Бауыржан Момышұлы «Ұшқан ұя». Қазақ әдебиеті, 8 сынып, сабақ жоспары. 15-сабақ.

Ұзақ мерзімді жоспар бөлімі: Мектеп:

ІІІ Махаббат және абырой

Уақыты: мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

1.Сабақ тақырыбы, мақсаты мен бағалау критерийлері таныстырылады.

2. Оқушылар сабақтың басында «Ұшқан ұя» романының мен үшін маңызы, жастар үшін маңызы, қоғам үшін маңызы деген сұрақтарға жауап іздейді, топ ішінде аз-кем талқылау жасайды. Ұлттық, жалпыадамзаттық құндылықтармен байланыстырады. Бірнеше оқушының жауабы тыңдалады.

3. Жаңа сабақты меңгерту.

Т. 1-тапсырма.

1-қадам. Оқушылар «Әдеби шеңбер» әдісі бойынша рөлдерін бөліп алады.

Талқы себепшісі (романдағы құндылықтардың көрінісіне қатысты 3-4 сұрақ құрастырады)

Белгілеуші (мәтіндегі ең маңызды деген ақпараттарды жинап белгілейді)

Байланыстырушы (сұрақ пен шынайы өмір арасындағы 2 байланысты табады)

Бағалаушы (шығарманың заманауилығы мен жаңашылдығын бағалайды)

Қорытындылаушы (барлық жауапты байланыстырып қорытынды жасайды).

2-қадам. Рөлдеріне сәйкес қайтадан топтасады: Талқы себепшілері бір топқа, Белгілеушілер бір топқа т.т. Жауаптарын ортаға салып талдау жасайды. Өз топтарына толық, жан-жақты жауап үлгісін қалай жеткізуге болатынын ойласады.

3-қадам. Қайтадан алғашқы топтарына барып рөлдеріне сай тапсырма жауабын ұсынады.

4-қадам. Топ жұмысына өзара баға береді.

4. Мұғалім сындарлы кері байланыс береді.

Дескриптор

- шығарманың маңызын түсінеді;

-рөліне сай берілген тапсырма шартын түсініп орындайды;

-талқылау топтарында жауабымен бөліседі;

-өз тобына толықтырылған тапсырма нұсқасын ұсынады;

- өзара бағалайды.

Қабілеті жоғары оқушылар шығармадағы материалдық және рухани құндылықтарды заманауи тұрғыда салыстыра отырып жаңашылдығын бағалайды, ал қабілеті төмендеу оқушылар құндылықтар көрінісін баяндайды.

5. Тақырыпты қорытындылау мақсатында шығармадағы «1 жағымды, 1 жағымсыз, 1 даулы» мәселені анықтайды.

6. Рефлексия «Сабақ нәтижесі бойынша комплимент айтқым келеді: сабаққа, сыныптасыма, жазушыға т.б.»

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Дифференциацияны берілетін тапсырма, күтілетін нәтиже, оқу материалдарын таңдау және ресурстармен жұмыс жасауда оқушының жеке қабілетін ескеріп, қолдау көрсету, бөлінетін уақыт, қолданылатын дереккөздер арқылы жүзеге асыруға болады. Дифференциация сабақтың кез келген бөлімінде қолданылады.