Естеу Нүсіпбеков (Жаңа жыл, жаңа ғасыр)

 Естеу Нүсіпбеков (Жаңа жыл, жаңа ғасыр)

Жаңа жыл,
Жаңа ғасыр,
Жаңа мыңым!
Талайы сапырылды бағалының:
Жылқыда тасырқамас тағалының,
Өзенде тас бұлақты сағалының.

Айтары әліде көп Ағалының:
Жайлаудың жазда өсетін самалымын.
Жайнаңдап жұпар шашар жамалымын,
Ашылған раушан гүлдей қабағымын.

Бауырлас інілімін, ағалымын,
Ырысты, ынтымақты жағалымын.
Пісіп-пісіп ағытып сағалығын,
Сапырар сары қымыз сабалымын.

Сараптап сараласаң: саналымын,
Сарабдал сардарлымын, даналымын.
Сөзде, істе аналымын, аталымын,
Алды ашық, арты жабық баталымын.

Кімнің де шатылмаймын шатағына,
Кімнің де сатылмаймын атағына.
Келеде бола аламын боталы да,
Бурадай бола аламын жоталы да.

Қажетсе: бола аламын шопаны да,
Адалмын Қазақстан Отаныма.
Жұмсаса қайсы іске, қай салаға,
Ат ерттеп аттанамын қотарыла.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі