Оксидтер. Зертханалық тәжірибе. №6 Оксидтердің қасиеттерін зерттеу. Химия, 8 сынып, қосымша материал.

«ОКСИДТЕР» ТАҚЫРЫБЫНА ӘДІСТЕМЕЛІК КЕҢЕСТЕР

Сынып: 8, 4-тоқсан

Ұзақ мерзімді жоспар бөлімі: 8.4А Бейорганикалық қосылыстардың негізгі кластары. Генетикалық байланыс.

Химиядан білім берудудің оқу-тәрбиелік негізгі міндеті – оқушыларды тек білім жүйесімен ғана қаруландыру емес, сонымен қатар олардың алынған білімін жадында сақтау және ойлау қабілетін, химиялық тіл шеберлігін, білімге қызығуын, дүниетанымдық көзқарасын, ықылас-ынтасын, төзімділігін, іскерлігін, ізденімпаздылығын және т.б. қасиеттерін жетілдіру болып табылады. Бұл міндеттерді оқушылардың танымдық әрекеті мен ақыл-ойын жетілдіру белсенділігін арттыру арқылы жүзеге асыруға болады. Ол үшін сабақ барысында оқушылардың өздігінен атқаратын жұмыс түрлерін кеңірек қолданған тиімді. Яғни оқыту үдерісінің ортасында оқу үдерісінің белсенді мүшесі – оқушы болуы керек. Ол үшін мұғалім оқушының жеке басының тәжірибесіне және алдыңғы біліміне көңіл аударып, соның негізінде бағыттаушы сұрақтар қою арқылы сабаққа белсенді қатысытруға болады.

Ойлау қызметін белсендіру үшін проблемалық оқытуды жүзеге асыруға болады. Оқушылар проблемалық жағдайды шешу үшін білімін, дағдылары мен біліктерін пайдаланып ойлау қабілетін дамытады, ол өз кезегінде одан әрі зерттеу қабілетінің дамуына әкеледі.

Мысалы, фосфор және кальций оксидінің қасиеттерін, олардың сумен реакцияларын оқып-білу, реакция өнімдерін зерттеу оксидтердің жіктелуіне қатысты проблемалық жағдайды тудырады.

Проблемалық оқытудың сызбасы: