Шығарманың мазмұнын түсіну. 3 сынып

Пән:әдебиеттік оқу

Ұзақ мерзімді жоспар бөлімі: «Жанды табиғат» ортақ тақырыбы

Күні:

Сынып: 3 сынып

Мектеп: Қарағанды қаласы

Мұғалімнің аты-жөні: Шадетова А.К.

Қатысқандар саны:

Қатыспағандар саны:

Сабақ тақырыб

1.1 Шығарманың мазмұнын түсіну

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.1 шығарманың маңызды тұстарын анықтау үшін ашық сұрақтар қою және жауап беру

3.1.3.1 шығармадағы кейіпкерлердің мінез-құлқы мен іс-әрекетіне, ондағы оқиғаларға сүйеніп, сюжеттің дамуын болжау

Сабақ мақсаттары:

Барлық оқушылар: оқиғаларға сүйеніп, сюжеттің дамуын болжап, шығарманың маңызды тұстарын анықтау үшін ашық сұрақтар қойып және жауап береді.

Көптеген оқушылар: сюжеттің дамуын болжау арқылы, өз ойы мен көркем-бейнелі сөздерді түсіне отырып анық жеткізеді.

Кейбір оқушылар: тақырып бойынша қосымша мәліметтер мен дәлелдер келтіре алады.

Бағалау критерийлері

• оқиғаларға сүйеніп, сюжеттің дамуын болжайды.
• шығарманың маңызды тұстарын анықтау үшін ашық сұрақтар қояды және жауап береді.

Тілдік мақсаттар

Тілдік мақсаттарды, лексика мен тіркес мысалдарын қоса анықтаңыз:

Пәнге тән лексика мен терминология:

Диалог пен жазу үшін пайдалы сөздер мен тіркестер:

Құндылықтарды дарыту

Топтық және жұптық жұмыста ынтымақтастық құндылықтары қалыптасады, өмір бойы білім алу, ашықтық құндылығы - сабақ барысында еркін қарым-қатынас жасайды.

Пәнаралық байланыстар

қазақ тілі және жаратылыстану пәндерінде алған білімдер қолданылады.

АКТ қолдану дағдылары

Бастапқы білім

Мәтінді оқып, болжай алады және сұрақтар құрастыра алады

Сабақ барысы

Сабақтағы жоспарланған іс әрекет

Ширату. «Суретке ат қой».

• Мұғалім суреттер қойып бастайды.
• Оқушылар кезекпен ат қояды.
• Барлығына ұнаған бір ат таңдалады.

Оқу мақсатын анықтау: Суретке ат қою үшін неге қарадыңдар? (Оқиғасына).

Ендеше, бүгінгі сабағымызда оқиғаларға сүйеніп, сюжеттің дамуын болжап, шығарманың маңызды тұстарын анықтау үшін ашық сұрақтар қойып және жауап береміз.

Болжайық. (Т). Мәтін не туралы? Терминдер арқылы болжа.

1. Сансызбай Сарғасқаевтың «Шыбық» шығармасы бойынша сөздер (шыбық, бала, достары, қар, жел) беріледі.

2.Осы сөздер арқылы шығарманың не туралы екенін болжайды.

3.Жетекші сұрақтар қою арқылы оқушылар сабақтың тақырыбын ашады.

Қ/Б: «Бас бармақ» әдісі. Бас бармақтарын көрсету арқылы түсіндіргенді олардың ұғу деңгейі тексеріледі.

Бас бармақ жоғарыға қарап тұрса = Мен түсінемін.

Бас бармақ көлденең тұрса = Мен түсінгендеймін.

Бас бармақ төмен қарап тұрса = Мен түсінбедім.

Оқиық. «Болжау» әдісі. (Ұ) Оқиғаларға сүйеніп, сюжеттің дамуын болжа.

Оқушыларға «Шыбық» мәтіні бөліктерге бөлініп таратылады.

1. Бірінші бөлігі оқылады. Оқып болған соң топтарында мәтін бөлігін болжап, ұжымда талқылайды.

2. Екінші бөлігі оқып болған соң топтарында мәтін бөлігін болжап, ұжымда талқылайды.

3. Үшінші бөліктен соң топтарында мәтін бөлігін болжап, ұжымда талқылайды.

4. Төртінші бөліктен соң да топтарында мәтін бөлігін болжап, ұжымда талқылайды.

