9 мамыр - Жеңіс күні құтты болсын

9 мамыр - Жеңіс күні құтты болсын

Құрметті оқырмандар! Осы мақалада Жеңіс күніне арналған 9 мамыр туралы құттықтау тілектер жинағы жарияланды. 9 мамыр жеңіс күні құтты болсын, Қазақстандықтар!


Туған елдің тәуелсіздігі мен бостандығы үшін жанын қиған боздақтарымызды мәңгі есте сақтаймыз!

Отан үшін отқа түсіп, қан майданнан аман оралған қандастарымыздың алдында бас иеміз!

Құрметті Ұлы Отан соғысының қатысушылары мен тыл еңбеккерлері! Ауыр күндердегі адал еңбектеріңіз бен белсенді азаматтық ұстанымдарыңыз үшін бас иіп алғыс білдіреміз!

Сіздерге мықты денсаулық, бақыт, ұзақ ғұмыр тілеміз!

Адамзат тарихындағы ең ауыр қантөгіс соғыс аяқталғанына ** жыл өтіпті. Зарықтырып жеткен Жеңіс күнінің қадірі бәріміз үшін тым қымбат. Сұрапыл соғыс адамзаттың жүрегіне өшпес жара салды. Ауылда қалған кемпір-шал, бала-шаға зуылдаған оқ пен лапылдаған от-жалынның арасында жүрген бауырына, әкесіне, ағасына сеп болсын деп, бар күш қайратын жұмсады. Тылдағы әрбір күн соғысқа тең еді. Ардагер көрген зұлматты сен көрген жоқсың замандас, сол үшін оны құрметте!


Қарап көоіңіз:



Бүгінгі мамыражай тыныш өмір аталарымыз қалыптастырған берік бірлік нәтижесінде келді. Әуеде ұшқыш, жерде танкист, теңізде – теңізші, окопта әскер, блиндажда байланысшы және тылда еңбеккер – бәрі де Ұлы Жеңіс үшін қараниет арам пиғылды фашист оғына өз кеудесін тосты. «Отан» атты ыстық ұғым, тәтті сөз қарсы келген дұшпанға қаймықпай қарауға жігер берді.

Ер жігіттің құл болмай, ару қыздың күң атанбай, халықтың бірлікте өмір сүруі нақ солардың арқасында!


9 мамыр жеңіс күні

Тоғызыншы мамыр бұл жеңіс күні,
Ардагерлер арқасында жарған бүрі.
Әрбір жылы ықыласпен қарсы аламыз,
Атаулы күн ерекше күннің бірі.

Отаным дер ерлерім болмаса егер,
Ардагерлер бар күшін салмаса егер.
Осы бейбіт күнімізге жетер ме едік?
Отан үшін отқа түсіп жанбаса егер?!

Жеңіс күні оңайлықпен келгені жоқ,
Оңайлықпен жеміс гүлін бергені жоқ.
Ардагерлер арқасы деп білеміз,
Бейбіт күннің бүгінгі бергені көп.
Жібек Искакова


  Құтты болсын жеңіс күні 

Жеңіс күні, жеңіс туы желбіреп,
Жеңіс күні бір қуантар, мұңайтар.
Отан үшін шайқасқан ата-бабалар,
Бізге қарап бұл күндері сыр айтар.

Ардагерлер саны азайып барады,
Келместің бұл кемесіне мініп ап.
Көктен қарап үн қатады біздерге,
Көк аспанның биігінде тұрып ап.

Отан үшін жанымызды бердік біз,
Аялаңдар отаныңды, еліңді.
Бұл азаттық оңайлықпен келген жоқ,
Дейді олар: «сақта туған жеріңді».
Жібек Искакова


  Жеңіс күні құтты болсын

Жеңіс күні мәңгілік тарих болар,
Әр жыл сайын аталып өтілетін.
Жеміс гүлі тамырылап күйді берер,
Әр жыл сайын мықты боп жетілетін.

Тоғызыншы мамыр бұл, жеңіс күні,
Елестетер сұрапыл шайқастарды.
Желбіреген кез елестер жеңіс туы,
Көз алдына әкеліп жай жапсарды.

Қаншама адам айрылды бұл жанынан,
Отан үшін шайқаста жанын беріп.
Әлия мен Мәншүктер қазақ қызы,
Оққа тосқан кеудесін, тәнін беріп.
Жібек Искакова

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


Бүгінгі мерекенің еліміздің өмірінде алатын орны өзгеше. Осыдан 66 жыл бұрын бүкіл әлемге қайғы мен қуаныш жасын қоса жұтқызған ерекше күн еді бұл. Ізгі ниетпен адамзат баласы мерекелейтін осы күннің тууына еліміздің айтулы үлес қосқанын біз әрқашанда мақтан тұтамыз.

Ұлы Жеңісті жақындатуға абзал арыстандарымыздың майдан даласында, отандастарымыздың тылда қосқан еңбегі өлшеусіз. Ағалардың ардақты ісін бүгінгі күні кейінгі ұрпақ лайықты табыстармен жалғастырып келеді.

Уақыт өткен сайын кешегі күндей күркіреп өткен сұрапыл соғыстың дүрбелең оқиғалары да арасын аулақ салып, алыстап барады. Бірақ қаншалықты алыстағанмен ол көңілден кетіп, жүректерден өшпек емес. Өйткені ол соғыс қаншама ұрпақты қайғы-қасіретке душар етіп, өмірін өксітіп кетті. Сол соғысты майданның алдыңғы шебінде жүріп басынан өткергендер де, солардың тілеуін тілеп, тылдағы бар ауыртпалықты иығымен көтерген ардагерлер де, соғыста ата-анасынан айырылып, жетімдік тауқыметін тартып өскендер де бүгінде арамызда жүр.

