Өсімдіктер мен жануарлардың түрлерін анықтау 1-сабақ (Жаратылыстану, 6 сынып, IV тоқсан)

Пән: Жаратылыстану
Ұзақ мерзімді жоспар бөлімі: Экология және тұрақты даму
Сабақ тақырыбы:Өсімдіктер мен жануарлардың түрлерін анықтау 1-сабақ
Осы сабақта қол жеткізілетін оқу мақсаттары (оқу бағдарламасына сілтеме): 6.6.2.1 өсімдіктер мен жануарлардың түрлерін анықтау үшін ағзалардың өзіндік ерекшеліктерін қолдану
Сабақ мақсаттары: • өсімдіктер мен жануарлардың түрлерін сыртқы ерекшеліктері бойынша сипаттау;
• белгісіз ағзаны анықтау үшін алгоритм құрастыру;
• өсімдіктер мен жануарлардың түрлерін анықтау үшін ағзалардың көзге көрінетін өзіндік ерекшеліктерін қолдану.

1. Өткенді қайталау арқылы бастапқы білімді жаңғырту. Оқушылар тірі ағзалардың суреттері арқылы топтарға бөлінеді. Әр топ тірі ағзалардың негізгі ерекшеліктерін сипаттайды. 5- сыныптағы 5.6.2.1 ағзаларды тірі табиғат дүниесіне жіктеу оқу мақсаты бойынша білімдерін көрсетеді.

2. Ой шақыру.
Оқушылар сыртқы белгілерінің ерекшеліктері негізінде тірі ағзаларды сипаттайды.

Дескрипторлар
Оқушы
Ағзалардың сыртқы ерекшеліктерін анықтайды.
3. Мақсатты тұжырымдау.
Мұғалім оқушылармен бірге сабақ мақсаттарын, «жақын даму аймағын» және сабақ соңында күтілетін нәтижелерді анықтайды.
4. Мұғалімнің түсіндірмесі.
Белгісіз ағзаны анықтаудың алгоритмін, өсімдіктер бөлімдерінің, омыртқасыз және омыртқалы жануарлар және олардың кластарының негізгі белгілерін түсіндіреді.

5. Топтық жұмыс.
Ұсынылған алгоритм бойынша 10 минуттың ішінде омыртқасыз және омыртқалы жануарлар кластарының өкілдерін анықтайды. 10 минуттан кейін әр топ өз жұмыстарымен бөліседі (2 минут).

Келесі 10 минуттың ішінде өсімдіктердің(балдырлар, мүктер, қырықжапырақтар, ашық және жабық тұқымды өсімдіктер) кеппешөптерін/ фотосуреттерін пайдалана отырып, өсімдік бөлімдерінің сыртқы ерекшеліктерін анықтайды және өздері анықтаған ерекшеліктерді қосымша ақпаратта берілген сипаттамалармен сәйкестендіреді және әр топ өз жұмыстарымен бөліседі.
Әр топ өз жұмыстарымен бөліседі, мұғалім кері байланыс береді.
Дескрипторлар
Оқушы
Өсімдік бөлімдерінің негізгі ерекшеліктерін анықтайды;
Өсімдік бөлімдерінің өкілдеріне тән сипаттамаларды сәйкестендіреді;
Омыртқасыз жануарлар кластары өкілдерінің көзге көрінетін негізгі ерекшеліктерін сипаттайды;
Омыртқалы жануарлар кластары өкілдерінің көзге көрінетін негізгі ерекшеліктерін сипаттайды.

6. Cабақты бекіту.
Барлық оқушылар шеңберде отырады, жүргізуші бастап, кезекпен барлығы тақырып бойынша түйінді ойды қорытындылайды. Идеялар қайталанбау керек.Оқушылар мұғалім ұсынған дұрыс жауаптардың көмегімен өзара бағалау жүргізеді.........