бойынша есепті құрастыру;

есептерді шешу алгоритмі кезеңдерін айту;

есептер мен олардың шешімдерін салыстыру;

қуып жету қозғалысы мен қалып қою қозғалысына байланысты формулаларды шығарып алады және қолданады;

Ғылыми тіл

Құндылықтар

Өзіне өзі құрмет, өмір бойы білім алу

Пәнаралық байланыс

жаратылыстану

АКТ қолдану дағдылары

Интербелсенді тақта

Алдыңғы меңгерілген білім

шамалар арасындағы тәуелділікті біледі

Сабақ барысы

Оқушылардың жоспарланған іс-әрекеті

(Т) Кіріспе тапсырма. «Есептер галереясы» ойыны.

Жан-жағына кеспеқағаз жапсырылған текшені лақтыру. Текшенің жоғарғы бетіне түскен

есептің шартын топ алады. Оқушылар есепті топта талдайды, сызбасын А3 парақтарға сызып, есепті шығарады. Топтар тапсырманы орындау барысына қарай есептер жазылған өз плакаттарын тақтаға немесе қабырғаға іледі. Жұмысты орындау уақытын белгілеу.

Тапсырманы орындап болған соң, әрбір топтың бір өкілін шақырып, өз жұмыстарының презентациясын жасау. Есептің шарты жазылған 6 кеспеқағаз дайындау.Кеспеқағаздарды текшенің жақтарына бекіту.

1. Бір мезгілде екі қаладан бір-біріне қарама қарсы екі кеме жүзіп шықты. Біріншісінің жылдамдығы 41 км/сағ, екіншісінікі 58 км/сағ. Егер екі қаланың арақашықтығы 495

км болса, олар неше сағаттан кейін кездеседі?

Жауабы:

41 + 58 = 99 км/сағ; 495 : 99 = 5 сағ.

2. Бір мезгілде бір-біріне қарама-қарсы шыққан

екі велосипедші 25 секундтан кейін кездесті. Біріншісі 6м/с, ал екіншісі 5м/с жылдамдықпен жүрсе, екеуінің жүріп өткен арақашықтығы неше метр?

Жауабы:

6 + 5 = 11 м/с; 11 · 25 = 275 м.

3. Бір мезгілде екі мемлекеттен бір-біріне қарама-қарсы екі ұшақ ұшып шықты. Олар 3 сағаттан кейін кездесті. Біріншісінің жылдамдығы 170 км/сағ. Егер екі мемлекеттің арақашықтығы 960 километр болса, екіншісінің жылдамдығы қандай?

Жауабы:

960 : 3 = 320 км/сағ; 320 – 170 = 150 км/сағ.

4. Арақашықтығы 78 км болатын екі ауылдан бір

мезгілде екі салт атты бір-біріне қарама-қарсы шығып, 3 сағаттан кейін кездесті. Егер біріншісінің жылдамдығы 12 км/сағ болса, екіншісінің жылдамдығы қандай?

Жауабы:

12 · 3 = 36; 78 – 36 = 42; 42 : 3 = 14.

Жауабы: 14 км/сағ.

5. Екі ауылдан бір мезгілде екі велосипедші бір-біріне қарама-қарсы шықты. Олардың біреуі кездескенге дейін 27 км, ал екіншісі одан 7 км артық жүрді. Екі ауылдың арақашықтығы неше километр?

Жауабы:

S = 61 км.

6. Екі қаладан бір мезгілде екі автокөлік бір-біріне қарама-қарсы шықты. Олардың біреуі кездескенге дейін 348 км, ал екіншісі одан 3 есе кем жол жүрді. Қалалардың арақашықтығы қанша километр?

Жауабы:

348 : 3 = 116 км (V2);

348 + 116 = 464 км;

S = 464 км.