1_Қазақ тілі_3 сынып_1бөлім Жанды табиғат_Өмір кезеңдері туралы анықтамалық мәтіндерін оқу_ҚМЖ

Ұзақ мерзімді жоспар бөлімі: 1-бөлім: «Жанды табиғат»

Күні: 1 тоқсан

Мектеп: Кокшетау қ. ФМБ-ғы Назарбаев Зияткерлік мектебі

Мұғалімнің аты-жөні:

Сынып: 3

Қатысқандар:

Қатыспағандар саны:

Сабақ тақырыбы

Өмір кезеңдері туралы анықтамалық мәтіндерін оқу

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.1 тыңдаған материал бойынша тірек сөздерді белгілеу, ашық және жабық сұрақтарға жауап беру

3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау;

3.2.1.1* тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау

3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету

Сабақ мақсаттары

Бағалау критерийлері

- тірек сөздер мен жоспарды пайдаланып, берілген тақырып бойынша әңгіме құрайды;

- тірек сөздер, көмекші сөздер арқылы мәтін түрлері мен құрылымдық бөліктерін анықтайды;

- жоспар, сызбаны пайдаланып әңгімелеу мәтіні, салыстыра сипаттау мәтінін құрап жазады

Сөздік қор

Пәндік терминология мен тірек сөздер:

Мәтін, әңгімелеу мәтіні, салыстыра сипаттау мәтіні; тіршілік кезеңдері, теңіз тасбақасы, жұмыртқа, балапан, балғын, ересек.

Сабақта диалог /жазу үшін пайдаланылатын тіл:

Талқылау үшін сұрақтар:

Құндылықтарды дарыту

Табиғатты қорғауға баулу, жауапкершілікке тәрбиелеу

Пәнаралық байланыстар

Жаратылыстану

Алдыңғы меңгерілген білім

Тіршілік иелерінің өмір кезеңдерін біледі

Мәтіннің түрлері мен құрылымдық бөліктері туралы біледі

Сабақ барысы

Сабақта жоспарланған іс-әрекет

І. Ұйымдастыру кезеңі.

Психологиялық ахуал.

Оқушылар топта тұрып, бір-біріне сәттілік тілейді.

ІІ. (Т) Өткенді бекіту.

Оқушыларға сөздер таратылады: сәби, бала, ересек, жасөспірім, балғын жастық, кемел, мосқал, қарт.

- Осы сөздерді оқығанда қандай ой туды? Сөз мағынасын түсіндіру

- Өткен сабақта не туралы айттық?

ІІІ. Сабақтың тақырыбы мен мақсатын анықтау.

Оқушылар сабақтың тақырыбы мен мақсатын оқып, бағалау критерийлерін бірге құрастырады.

ІҮ. Негізгі бөлім

(МК,Ө) Көркем жазу.

Мақсаты: Оқушылардың көркем жазу дағдыларын қалыптастыру, қызығушылықтарын арттыру, ойлау қабілеттерін дамыту.

Есте сақтау диктанты. Сабақта қандай жанды табиғат өкілінің өмір кезеңі туралы айтылатынын білу үшін жұмбақ жаттап, шешейік.Тастан салған үйi бар,

Тастан салған үйi бар,

Көшiп жүрер асықпай,

Қыста ұйықтап бұйығар,

Тамақ iздеп, ашықпай. (Тасбақа)

(Ө, Т, Қ) «1 минуттағы ой» тәсілі. Тасбақа туралы сөздер жазу.

Мақсаты: Оқушылардың тасбақа жайлы бастапқы білімдерін анықтау, .

- Оқушылар жазған сөздерін топта талқылап, толықтырады. Неліктен бұл сөздерді жазғанын, тасбақаға қандай қатысы бар екенін дәлелдеп, тасбақа туралы білімдерін ортаға салады.

(Ө,Ұ,Т)Тыңдалым. Тасбақаның өмірлік кезеңі туралы бейнематериал.

Мақсаты: тыңдаған материал бойынша тірек сөздерді белгілеу, ашық және жабық сұрақтарға жауап беру

- Бейнематериал бойынша 7 тірек сөз белгілеу. Топтың тірек сөздер тізімін құрау, таныстыру.

Ықтимал тірек сөздер: құм, теңіз жағалауы, жұмыртқа, тасбақа, әлсіз, балапа, жүзу.

- Бейнематериал мазмұны бойынша сұрақтарға жауап беру.

Жабық сұрақтар үлгісі:

1 Фильм ұнады ма?

2 Фильм не туралы?

3 Тасбақа су жануары ма? т.с.с.

Ашық сұрақтар үлгісі:

1 Балапан тасбақаның өмірге келген сәтіне дейінгі кезеңін болжап көр.

2 Фильмнің ұнаған эпизоды туралы айтып бер. Не себепті?

