Жұмағали Саин (Сағындым сені, достарым)

 Жұмағали Саин (Сағындым сені, достарым)

Сағындым сені, достарым,
Жапанды кезген партизан,
Жолбарыстай жортқан түн,
Жер астында жанған шам:.ч
Арқырай ұшқан алаурап
Пулеметтен атқан оқ,
Жабықсам, жалғыз сырласын
Жадыратар сен де жоқ.
Жапанда жалғыз бір қала
Жаныма менің «тас қорған».
Жақында еді ол мана,
Жан досыма не болған?..
Жатырмын мұнда мен неге,
Жарағым қайда бес қару?!
Жалынбас ғұмыр пендеге
Жалынды жүрек болдың у,
Қасыма келші біреуің,
Қанжарым қайда... автомат?
Қанды кешер кезімде
Қайдан тап болған кровать?
Қамқорым менің жас қана,
Украин қызы қарындас,
Қамықтырма ағаңды,
Бер тілегін, қақпанды аш!..
Уа, партизан, партизан!
Жау жүрек сендер арыстан,
Жойқын жорық болсын қан,
Сен ыстықсың жалыннан.
Сен қымбатсың жарымнан,
Сағындым сені, достарым!
Сағындым сені, партизан!
Сәні жоқ жатқан өмірдің,
Сауығар жарам... аққан қан..
Сабыңа қайта тұрармын.
Саусылдап қару бойымда,
Сан қамалды бұзармын,
Сабылып түннің қойнында»

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі