Қазақ тілі және әдебиет 2 сынып 6 - бөлім Салт - дәстүр және ауыз әдебиеті Аңыз - ертегілерді оқу ДИДАКТИКАЛЫҚ МАТЕРИАЛ

Дидактикалық материал

6 – бөлім «Салт-дәстүр және ауыз әдебиеті»

Сабақтың тақырыбы: Аңыз – ертегілерді оқу

Жұмбақ

Көлде жүрген ақ үйрек,

Түнде бар да, күндіз жоқ.

Күндіз күннен таярмын,

Түнде әлемге аянмын

 Бірде Ай өзіне көйлек тіктіріп алмақ болыпты. Тігінші Айдың бой тұрқын өлшеп алады да көйлекті пішіп, тігуге кіріседі. Уәделескен шағында Ай көйлегін алуға келсе, көйлегі әрі тар, әрі қысқа болып шығыпты.  - Иә, мен қателескен екем, - дейді тігінші. Сөйтіп, көйлекті қайта пішіп, қайта тіге бастайды. Уәделескен мерзім жақындап, Ай көйлегін алуға тігіншіге тағы келеді.    Бұл жолы да көйлегі шақ келмей, қысқа болып қалыпты.

Иә, тағы да дұрыс өлшемеген екем ғой, - дейді. Айдың толыса

беретініне түсінбеген тігінші. Сонымен қайта өлшеп, қайта пішіп,

қайтадан тігуге кіріседі.  Ай тағы да көйлегін алуға келе жатады. Тігінші киіз үйдің

түтігінен асқанда келе жатқан топ-толық өзі тіккен көйлектен екі

есе үлкен Айды көреді. Не істерін білмей, сасқалақтап тігінші басы

ауған жаққа қаша жөнеледі. Ай ары іздеп, бері іздеп тігіншіні таба

алмай қалады. Сол себепті, Ай көйлексіз жалаңаш қалыпты.

Тапсырма 1 . Мәтінге ат қой.

Тапсырма 2. Сұрақтарға жауап беру.

• Мәтінде не туралы айтылған?
• Айдың неге осылай өзгергенін түсіндір?
• Мәтінді басқаша қалай атауға болады?
• Мәтінді ойларыңнан ары қарай жалғастырыңдар.

Тапсырма 3. Мәтіннің үшінші бөлігін дәптеріңе жазып, зат есімдерді тауып, олар зат есімнің қай түріне жататынын анықтаңдар.