Омыртқалы және омыртқасыз жануарлар. Жаратылыстану, 3 сынып, сабақ жоспары.

• Пән: Жаратылыстану
• Сынып: 3-сынып
• Күні:
• Тақырыбы:
• Омыртқалы және омыртқасыз жануарлар

• Мектеп:
• Модератор: Данабаева М.А.
• Қатысқандар саны:
• Қатыспаған оқушылар:

Оқу мақсаты:

3.2.2.1 жануарларды омыртқалыларға және омыртқасыздарға жіктеу;

3.1.2.4 жүргізілген тәжірибе нәтижесін құрылған жоспарға сәйкес диаграмма түрінде көрсету, қорытынды жасау.

 Сабақтың

 мақсаты:

Жануарлардың топтарын біледі, тіршілік ету жағдайына бейімделуін түсінеді.

 Бағалау критерийі

• Омыртқалы және омыртқасыз жануарларды ажырата алады;
• Бақылау жасау кезеңдерін анықтайды;
• Сурет бойынша жануарларды сипаттап, олардың түрін ажырата алады.

Тілдік мақсат

 Құндылықтар

Оқушыларды бір-біріне деген құрмет көрсетуін тәрбиелеу

 Пәнаралық байланыс

Қазақ тілі.

 АКТ қолдану дағдылары

Таныстырылыммен жұмыс

Алдыңғы меңгерілген білім

Жануарлардың түрлері.

Сабақ барысы

Сабақта жоспарланғаніс-әрекет

Оқушылар төмендегі өлең жолдарын айту.

• Біз бақытты баламыз,Ойнап күліп аламыз,Жетілсін деп санамыз,Оқып білім аламыз!

Топқа біріктіру. Оқушыларды «Омыртқалы жануарлар» және «Омыртқасыз жануарлар» сөздері жазылған қима қағаздар бойынша шағын топтарға біріктіру.

Жануарлардың топтары. Әр топқа әр түрлі жануарлардың суреттері бейнеленген парақтарды таратып, оларды әртүрлі белгілеріне қарай топтастыру.

Жұмбақ. Омыртқалы және омыртқасыз жануарларды анықтау. Омыртқаның кейбір жануарларда болатынын, ал кейбіреулерінде болмайтынын айту.

• Неліктен жоғарғы сөреде төртінші жануардың қаңқасы жоқ?
• Қаңқаның қызыл сызықпен көрсетілген бөлігі қалай аталатынын білесің бе?

Сөзді тап.«Поле чудес» ойыны арқылы суреттегі жануарлардың атауларын табу.

• Аталған жануарлардың қайсысын омыртқасыздарға жатқызуға болады? (Ұлуды, қоңызды, араны, көбелекті, шегірткені.) Таба алмаса, көмектесіңіз.
• Қалған жануарлар қандай топқа жатады? Олардың қайсысы омыртқалыларға жатады? (Балықтар, бауырымен жорғалаушылар, қосмекенділер, сүтқоректілер, құстар.)
• Омыртқасыздарға ше? (Бунақденелілер, құрттар, теңізді мекендеушілер.)

Зертте. Зерттеу жұмысын саябақта немесе мектеп алаңында жүргізу керек.

 Зерттеу жұмысын жүргізуге арналған нұсқаулық

- Әр оқушы алаңнан неғұрлым көбірек жануарларды табуы қажет.

-Тапқан жануардың атын зерттеуші күнделігіне жазуы керек немесе суретін салып қоюы тиіс.

- Оларды омыртқалылар немесе омыртқасыздар тобына бөлуі керек.

- Сыныпта зерттеу жұмыстарының нәтижелерін талқылау қажет. Оқушылардың бақылау жасау жоспарын толық жүргізгенін нақтылаңыз.

- Егер күн райы зерттеу жұмысын жүргізуге кедергі келтірсе, онда оны сыныпта жүргізіңіз.

- Әртүрлі жануарлардың суреттері мен фотосуреттерін таратыңыз.

- Оларды омыртқалылар мен омыртқасыздарға бөліңіздер.

- Олардың арасынан саябақтан немесе мектеп алаңынан кездестіруге болатын жануарды бөліп алыңыздар.

- Аттарын күнделікке жазып қойыңыздар.

- Нәтижесін бағандық диаграмма түрінде көрсетуі керек.

Сергіту сәті. Бейнежазба әуенімен қимылдау.

Ойлан. Ұлудың, қоңыздың және улы медузаның фотосуретін көрсетіп, олардың омыртқасы жоқ, олар қалай қорғанады деп сұрап, талқылау. (Кейбір жануарлардың денесі қатты қабықпен, бақалшақпен қапталғанын, көптеген омыртқасыздар улы болып келетінін түсінеді. Осылайша олар тіршілік ету ортасына бейімделеді).

Мұғалім-оқушы диалогі. Есте сақта!

Жануарлар омыртқалы және омыртқасыз болып бөлінеді. Балықтар, бауырымен жорғалаушылар, қосмекенділер, сүтқоректілер және құстар омыртқалы жануарлар болып табылады. Бунақденелілер, құрттар, ұлулар, өрмекшілер және кейбір теңіз жануарлары омыртқасыздарға жатады.

Жеке жұмысқа дәптермен жұмыс ұсынылады.

22-жұмыс парағы. «Омыртқалы және омыртқасыз жануарлар», 24-б.

Жануарларды бөл. Оқушылар омыртқалы және омыртқасыз жануарларды анықтайды, оларды тиісті кестелерге бөліп жазады (Жауаптар:

Омыртқалылар: көртышқан, бүркіт, қоян, піл, жылқы.

Омыртқасыздар: шұбалшын, инелік, медуза, құмырсқа).

Бағалау.

Кері байланыс. Оқушылар кері байланысқа стикерлерді тиісті орынға жабыстырады.

Қосымша ақпарат

Саралау –оқушыларғақалайкөбірекқолдаукөрсетудіжоспарлайсыз? Қабілетіжоғарыоқушыларғақандайміндетқоюдыжоспарлапотырсыз?

Бағалау - оқушылардың материалды меңгеру деңгейін қалай тексеруді жоспарлайсыз?

Денсаулық пен қауіпсіздік техникасының сақталуы

Материалдарды игеру деңгейлерінде оқушылардың қызығушылығын арттыру мақсатында ақпаратты қабылдаудың әр түрін ескеру. Оқушылардың ақпаратты қабылдауына байланысты тапсырмалар ұйымдастыру.

Сабақ барысында

-мадақтау, қолдау сөздер айту арқылы бағалау.

-оқушылардың жауаптарын, іс-әрекеттеріне бақылау жүргізіп, түртіп алу арқылы бағалау.

Сергіту жаттығуларын орындағанда, тақтаның алдында топтық жұмыс жасаған кезде оқушылар сынып ішінде жүргенде қауіпсіздік ережелерін сақтау.