Қайрат Нұртастың суреті Түркия фотосалондарында жарнама үшін қолданылуда

Қайрат Нұртастың анасы әрі продюсері Гүлзира Айдарбекова өзінің instagram желісіндегі парақшасында Түркия бизнесмендерінің жарнама үшін Қайрат Нұртастың суретін қолданып жүргендігі туралы жазды, деп хабарлайды massaget.kz тілшісі.

Продюсер Қайрат Нұртастың суреті арқылы жарнама жасайтын фотосалонды кезіктіріп қалғанын айтып, сөзінің айғағы ретінде видео жариялады.

Видеоға берілген сипаттамада (жазбаның орфографиясы мен пунктуациясы өзгеріссіз берілген): "Түркияның фотосалонында Қайраттың суретін қойып қойыпты, алып кетейін десем бергілері келмейді, жарнама ретінде тұра берсе болмай ма деп Түріктер, жақсы танимыз, ұнайды бізге дейді. Алмасаңыз сизге сыйлық ретінде суретке тусіріп берсек деп өтініш жасады" деп жазылған.