Көміртектің аллотроптық түр өзгерістері. Химия, 8 сынып, қосымша материал.

«Көміртектің аллотроптық түр өзгерістері» тақырыбына

берілген әдістемелік кеңес

Сынып:8, 4 тоқсан

Ұзақ мерзімді жоспар бөлімі: 8.4В Көміртек және оның қосылыстары

Оқушыларға миға шабуыл ретінде слайдта бейнеленген келесі суреттерді ұсынуға болады және ол суреттер нені сипаттай алатынын, бұл құрылыстағы заттар немесе олардың байланысы, қасиеттері туралы қандай ақпарат білетіндігін сұрауға болады. Бұл тапсырманы орындауға мүмкіндігінше 2 минут уақыт жеткілікті болады.

Келесі кезекте жаңа сабақтың тақырыбы мен оқу мақсаты таныстырылады. Сондай-ақ оқушылардың дифференциациялық қабілеттерін ескере отырып, келесідей жетістік критерийлері ұсынылады:

• алмаз және графиттің байланысы мен құрылысын сипаттай алса;
• алмаз және графиттің байланысы мен құрылысын оның қасиеттерімен байланыстыра алса;
• алмаз бен графиттің негізгі қасиеттеріне сүйене отырып, олардың қолданылу аймағын болжай алса.

«Көміртектің әртүрлі пішінін сипаттау үшін қандай термин қолдана аламыз?» деген сұрақты қою арқылы «АЛЛОТРОПИЯ» сөзіне мағлұмат беруге болады және көміртектің аллотроптық түр өзгеріске ие жалғыз элемент емес екеніне назар аударыңыз. Көміртектің аллотроптық түрөзгерістерінің бірі – алмаз бен графитке толығырақ тоқталу үшін оқушылардың өзіндік ізденісіне арналған қосымша1 матералды ұсыныңыз. Бұл бөлім «Ақпараттар бөлімі» деп аталды, себебі ақпараттарды жинастырып, оны өңдеу арқылы оқушылардың бойындағы зерттеушілік, сараптамалық дағдылардың қалыптасуына мүмкіндік беріледі.

Оқушылардың қаншалықты дұрыс жауап бергендерін анықтау үшін мұғалім а көрсетілген сұрақтарды қоюына болады.

Тақырыпты пысықтау мақсатында сабақ соңында «TRUE /FALSE» ойынын ойнату ұсынылады.