Көбейту және бөлу амалдары туралы түсініктің қалыптасуы. Математика, 2 сынып, сабақ жоспары.

Пән: математика

Ұзақ мерзімді жоспар бөлімі: 3 В тарау «Көбейту мен бөлуге арналған есептерді шығару»

Мектеп: Талдықорған қаласындағы физика-математикалық бағыттағы Назарбаев Зияткерлік мектебі

Мерзімі: 3-тоқсан

Мұғалімнің аты-жөні: Құрмансеитова Р.М.

Сынып: 2

Сабақ тақырыбы

Көбейту және бөлу амалдары туралы түсініктің қалыптасуы

Осы сабақта қол жеткізілетін оқу мақсаттары (оқу бағдарламасына сілтеме)

2.1.2.14 Көбейтуді (көбейтудің белгілі және белгісіз жағдайын қарастырып) және қалдықпен бөлуді орындау

 Сабақ мақсаттары

Қалдықпен бөлуді үйрену

 Бағалау критерийлері

Көбейтудің белгілі және белгісіз жағдайын қарастырып, қалдықпен бөлуді орындай алады.

 Тілдік мақсаттар

Қалдық, қалдықпен бөлу, толымсыз бөліндінің мәні тіркестерін қолдана отырып, математикалық тілді дамыту.

 Құндылықтарды дарыту

Оқушылар жұппен жұмыс кезінде өзара көмекке үйренеді.

 Пәнаралық байланыстар

Ғылымға кіріспе, өнер пәндерімен байланыс жүзеге асады.

 АКТ-ны қолдану

Флипчартта мысалдар орындайды.

Алдыңғы меңгерілген білім

Нысанның бағытын және орналасуын зерттеді.

Сабақ барысы

Сабақта жоспарланған іс-әрекет

(Ұ) Ауызша сұрау арқылы көбейту және бөлу кестесі бойынша білімдеріне шолу жасау.

(Қ) Оқушыларға ламинат қағазда орындау үшін кестелік көбейту мен бөлуге байланысты тапсырмалар беріледі.

(Ұ) 10х10 ға дейінгі көбейту кестесін еске сақтауға көмектескен әдіс туралы пікір алмасу. Көбейту кестесін 11 және одан да ары жалғастыратын болсақ не болады? - деген сұраққа оқушылардың жауабын тыңдау.

Ойын «Кім жылдам?»

2 мысықтың неше аяғы бар?

5 тышқанның неше құлағы бар?

7 торғайдың неше қанаты бар?

3 пілдің неше құлағы бар?

(МК)

(Ұ) Сергіту.

Мысалдар орындау.

Қызанақтарды тәрелкелерге тең бөліп салу11: 3=3 (қалд. 2) Тексеру: 3∙3=9+2=11

31 асықты балаларға 4 асықтан қалай бөліп беруге болады? Неше бала асықтар алады? Түсіндіру. 31 – дің ішінде төрт - төрттен неше рет болады? Барлық асықтар балаларға бөліп берілді ме? Неліктен? Тексер.Жазуды оқы:31: 4 = 7 (қалд. 3)31 – бөлінгіш, 4 – бөлгіш, 7 – бөліндінің мәні, 3 – қалдық.Тексеру: 7 ∙ 4 + 3 = 31

(Ж) Егер 16 орындықты әр қатарға 5 орындықтан қойса, неше қатар шығады? Неше орындық артылып қалады? Бөлінгішті, бөлгішті, бөліндінің мәнін және қалдықты атап көрсет.16: 5 = 3 (қалд. 1)16 – бөлінгіш, 5 – бөлгіш, 3 – бөліндінің мәні, 1 – қалдық.Тексеру: 3 ∙ 5 + 1 = 16

(Т) Оқушыларға қалдықпен бөлуге байланысты ептілікті бекіту қажет болған жағдайда, есептеуіш материалдары: түйебұршақ, ойыншықтар және т.б. пайдаланып практикалық тапсырмаларды орындау.

Рефлексия.

Оқушылар өзін-өзі бағалап, жеткен деңгейлерін көрсете топтарға жиналады.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға практикалық тапсырма кезінде қабілеті төмендеу оқушыларға көмектесу керектігі ұсынылады.

Қалдықты табу және атау білігі бағаланады

Сабақ оқушылардың жас ерекшеліктерін ескере отырып жоспарланды. Интерактивті тақтада жұмыс істеу кезінде қауіпсіздік ережесі ескертілді.