Қазына, дәулет, байлық, молшылық

 Қазына, дәулет, байлық, молшылық

Дәулетіне қарай сәулеті.

Дәулетті ел — сәулетті.

Орман ел дәулеті, жер сәулеті.

Еңбексіз құраған дәулет,
Емсіз жабықсан дертпен тең.

Жамандықты көп қусаң,
Құтылмас пәле жолығар,
Жақсылықты көп қусаң,
Бақ-әулетің молығар.

Келген - дәулет, кеткен - бейнет.

Дәулет келерінде тойға келген қыздай,
Кетерінде қолға ұстаған мұздай.

Келген дәулет, кеткен мехнат бәрі бір.

Адыра қалды бақ, дәулет,
Еңбек енді шын дәулет.

Залымның дәулеті әулетіне де бұйырмайды.

Бақыттыға бақ-дәулет бас көтертпейді.

Бейнет – жалпақ,
Дәулет домалақ болар.

Дәулет басса –
Ет басады,
Бейнет басса –
Бит басады.

Дәулес төрін бермейді,
Өлсе – көрін бермейді.

Бақ пен дәулет көшпелі.

Бейнетсіз дәулеттің рахаты жоқ.

Бос кеуделер көрсе дәулет шіркінді,
Тістей қатар бос жібермей бір күнді.

Біліксіз биік болса дәулетімен,
Білікті биігірек сәулетімен.

Бақ-дәулетке мақтанба.

Кітап - алтын қазына.

Сөз қуған — пәлеге жолығар,
Шаруа қуған — қазынаға жолығар.

Ит — жеті қазынаның бірі.

Ел қариясы - ел қазынасы.

Қазынасын қарақшыға күзеттірді.

Қатын оңса - қазына, оңбаса - қаза.

Келісті келбет ерде бар,
Қымбатты қазына жерде бар.

Шыдамдылық — өмiр бойына берiлетiн қазына.

Байда пейіл болса,
Кедейде мейір болады.

Байдың малы ортақ.

Байдан жұғар, балдан тамар.

Бай - жарлының бақташысы.

Дәулеттінің дәмімен.

Түгін тартса, түбінен май шығады.

Байдың малы ардақты,
Жарлының жаны ардақты.

Жүзді айдап, бірді жетелеген.

Басытқыға бал ішкен,
Сусынына шай ішкен.

Бай тоқ болмас,
Батыр аш болмас.

Байда - сәурік, жарлыда - байтал.

Қайырсыз байдан қайнатқан су артық.

Бай тойғанынан кекіреді,
Кедей аштықтан секіреді.

Бай болам десең, аузыңды бақ.

Бәсеке, байлық кімде жоқ,
Бірде бар да, бірде жоқ.

Бір-бірлеп мың болар,
Тама-тама көл болар.

Дәулетіне сәулеті сай,
Сәулетіне дәулеті сай.

Ақырып хан болмайды,
Бақырып бай болмайды.

Байлың түбі - бақыл,
Қазына түбі - ақыл.

Кім бай болғысы келмейді,
Құдайы қаламайды.
Кім би болғысы келмейді,
Халқы қаламайды.

Байлықтың бір тоқтығы, бір жоқтығы бар.

Барлық не жегізбес,
Жоқтың не дегізбес.

Бар шабылса, табылар,
Жоқ шабылса, тарығар.

Есепші болмай, бай болмас,
Есер болмай, ер болмас.

Ескі байдан жұрт қалмас,
Жаңа байдан шөп қалмас.

Жаңадан байыған жақынын танымас.

Жаңа байдан қалтаң қалмайды,
Ескі байдан талтаң қалмайды.

Ерге дәулет бітерде,
Қарға салса, қаз алар.
Ерден дәулет кетерде,
Лашын салса, аз алар.

Сыртың сыйлы болғанша,
Ішің майлы болсын.

Бір байдың жұртына,
Екі байғұс таласады.

Байды Құдай ұрайын десе, жортуыл жасайды,
Биені Құдай ұрайын десе, құлын тастайды.

Көктегі жұлдыз жиылса,
Бірден туған Айдай жоқ.
Өңкей жарлы жиылса,
Жалғыз үйлі байдай жоқ.

Бай болсаң, жарлылығыңды айтпа,
Жарлы болсаң, байлығыңды айтпа.

Үш рет жұтаған байда,
Үш рет шабылған ханда қазына қалмайды.

Кері кеткен бай кедейден қарыз сұрар.

Көшпелі дәулет кімде жоқ.
Бірде бар да, бірде жоқ.

Менмен бай Құдайға да ауыз салады.

Бермесе де бай жақсы,
Жемесе де май жақсы.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі