Жаңа жыл туралы құттықтау, тілек өлеңдер
Кейде көңілің қалған,
Кейде тәтті балдан –
Дүние бұл жалған,
Қарап көзің талған.
Бақыт нұрын шашсын,
Ататын таң алдан.
Таусылмасын нәсіп,
Толып ақсын арнаң.
Ақталсын пәк үміт,
Жаңа қауыз жарған.
Баянды боп келсін,
Орындалсын арман!
Қағып тұр Жаңа жыл кеп есігіңді,
Болмайды той-думанның кеші мұңды.
Жаратқан түгел қылып берсін сенің
Бақыт пен ырысыңды, несібіңді!
Ашылып ғасырдың бір ақ парағы,
Өзіңе Қыдыр дарып, бақ қарады.
Жаңа жыл берекелі жыл боп кірсін,
Табысқа бастап сені асқаралы!
Жылымыз барыс —
Көбейсін табыс.
Келер жыл қоян —
Ұлғайсын жанұяң.
Жаңа жыл — жаңа қадам, жаңа бағыт,
Болашақ сыйлайтындай жаңа бақыт.
Жақсылықтың белгісі, жаңа уақыт,
Келіп, міне, жатырмыз, қауқылдасып...
Бірге соғып бар әлемнің сағаттары,
Он екіні күтер, қалмай, тағаттары,-
Ғасырдың он екінші жылы келді,
Құстай ұшып, қырау шалған қанаттары!
Құтты болсын Жаңа жыл, барша қауым,
Құтқа орансын кең байтақ дархан елім.
Қазақтың пейіліне тарту етсін,
Табиғат ашық аспан, таң шапағын!
Ардақ тұтқан жайсаң жанның бірі едің,
Біреуге сыр, ал біреуге жыр едің,
Шынарына өрле биік бақыттың,
Осы менің саған айтар тілегім!
Аман болсын отбасың,
Жамандықтан сақтасын.
Жаңа жылдың түнінде,
Бақыт ашсын қақпасын!
Жаңа жыл — жаңа ниет, жаңа күнсің,
Ғаламға ғашық болған жанарымсың.
Қалсыншы ескі жылда бар қиындық,
Шаттықтың шарайнасы бола білгін!
Мезгілдері жаңарған,
Ескіргенін елейтін,
Алдағы жыл — ақ арман,
Ассалаумағалейкум!
Басталарда жаңа әлем,
Құйылады жаңа нұр.
Жүрекке арман бөлеген,
Қош келіпсіз, жаңа жыл!
Жаңа жылым — әсемсің,
Гүл өндірер түзге де.
Әр сәті Бақ әкелсің,
Достар, достар бізге де!
Жаңа Жыл көркейіп-көбею, өсіп-өну, мақсат-мұраттарға жету жылы болсын!
Қайырлы күн, барша туған-туыстарым,
Құтты болсын бұл келген жаңа жылың!
Тышқан жылы кенеліп шын бақытқа,
Өсе берсін бұл жылда табыстарың.
Бола берсін бұл жылда қызықтарың.
Тойлай бер қырық, елу, алпыстарың.
Құтты болсын алатын қоныстарың,
Қуанышпен тойла, өмір парақтарын.
Қажетті сілтемелер:
- Жаңа жыл тілек пен құттықтау
- Жаңа жылға арналған әндер, тақпақтар, өлеңдер
- Жаңа жылға арналған әзіл құттықтаулар
- Сүйіктілерге арналған жаңа жылдық құттықтаулар
- Досқа арналған жаңа жылдық құттықтаулар, тілектер
- Ата-ана жаңа жылдық құттықтаулар, тілектер
- Бүлдіршін, кішкентай балаларға жаңа жылдық тілектер, құттықтаулар
- Жаңа жылға арналған өлеңдер
- Жаңа жылға арналған тақпақтар
Келді тағы жаңа жыл
Қуантуға біздерді,
Құтты болсын қуаныш
Құттықтаймыз сіздерді.
Жаңа жылың жаңа нұр ала келсін
Қуанышқа құшағың тола берсін.
Ескі жылың есіркеп көкейіңде
Қимас шақтың бірі боп қала берсін!
Жырмен өтсін күнің,
Таусылмасын сырың.
Батқан күнмен кетсін,
Мұңың болса бұрын.
Атқан таңмен атсын,
Ақ арманың гүлің.
Жүзің жарық болып,
Шалқып шықсын нұрың!
Жаңа жылдық тілек,
Осы болсын бүгін!
Құшағында тәтті үміттің
Өтсін алтын күндерің,
Жаңа жылда жақсылықтың,
Шамшырағын үрлегін!
Өзің де бір ардақты жан екенсің,
Армандарың алып шыңға көтерсін!
Дақ түспесін жүрегіңе ақ қардай,
Жаңа жылың жаңа бақыт әкелсін!
Келді, міне, Жаңа жыл ортамызға,
Құт-береке әкелсін баршаңызға.
Аңсаған арманыңыз орындалып,
Өміріңіз бақыт пен толсын нұрға.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇
Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру
Соңғы жаңалықтар:
» Елімізде су тасқынынан зардап шеккендердің қандай мүліктеріне өтемақы төленеді?
» Мұғалімдер ұрлап жатыр: Петропавлда осындай жалған ақпарат таратқан әйел жауапқа тартылды.
» 🏡Үй алуды мақсат еткендерге тағы бір жағымды жаңалық😍