ҚБ:«Екі жұлдыз, бір тілек» әдісі. Екі жұлдыз –жұмыс туралы екі ұнаған нәрсе. Тілек – жақсартуды қажет ететін нәрсе.

Сұра және жауап бер. «Жаңғақ» әдісі. (Т,Ұ)

«Шыбық» мәтінінің маңызды тұстарын анықтау үшін сұрақ құрастыр және жауап бер.

 1. Оқушылар өз қалауымен 6 адамнан топқа бірігеді .

 2. Топтағы әрбір оқушыға қиылған қағаз беріледі, ал топтың ортасына сұрақтар салатын ыдыс қойылады (себет, қапшық, қорап т.с.с).

 3. Әрбір оқушы кесілген қағазға шығарманың маңызды тұстарын анықтау үшін ашық сұрақтар қойып 1 сұрақтан жазады, сонан соң кесілген қағазды жаңғақтың формасына ұқсатып бүктеп, ортадағы қорапқа салады немесе тастайды.

 4. Топтағы әрбір оқушы кезегімен ыдыстан сұрақтар жазылған «жаңғақты» ашып, оқып және оған жауап береді. Егер оқушы сұраққа жауап берсе, онда сұрақ жазылған қағаз өзінде қалады. Егер, оқушы сұраққа жауап бере алмаса, онда басқа оқушылар жауап береді.

 «Жаңғақ» бір оқушыдан екінші оқушыға ретімен домалау қажет. «Жаңғақты» қораптан алар кезде де осы реттілік сақталуы тиіс.

 5. Сұрақтарға жауап берілгеннен кейін, қай оқушыда «жаңғақ» саны көп болса, сол оқушыны басқалары бағалайды.

Қ.Б. «Жапондық бағалау» әдісі арқылы оқушылар жұптық жұмысты бағалайды.

«ООО»- тамаша

«МММ» - жақсы

«Сұқ саусақ» -келісемін

«Екі саусақты» -сұрағым бар

Қалыптастырушы бағалау тапсырмасы.

Жаз өтіп, күз түсті. Ауа райы бұзыла бастады. Күн салқындап, жиі-жиі жаңбыр жауады. Ағаштың жапырақтары сарғаяды. Қырдағы жайқалған көк майса сары далаға айналды. Енді күн ұзарып, түн қысқарады. Құстардың соңғы легі жылы жаққа ұшып барады. Жәндіктер де көрінбейді. Астықтар да сап-сары болып пісіп тұр.Адамдар еккен егіндерін жинап алып жатыр. Сондықтан да бұл мезгілді халық «алтын күз» деп атайды.

Мәтінге сүйеніп кестені толтыр және сипаттап айт.

Жұптық жұмыс

Мәтін бойынша жұбыңа ашық сұрақтар қой.

Жұптасыңның қойған сұрақтарына жауап бер.

Рефлексия: «Табыс сатысы» әдісі:

1 - баспалдағы Мен.............. БІЛЕМІН

2 - баспалдағы Мен.................. ТҮСІНЕМІН

3 - баспалдағы Мен............. ЖАСАЙ АЛАМЫН

Саралау

1-тапсырмада қолдауды қажет ететін оқушыларға «Диалог және қолдау көрсету» тәсілі арқылы шығарманың тақырыбын болжағанда сұрақтар арқылы көмек беріледі.

2-тапсырмада жұптық жұмыстың нәтижесін талдауда «Қорытынды» тәсілі арқылы көмек көрсетіледі. Барлық оқушы бірдей тапсырма орындаса да, нәтижелері әр түрлі болуы

мүмкін.

3-тапсырма «Нәтиже арқылы саралау». Қабілеті төмен оқушылар сұрақтарға өз түсінгендері бойынша жауап береді. Қабілеті жоғары оқушылар баға беріп жауап береді.

Дескриптор

-терминдер арқылы шығарманың тақырыбын топтың ішінде болжайды.

-мәтін бөлігін оқып, оқиғаларға сүйеніп, сюжеттің дамуын болжайды

-шығарманың толық нұсқасын оқиды, қорытынды шығарады.

- мәтін мазмұны бойынша ашық сұрақтар құрастырады;

- мәтін бойынша сұрақтарға жауап береді.

Сабақ бойынша рефлексия