Жануарлар қандай дыбыс шығарады? Жаратылыстану, 1 сынып, сабақ жоспары.

Пән: Ғылымға кіріспе

Ұзақ мерзімді жоспар бөлімі: 4 В бөлім: Дыбыс

Мектеп: Талдықорған қаласындағы физика-математика бағытындағы Назарбаев Зияткерлік мектебі

Күні:16.05.2016 ж.

Мұғалімнің аты-жөні: Cарыева А.Т.

Сынып: 1В

Қатысқандар саны:

Қатыспағандар саны:

Сабақтың тақырыбы

Дыбыс көздері. Жануарлар қандай дыбыс шығарады?

Осы сабақта қол жеткізілетін оқу мақсаттары (оқу бағдарламасына сілтеме)

1.8.2.2 Дыбыс көздерінің алуан түрлілігін және табиғатта олардың көп екендігін білу және атау.

 Сабақтың мақсаттары

Табиғи дыбыс туралы түсініктерін кеңейту; жануарлар әртүрлі дыбыс шығаратынын таныстыру;

Бақылау, салыстыру, себеп-салдарды байланыстыру дағдысын қалыптастыру.

 Жетістік критерийлері

 Сөздік қор

Сиыр, жылқы, қой, ешкі, шұбат, қымыз, құрт,

 Құндылықтарды дарыту

Оқушыларға жануарларды аялауға үйретіп, мейірімділікке тәрбиелеу.

 Пәнаралық байланыстар

Өнер. «Қатты», «бәсең» түсініктері.

Алдыңғы меңгерілген білім

Үй жануарлары мен жабайы жануарларын ажыратады.

Сабақтағы жоспарланған іс-әрекет

(Ұ) Ұйымдастыру кезеңі.

-Өткен сабақта не үйрендік?

- Жануарларды қандай екі топқа бөлуге болады?

-Қандай үй жануарларын атай аласыңдар?

- Қандай жабайы жануарларды білесіңдер?

-Үй және жабайы жануарлар несімен ұқсас?

-Айырмашылығы неде?

- Үй жануарларлары қайда тұрады?

- Ал аңдар?

Сабақтың мақсатын нақтылап алу.

• Бүгін сабақта біз жануарлар туралы білімімізді толықтырамыз. Олардың қалай дыбыстайтындарын білетін боламыз.

(Ұ, МК) Кіріспе тапсырма.

«Өз тобыңды тап» атты ойынды ойнау үшін оқушыларды екі топқа бөлу. Әрбір оқушыға кез келген жануардың бейнесі бар үлестірмелі парақшаны беру. Оқушылар үлестірмелі парақшадағы бейнеленген жануарларға қарап, оның «жабайы жануар» немесе «үй жануары» екенін анықтайды. Белгі бойынша ойын аяқталады.

Әртүрлі жануардың жазылған дыбыстарын ресурста берілген сілтеме бойынша өтіп, тыңдату.

Оқушылар жануардың дыбысын естіген соң, анықтап алғандарын үлестірмелі парақшадан көрсетілген суреттен таңдап алып, солдан оңға қарай рет-ретімен қояды. Одан кейін әрбір топтың нәтижелері тексеріледі. Табиғи дыбыс көздерін естеріне түсіруін сұрау.

- Осы топқа жануарлар тата ма?

Материалды оқулық арқылы бекіту.

Оқушыларға тауда мекендейтін жануарлардың суретін көрсету. Суретпен жұмысты «Дені саудың – жаны сау» бөлімімен байланыстыру.

- Негеш пен Эврика жергілікті жануарларды бақылау үшін тауға аттанғанын баяндау. Эврика өзімен бірге бейнекамерасын алды.

-Сендер қалай ойласыңдар?

-Тауға бару үшін тағы не алу керек?

- Тауға шығудың пайдасы қандай?

- Тауға үлкендерсіз баруға бола ма?

- Неге?

Суреттердегі «Жануарлар қандай дыбыс шығарады?» деген сұрақтарға жауап бере отырып, сол дыбыстарды оқушылардың өздеріне шығаруды ұсыну.

- Суретте берілген жануарлар туралы не айта аласыңдар?

(ЖЖ) Суреттегі жануарлардың дыбысын шығарып көруді ұсыну. Жұмысты жұптасып орындауға тапсыру.

• Қай жануар қатты дауыс шығарады?
• Қайсысы бәсең шығарады?
• Қайсысы ең қатты дауыс шығарады?
• Қайсысы ең бәсең дауыс шығарады?

Қорытынды жасауға жетектеу. Жануарлар шығаратын дыбыстардың барлығы олардың өлшемдеріне тәуелді емес.

Сабақтың соңында өзіндік жұмысын ұсыну.

-Біз бүгін не үйрендік?

-Жануарлардың шығаратын дыбыстары қандай дыбыстар түріне жатады?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Өзіндік жұмысы барысында қиындық туындаған оқушыларға көмек көрсету.

Оқушылардың жұмыс жасау барысын бақылау жүргізіп бағалау. Комментарий беру арқылы бағалау.

Сергіту сәтін өткізу.