3 Тасбақа теңізге қарай жолды неліктен адаспай таба алады? т.с.с.

Бағалау дескрипторы:

• тыңдағаны бойынша тірек сөздерді белгілей алады;
• ашық сұрақтарға жауап бере біледі;
• жабық сұрақтарға жауап бере алады.

(Ө, Т, Қ) Оқылым. «Теңіз тасбақасының өмірлік саяхаты» мәтінімен жұмыс.

Гари Миллердің «Тасбақа саяхаттарынан» үзінді

1-тапсырма. Мәтінді оқу, мәтін түрі мен құрылымдық бөліктерін анықтау. Оқушыларға мәтінді жеке оқуға ұсынылады. Топта бірігіп мәтіннің құрылымдық бөліктері мен түрін анықтайды. Өз шешімдерін түсіндіреді, дәлелдейді.

• Әңгімелеу (тірек сөздері етістік)
• Сипаттау (тірек сөздері сын есім)
• Пайымдау (көмекші сөзер: қыстырма сөздер, ой дәлелденеді)

Топтар өзара бағалау дескрипторы негізінде «Басбармақ» әдісі арқылы бағалайды.

Бағалау дескрипторы:

-мәтінді түсініп оқиды;

-мәтіннің түрін анықтайды;

-мәтіннің құрылымдық бөліктерін анықтайды.

2-тапсырма. Мәтін мазмұны бойынша ақпараттарды кестеге түсіру. Мақсаты: оқушыларды өз бетінше мәтіннің тақырыбын анықтап, мәтінге ат қойып, негізгі ойды табуға дағдыландыру.

Тасбақаның өмірлік кезеңдерін мәтіннің мазмұнына сүйене отырып топта талқылау. (Кестені толтыруда мәтін ішінен қажетті мағлұматтар табылмаған жағдайда, оқушыларға болжам жасау, дереккөздерден табу және сұрақтарға жауап іздеу ұсынылады.)

3-тапсырма. Талқылау

Тасбақаның өмір кезеңдерін анықтауға байланысты жетелеуші сұрақтар:

1 Мәтін тақырыбы неліктен «Теңіз тасбақасының өмірлік саяхаты» деп аталған? Басқаша тағы қалай атауға болады?

2. Неліктен ересек тасбақа өзінің ұзақ сапарын туған жеріне қайта оралудан бастайды? Бұл тасбақаның қай өмірлік кезеңінің бастауы болады?

3. Ай жарығы тасбақаның қай өмірлік кезеңінде маңызды рөл атқарады? Неліктен?

4 «Жоғалған жылдар» тасбақаның қай өмірлік кезеңіне сәйкес келеді? Неліктен солай аталады?

5 Жасы 26-ға толған, сауытының ұзындығы 90 см, салмағы 120 кг. Тасбақаның қандай тіршілік кезеңін көрсетеді?

6. Автор осы мәтін арқылы оқырманға не туралы айтқысы келді?

Негізгі ойы: Теңіз тасбақасының тіршілік және өмір кезеңі туралы айтылады

Бағалау дескрипторы:

- мәтіннің тақырыбын анықтайды;

-мәтінге ат қояды;

- негізгі ойды табады.

(Ө, Ж, Қ) Шығармашылық жазу. «Синквейн» әдісі

Мақсаты: Тасбақа жайлы 5-жолды өлең құрастыру арқылы оқушылардың шығармашылық қабілеттерін дамыту.

• Зат есім
• Сын есім
• Етістік
• Сөйлем
• Мағыналас сөз.

Тапсырма орындалған соң жұптар бір-біріне өз өлеңдерін оқиды, тексеріп бағалайды.

Рефлексия: Оқушылар сұрақтарға жауап береді

- Бүгінгі сабақта қандай қызықты мәлімет алдым?

Өзін-өзі бағалау кестесін толтыру.

Үй тапсырмасы:

Берілген мәтіннің тақырыптық жоспарын құрап жазу

Қосымша ақпарат

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Денсаулық және қауіпсіздік техникасының сақталуы

Топтық тапсырмаларды саралау бойынша беру.

Қабілеті жоғары оқушыларға өз бетінше жұмыс істеуге мүмкіндік жасау.

Қолдауды қажет ететін оқушыларға көмек көрсету.

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары дұрыс қойылған ба?

Оқушылар оқу мақсаттарына қол жеткізді ме?

Оқу мақсаттарына қол жеткізілмесе себебі неде?

Ынтымақтастыққа қол жеткізілді ме?

Саралау бойынша жұмыстар дұрыс жүргізілді ме?

Уақыт кезеңдері дұрыс сақталды ма?

Жоспардан ауытқулар орын алды ма? Неліктен?

Қорытындылау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы келесі сабағымды жетілдіруге не көмектесетін білдім?