Ақберен Елгезек (Тылсым түс)

 Ақберен Елгезек (Тылсым түс)

Ғарыштан шашылған күйге бір,
Сенімен түсімде биледім.
Аппақ нұр дірілдеп иеді,
Біз тұрған нүктенің жиегін.
Сол бір сәт...шуақты түсімде,
Біз ендік періште пішінге.
Бұйығы бұлттардың ішінде,
Айналдық ақ көбік мүсінге.
О, қандай ғажап түс, киелі,
Ләззаттың отына күйемін!
Санамда мың шуақ түн түрсе,
Жұмбақтар жауабын білемін,
Қос қанат арқаңда сілкінсе,
Ұштарын құмартып сүйемін!
Дір етіп болмысты балқытсын,
Білекке тигенде білегің,
Гүлдердің жұпарын аңқытсын,
Қауызы ашылған жүрегім!
Мұнартып, көрінбей Жер мүлде,
Екеуміз биледік сеңгірде.
«Сүйем» деп тіл қаттың сен бірде,
Күбірлеп не айтты жел Күнге?
Жадымнан өкініш жоғалды,
Бәрі де, бәрі де оңалды.
Түстегі жолыққан сәттерім,
Өмірде өңімдей боп алды...
Ішімнен кеткендей торы мұң,
Сол түсті жақсыға жорыдым.
Түсімнен өңіме өтіп ап,
Қасымнан кетпеші жарығым!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі