Қазақ тілі және әдебиеті 2 сынып 7 бөлім Табиғат пен қоршаған орта Жануарлар туралы әңгіме оқу ДИДАКТИКАЛЫҚ МАТЕРИАЛ

Дидактикалық материалдар

Сабақ тақырыбы: Жануарлар туралы әңгіме оқу

Қу түлкі

Жолбарыс бір түлкіні ұстап алады. Түлкі құйрығын бұлғаңдатып, тұмсығын жоғары көтеріп:

-Мені жей алмайсың! Мен осы орманға қожалықетуге келгенмін,-дейді.

Жолбарыс түлкіге олай бір, бұлай бір қарап, сенбей:

-Мүмкін емес,-дейді.

-Сенбесең менімен бірге орманға жүр. Ондағы барлық аңдардың менен қалай қорқатынын өз көзіңмен көр,-дейді түлкі.

Жолбарыс бұған келіседі. Түлкі жолбарыстың алдына түсіп, паңдана жүріп отырады. Жолбарысты көріп аңдар мен құстар зәресі ұшып, тым-тырақай қашады. Ұялары мен індеріне тығылады. Аспанға ұшады. Ал қу түлкі басын одан сайын көтере түсіп:

-Ал енді көзің жеткен шығар. Менен қорықпайтын жан бар ма тірі?деп мақтанады.

-Иә, сен шынында да айбарлы екенсің,-деп алданған жолбарыс жайына кетеді.