Параллелепипедтің жазбасы. Математика, 3 сынып, сабақ жоспары.

Бөлімі: Кеңістіктік фигуралар

Мектеп:

Күні:

Мұғалімнің аты-жөні: Смагулова Марал Ельтаевна

Сынып: 3

Қатыспаған оқушылар:

108- сабақ.

Тақырыбы:

Параллелепипедтің жазбасы

Оқу мақсаты:

3.3.2.3. Кеңістіктік геометриялық фигуралардың (тік бұрышты

параллепипед, куб) жазбасын дайындау және олардың моделін

құрастыру

Сабақтың

мақсаты:

Бағалау критерийлері

Оқушылар параллелепипедтің жазбасын қалай алу керектігін

түсіндіре алады.

Ғылыми тіл

Құндылықтар

Бір-бірінің пікірін тыңдауға, құрметтеуге дағдыландыру.

Пәнаралық байланыс

Көркем еңбек

АКТ қолдану дағдылары

Интербелсенді тақта

Алдыңғы меңгерілген білім

Текшенің моделі

Сабақ барысы

Оқушылардың жоспарланған іс-әрекеті

(Ұ) «Миға шабуыл» оқушыларды сыни ойландыруға арналған кіріспе тапсырма.

Мына суреттегі сый қораптардың қайсысы текше пішіндес, ал қайсысы өзгеше? Талқыла

(Т) «Алдын-ала берілген атаулар» әдісі арқылы параллелепипед туралы ой жинақтау

Атаулар: Тік төртбұрыш Жақтары Төбелері Қорап

Мұғалім сабақ басында жаңа тақырып бойынша тақтаға бірнеше атау (терминдер) жазып қойып (3-4 атау), оқушыларға олардың мағынасы, мазмұны және өзара қатынасы мен байланысы туралы ойлануын сұрайды. Бұл жұмысты оқушылардың жеке, жұппен немесе шағын топ ішінде ауызша яки жазбаша (соңғысы тиімдірек) орындауы ықтимал. Содан кейін мұғалім бірнеше оқушының ойы мен пікірін тыңдауына болады.

Оқушыларға әр түрлі пішінді қораптарды көрсету. Тікбұрышты параллелепипедтермен таныстыру. Топтарға қақпағы бар қораптарды таратып, сұрақтар қою:

• Фигураның жақтары нені білдіреді?

Бұл фигураның бұрыштары қандай?

-Текшенің жазбасын жинағанда қандай маңызды бөлікті ескеруіміз керек? Әзірлеу барысында қандай өлшемдер жасау қажет?

Оқушылардан қорапты бұзып, бүгілген қабырғаларын жазуды сұрау. Нәтижесінде не шыққанын сұрау. (жазба). Жазбаға қарап, жақтарын, қырлары мен төбелерін санау.

Жазбадан ұзындығын, енін, биіктігін өлшету. Тақтадағы ережемен таныстыру.

(ЖЖ)Сұраққа жауап бер. Оқушыларға жазбаны модельмен сәйкестендіріп, сұрақтарға жауап беруді ұсыну. Сандарды ламинатталған параққа белгілеу.

(Т) Қаптауға арналған қораптар. Жазбаларға қарап, қайсысынан қорап жасауға болатынын болжау. Ол үшін оқушыларға торкөзді парақты таратып, топтағы жұмысты өзара бөліп, берілген жазбаны сызу. Оқушылар жазбаны қиып алып, сызық бойымен бүктеп, қорытынды шығарады. «Жұлдызша» арқылы бағалау. Оқушыларда жұлдызша пішіндес қиылған фигуралар болуы керек. Дұрыс жасалған қорап үлгісіне жұлдызша көрсетіп бағалайды.

(ӨЖ) Есепте. Оқушылар есепті өз бетінше шығарып, жауабын параққа жазады. Содан соң қалауы бойынша бір оқушыдан есептің шешуін айтып, өз әрекетін түсіндіруін, ал қалғандары өз шешімдерін тексеруді ұйымдастыру. Тік төртбұрыштың ауданын есептеуді қайталау.

(ЖЖ) «Ашық және Жабық сұрақтар» әдісі арқылы параллелепипедтің көлемін табу жайында білім игеру

 Жабық сұрақтар пайдалы болуы мүмкін, алайда олар абстрактілі ойлау, талқылау дағдыларын қолдануға септігін тигізбейді және аса түсінікті болмайды. Ашық сұрақтар керісінше әсер етеді, сол арқылы оқу үдерісін жақсартады. Мысалы, Сен параллелепипедті қандай фигураға ұқсатасың, неліктен? Параллелепипедтің көлемін табу үшін қандай іс-әрекет орындайсың? Суреттегі параллелепипедтің көлемін тап.

 Бағалау критерийлері арқылы бағалау

 Оқушылар бағалау критерийлерін қолдана отырып, жұмыс үлгісіне баға қоя алады. Бұл не талап етілетінін және бұл үдеріспен қалай байланыста болатынын түсінуді модельдеуге көмектеседі.

(ЖЖ) Сәйкестендір.

А. Оқушылар кезектесіп тапсырманы жұппен орындайды. Содан соң модельді тақтада көрсетіп және оқушыларға жазбадан сәйкес келетін қабырғасын көрсетуді сұрау. Ал қалғандары тақтадағы оқушының әрекетімен келісетін болса, қол көтереді.

Ә. Жазба мен модельді сәйкестендіру жұмысын жүргізу. Оқушыларды «Отшашу» арқылы бағалау. Жазба мен модельдеу жұмысын дұрыс орындаған оқушылардың жауаптарын төменнен жоғары қарай шапалақтай отырып отшашуға ұқсас әрекет жасайды.

Шығармашылық тапсырма

Бұл жұмысты оқушылар жеке жасаған тиімді. Тақтадан суреттерді көрсету. Суретті пайдаланып, текше мен тік бұрышты параллелепипедтің көлемдерін кішкентай текшелермен тап. Жауап беру барысында ұқсастығы мен даралығын айтуды ұсыну.

Бағалау . «Бас бармақ» әдісі арқылы оқушылар басбармақтары арқылы берілген тапсырманың жауаптарын бағалайды. Дұрыс жауап берген оқушыға: Тамаша! бармағын жоғары көтеріп; қателері болса: Орташа! бармағын жанына қарай бағыттайды; ал дұрыс емес жауапқа: Ұнамады! Бармағын төмен бағыттап көрсетеді.

Кері байланыс

Өткен материалды қалай меңгергенін анықтау үшін

параллелепипедтің қанша жағы болса, торкөзді парақтан сонша тіктөртбұрыш қиюды тапсыру. Олардан тікбұрышты параллелепипедтің жазбасын құрастыруды сұрау. Тікбұрышты параллелепипедтің жанындағы жақтары шаршы болуы мүмкін бе?

Бағалау

Оқушылардан бүгінгі сабақтан алған әсерін бөлісу мақсатында сайқымазақтың тұсына қанатбелгі қоюға шақыру.