Автокөлік үстіне іш киіммен шыққан астаналық жауапқа тартылды (видео)

Автокөлік үстіне іш киіммен шыққан астаналық жауапқа тартылды (видео)

22 мамыр күні кешке әлеуметтік желіде жартылай жалаңаш азаматтың қозғалыстағы автокөлік үстінде тұрған видеосы тарап кетті деп хабарлайды nur.kz.

Нұр-Сұлтан қаласы құқық қорғау органдары қызметкерлері үстінде жартылай жалаңаш азамат тұрған автокөлікті тоқтатты. Куәгерлер түсірген бейнежазба полиция дабылы естілгенге дейін түсірілген. Автокөлік нөмірі арқылы иесінің тұлғасы анықталды. Ол 24 жастағы елорда тұрғыны болып шықты. Ал көлік үстінде тұрған азамат- көлік жүргізушісінің досы, құрдасы.

Тәртіп сақшылары темір тұлпардың төбесіне шыққан жігітке қос әкімшілік бап бойынша 9723 теңге айыппұл бекітті. Көлік жүргізушісін тексеру барысында оның көлік жүргізу куәлігінің мерзімі өткені және автоның сақтандыру құжаты жоқ екені анықталған.

Қазақстан Республикасы әкімшілік кодексінің бес бабын жинақтай келе, көлік жүргізушісі 125 010 теңге төлеуге міндеттелді. Одан бөлек, азаматтың жеке көлік құралы тәркіленіп, айыппұл тұрағына жеткізілді.



Айта кетейік, Нұр-Сұлтан билігі алдағы күндері қаладағы карантин режимін жеңілдетуді жоспарлап отырған жоқ. Бүгін елорда әкімі Алтай Көлгінов коронавирус инфекциясының таралуына қарсы күрес бойынша жиын өткізді.
Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі