Қорқыттың нақыл сөздері. Қазақ әдебиеті, 8 сынып, сабақ жоспары.

Ұзақ мерзімді жоспар бөлімі: Мектеп:

І Дананың сөзі – ақылдың көзі

Уақыты: мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

1.Сабақ тақырыбы мен мақсаты, бағалау критерийлері таныстырылады.

2. Оқушылардан эссе жайында өздері білетін ақпараттар сұралады, мұғалім тарапынан қосымша мәліметтер беріледі.

1.Эссе түрі қандай? (суреттеу эссе (табиғат, адам), «келісу, келіспеу» эссесі, «артықшылығы мен кемшілігін» талқылау эссесі, «деректендірілген» (аргументативті) эссе, әдеби эссе т.б.)

2. Кіріспе бөлімі 2 ойдан тұра ма? Жалпы пікір – оқырман көңілін аудару мақсатында жазылады және бірнеше сөйлемнен тұруы мүмкін; тезистік пікір – эсседегі талқыланатын негізгі ойлардан тұрады және ол тақырыптық сөйлемге ұқсайды, яғни, оқырманға эссе мазмұны туралы жалпы идеяны береді.

3. Негізгі бөлімде бір немесе бірнеше абзац бар ма? Әр абзацта бөлімдерге бөлінген тақырыпшалар дамытылады, басты ойы талқыланып ашылады. Олардың саны бөлінген тақырыпшаларға байланысты.

4.Қорытынды бөлімі негізгі бөлімде талқыланған мәселелерді қорытып, бір тұжырымға келген сөйлемдерден құралады.

Сонымен қатар эсседе ойдың бірізділігі сақталуы тиіс. Жалғаулық шылаулар мен есімдіктер (сілтеу, жалпылау, т.б.) де орынды қолданылуы қажет.

5.Қорқыт ата ескерткіші туралы бейнематериалды тыңдай отырып эссеге қажетті ақпаратты алу.

3. Жаңа сабақты меңгеру.

Оқушылар Қорқыт атаның нақыл сөздерін қайта оқып, бірін таңдайды. Өздері таңдаған нақылды тарқатып эссеге айналдырып жазады. Мысалы, «Өтірік сөз өрге баспайды», «Менмен, тәкаппар адамды тәңірі сүймейді» т.б.

Эссе тақырыбы: «Қорқыт ата тағылымы»

Кіріспе бөлімі: Адам баласы өз ортасына жақсы мінез-құлқымен ғана қадірлі болмақ. Қадірін кетіретін де қасиеттері бар, соның бірі – өтірік айту. Өтірік - ...

Негізгі бөлімі: Өтіріктің үлкен-кішісі жоқ. Халық даналығы «Өтіріктің құйрығы бір-ақ тұтам» десе, Қорқыт бабамыз ...

Күнделікті өмірде көптеген жағдаяттар кездеседі. Мысалы, ...

Қорытынды бөлім: Өтіріктің ең үлкен «ағайыны» білімсіздік деп білемін...

Қабілеті жоғары оқушылар эссе тақырыбын жан-жақты аша алады, ал қабілеті төмендеу оқушыларға қолдау көрсетіледі.

Дескриптор

• Қорқыттың нақыл сөздерін шолып оқып шығады;
• эссе тақырыбын ашатын афоризмін таңдайды;
• оны эссеге айналдырып жазады;
• гуманизм тұрғысынан талдайды;
• эссе құрылымын сақтайды.

4.Оқушылар жазған эсселерін «Автор орындығында» оқиды.

5. Оқушылар мен мұғалім тарапынан кері байланыс беріледі: «Екі жұлдыз, бір тілек».

6. Рефлексия

«Жолаушының қойын дәптері»

Оқушылар ауызша өз әрекеттерін түсіндіріп, бағалайды.

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Мазмұн бойынша саралау

Кейбір оқушылар бағдарлама бойынша негізгі тақырыппен шектелмей, қосымша ізденіп, бағдарламадан тыс ақпаратқа ұмтылады. Мазмұн бойынша саралау барысында сандық ақпаратқа емес, сапалық мазмұнға көңіл аударып, уақытты тиімді пайдалануға мән берген дұрыс.