Қала ішінде саяхаттаймыз. Математика, 3 сынып, дидактикалық материал.

63-сабақ. Координаттар нүктесі және қозғалыс бағыты

Тақырып: Қала ішінде саяхаттаймыз

Оқу мақсаттары3.3.3.1 жазық фигурада белгіленген нүктелердің орнын бір-біріне қатысты анықтау.

Сабаққа қажетті ресурстар: Қала картасы; геометриялық фигуралар; Координаттары бар сызбалар; Координат нүктелері әріппен белгіленген тор көз парақтар; Шаршы пішініндегі құм алаңының суреті; Жолдың сызбанұсқасы.

Сабақты өткізуге мұғалімге арналған ұсыныстар

Оқушыларды сабаққа ынталандырк мақсатында картаны қолданып, қалада ойша саяхат жасауды ұсыныңыз. Картаны біліктілігі не үшін қажет болатынын, картаны білу туристік сапарда көмектесетініне тоқталыңыз

Үлкен қалаларда 2 ГИС бағдарламасы арқылы жүруге болатындығын ескертіңіз. Қолданған оқушылар болса, мысалдар келтірту.

Белсендіру.

Күнделікті өмірде қандай жағдайларда «нүкте координаталары» деген түсінікпен ұшырасамыз, қай кезде нүкте координаталарын қолдана білу керек? Сондай жағдайларды еске түсіру.

(Координаттар– нысанды табуға болатын кейбір мәліметтер).

– Координаттардың қалай берілгенін немесе қалай беру керек екенін түсіну маңызды?

– Біз нысанды табамыз ба, жоқ па – осыған байланысты.

Мақсат қою (мәселелі жағдаят).

Бүгінгі сабақта координаттардың көмегімен нүктелердің (заттардың) орналасуын анықтауды оқып-үйренетін боламыз.

Координаттар нүктесін анықтауды үйренесіңдер.

Топтық жұмыс:

– Карта бойынша жұмысқа кіріспес бұрын, координаттарды анықтау алгоритмін жасаймыз.

Нүктелер координаттарының алгоритмін анықтау.

1. Көлденең ось бойынша бірінші координат нүктелерін табу.

2.Тік ось бойынша екінші координат нүктелерін табу.

3. Қиылысты табу.

Топ өкілдері жауаптарымен таныстырады

Практикалық жұмыс.

Әр оқушыға координаттары бар карталар бейнеленген суреттер таратыңыз.

Балалар алдымен нүктелерді тауып, содан кейін белгілейді.

Түсіндіре отырып алғашқы бекіту.

№1 тапсырманы орындау – карта бойынша жұппен жұмыс.Картадағы суреттер бойынша: дүкеннің, саябақтың, мектептің координаттарын ламинатталған парақтарда жазып, жауаптарын келесі жұпқа ауыстыру арқылы текесеру жүргізеді.

№2 тапсырмада жұптық жұмысты одан әрі орындауды жалғастырады–түсінік бере отырып практикалық жұмысты орындау. Координат нүктелері әріппен белгіленген парақтар таратыңыз .Көрсетілген суреттен координаттарды анықтауға практикалық жаттығулар жасап жаттығады.

Бағалау. Келесі топтың жұмысын жасыл қаламсаппен «келісемін» «+» немесе «келіспеймін» «-» белгілерін қойып шығуларын сұраңыз.

Жаңаны қолдану.

№3 тапсырманы практикалық жұмыс ретінде орындайды. Балалар жоспар құрып, карта бойынша саяхат жасауын ұйымдастырыңыз.

Осыған ұқсас есеп құрастырып және оны шығару үшін дәптердегі немесе оқулықтағы тапсырманы орындауды ұсыныңыз.

Өзің жасап көр.

№4 тапсырма. Координаттық тор дайындау үшін торкөз дәптер парақтарын тарату. Тапсырмаларға назар аудару.

Координаттарын жазу:

А,В,С,D төбелерінің; Тіктөртбұрыштан тыс кез келген 5 нүктенің;

Тіктөртбұрыштың ішіндегі кез-келген 4 нүктенің координаттарын жазу.

Қосымша тапсырма.

Қандай да бір фигураны салып, оның координатын жазуын сұраңыз.

(Т) №6 тапсырма оқушылардың жылдам есептей алу дағдысын қалыптастыру, үш таңбалы сандарды қосып азайтуға мысалдар шығарады.

Әр топ өкілдері жауаптарын оқиды, келесі топ оқушылары «шапалақтау» әдісі арқылы бағалайды.

(Ж) №7 тапсырманы жұпта орындайды. Жұпта өткен материалдарды қайталау мақсатында геометриялық пішіндердің периметрін табуға берілген. Тақтаға геометриялық пішіндер суреті ілінеді. Астына жауаптарын жазады. Тақтадағы жауаптарымен өз жауаптарын салыстырады, қателерін жөндейді.

(Ұ) №8 тапсырма ауызша орындауға беру. Құм алаңын қоршау үшін қанша метр ернеу қажет болатынын есептейді.

№9 тапсырма жұпта жалғастырады.

Алдымен сурет бойынша талқылау жұмысы жүргізіледі. Жолдың сызбанұсқасына сәйкес қанша жолмен жүруге болатынына тоқталу.

Ауылдан көпірге дейінгі жолды, содан кейін көпірден қалаға дейінгі жолды анықтау.

Егер міндетті түрде көпір арқылы өту керек болса, ауылдан қалаға дейін қанша тәсілмен баруға болатынын есептеп табу.

Бағалау критерийлері бар дәптердегі тапсырма бойынша өзін-өзі тексеру жүргізіледі.

Мен:

– нүктелердің координаталарын жазуды;

– жазық фигурада белгіленген нүктелердің орналасуын анықтауды.

Координаттарды табу үшін қала картасының суреті

Рефлексия.

Бүгінгі сабақта мен түсіндім, мен білдім, анық-қанығына жеттім …;

«Мен … өзімді мақтан етемін»;

«Әсіресе маған ұнағаны …»;

«Бүгін … менің қолымнан келді»Жетістік сызғышында белгілеуін сұраңыз.