18 жас - туған күнге тілектер, өлеңдер

Бүгін, міне, 18 деп бақыт таңы атыпты,
Сенен бұрын осы жастың бал дәмін
гүл өмірде талай әпке татыпты.
Сен кішкентай қыз едің,
Тоқтата алмас деген осы уақытты.
Саған бүгін 18 боп келсін барлық шаттығың!
Аға болып тілерім:
Өмірде бол бақытты!

---

18 жас

Он сегіз мың ғаламды табындырған он сегіз,
Үлкендерге жас күнін сағындырған он сегіз,
Бәрін - бәрін сезімге бағындырған он сегіз,
Сенің үнің құралған арын жырдан, он сегіз.

Жапырақ мінез, жел қөңіл, алып ұшпа он сегіз,
Дүниені ізгі деп, танығыш та он сегіз.
Біреуге жаз, біреуге сағыныш та он сегіз,
Жанарлардан үздіксіз жалын ұшқан он сегіз.

Жауынымен, дауылмен қуаттаған он сегіз,
Бастау алған мөп-мөлдір бұлақтардан он сегіз.
Адамзаттың ары боп тұрақталған он сегіз,
Асарына сенетін әлі-ақ қырдан он сегіз.

Биік-биік армандары қанат қылған он сегіз,
Асау мінезді өмірге жараттырған он сегіз.
Жұмылмаған жанармен таң аттырған он сегіз,
Сағынамыз өзіңді біз бүгінде, он сегіз!

Ерке мінез, наз қылық, сұлу мүсін көрсе қыз,
Талай ерлік жасаған жігіт біткен, сенсеңіз.
Маусымың мен мінезің қуанасын келсе егіз,
Тіршіліктің көктемі – он сегіз!

---

Мәңгі он сегіз

Мейлі ғой сенбесеңіз, сенсеңіз де,
Еркіңіз көнбесеңіз, көнсеңіз де,
Арулар қартаймайды ешқашанда,
Бәрібір қыздың жасы – он сегізде.

Ақ тілек айтып қалсын кенен көмей,
Арулар болған емес өлеңге өгей.
Қыздардың жасын Қазақ сұрамайды,
Тұрады ол он сегізден «төмендемей».

Айналайын махаббаттың базарына,
Білесің жастық дәурен озарына.
Арудың нағыз жасы он сегіз жас,
Ешқашан көтерілмес жоғарыға.

---

Туған күнің!!!
18 - ге толыпсың.
Достарың да бүгін сені бұрынғыдан көп ұқсын!
Сенің мынау осы шақтан басталатын албырт, арман жолыңда
Тек жақсылық жолықсын!

---

Қарап көріңіз:

• Құрбыма 18 жасқа тілек
• Туған күн туралы өлеңдер

• Туған күнге тілектер

• Туған күнге арналған құттықтау суреттер

• Туған күнге арналған өлеңдер

• Туған күнге арналған тілектер, құттықтаулар

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