Сондықтан да жыл сайын мамыр айының 9 жұлдызында сол сұрапыл соғыстағы Жеңіс күні айрықша атап өтіледі. Және ол жалпыға бірдей халықтық мереке болғанымен, бұл күні әсіресе, кешегі соғыста Жеңіс үшін қолдарына қару алып, майданның алдыңғы шебінде қанқұйлы жаумен шайқасқа түскен соғыс ардагерлеріне көрсетілер құрмет айрықша.

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


Жан әке, Асыл әке, Ардақты әке,
Тірі болсаң жүрер едің 85-те.
Қан майданда, қан кешіп күткен күннің
Келе жатыр ** жылдық мерекең де.

Сұм соғыстан аман кеп, марқұм әке,
Ажал сені әкетті-ау жайлы өмірде.
Бұл қызықты көретін елмен бірге
Тағдыр шіркін өзіңе көпсінді ме.

**-жыл өтті, міне, содан бері
Еске аламыз өзіңді Жеңіс күні.
Сол жеңістің көрсеткен бұл жемісі
Ұрпағыңның есінде қалар мәңгі.

Сіздердің біздің Отанымыздың бостандығы мен тәуелсіздігі үшін шайқастардағы теңдессіз ерліктеріңіз бен табандылықтарыңыз ғасырлар бойы жасай береді. Өйткені Сіздер кейінгі ұрпақтың жарқын болашағын қорғап қалу арқылы өздеріңіздің азаматтық және патриоттық парыздарыңызды абыроймен орындап шықтыңыздар.Сіздердің қайыспас қайсарлықтарыңыз бен Отанға шынайы берілгендіктеріңіз қазақстандықтардың жас ұрпақтары үшін өнегесі мол тамаша үлгі.

Бүгінгідей айтулы мереке күні өздеріңізге зор денсаулық, жарасты көңіл-күй, баянды бақыт, отбасыларыңызға береке-бірлік тілейміз!

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


Жер-дүниені дір сілкінткен соғыс өртінің сөнгеніне биыл 66 жыл толып отыр. Елімізге зор ауыртпалықтар әкелген Ұлы Отан соғысының зардабы тимеген шаңырақ жоқ десе де болады.

Бұл соғыстағы жеңісте қазақ халқы талай боздақтарынан айырылды. Әкелеріміз бен ағаларымыз қан майданда толарсақтан саз кешіп, жанкешті қаһармандылығымен басқа ұлттар алдында өздерінің ерлігін көрсете білді.

Соғыстың алғашқы сәттерінен-ақ, қазақстандық жауынгерлер Бөгенбай мен Қабанбайдың, Наурызбай мен Райымбектің, Махамбет пен Исатайдың ұрпақтарына лайық ұрыс салды. Ажалда қасқайып қарсы тұрған қаһармандарды басқалар еріксіз мойындауға мәжбүр болды. Бауыржан мен Төлеген, Нүркен мен Талғат, Рақымжан мен Қасым, шығыстың қос жұлдыздары Әлия мен Мәншүк сынды ерлер халқының батыр екендігін дәлелдеді.

Соғыс зардабы туралы сөз етсек, өрімдей он сегіз бен қылшылдаған қырықтың арасындағы азаматтардың Отан үшін арпалысқаны түскені еске түскенде, жаныңды қоярға жер таба алмайсың. Үйлі-баранды болып, бала сүйетін шақтарында арманда кеткен боздақтар көп болғандығы өкінішті-ақ.

Жыл өткен сайын соғыс ардагерлерінің саны азайғанмен олардың жасаған ерлігі бүгінгі ұрпақ санасында мәңгі қалмақ.

Жеңіс! Осынау жалғыз ауыз сөзде қаншама терең мағына жатыр. Кез келген істің, қандай күрестің де басты мақсаты жеңіске жету болғанымен, кешегі Ұлы Отан соғысындағы үлкен Жеңістің орны айрықша бөлек. Оған жету үшін қаншама халық жан алып, жан беріскен шайқастарға толы ұзақ та ауыр жолдан өтіп келді. Зарықтырып, сағынтып жеткен ол Жеңісті жақындата түсуге майданның алдыңғы шебінде от пен оқтың ортасында болған майдангерлермен бірге тыл еңбеккерлері де, майдан даласынан шалғайдағы қарттар мен әйелдер де, буыны бекіп, бұғанасы қатпаған балалар да үлес қосқан. Ол сонысымен де қастерлі, қасиетті саналады. Биыл міне, сол Жеңіс күні елімізде алпыс алтыншы рет атап өтілгелі отыр.

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


- Жер әлемді сілкінткен соғыс өртінің жеңіспен тұншықтырылғанына да міне, 66 жыл болды. Елімізге орасан зор ауыртпалықтар әкелген Ұлы Отан соғысының от шарпуы тимеген шаңырақ жоқ шығар. Бұл соғыстағы жеңіс қазақ халқы үшін төрт жүз мыңға жуық құрбандыққа түсті. Ол соғыста қазақстандық майдангерлер жанкешті қаһармандықтарымен басқа европалық ұлттардың алдында өздерінің ешкімнен кем емес, қандай істе де, кіммен болса да терезесі тең екенін дәлелдеп шықты.

Сұрапыл соғыстың қиямет-қайым ауыртпалықтары оқ пен оттың ортасында жүрген майдангерлердің ғана емес, алыс тылдағы барша халықтың қабырғасына батқан сол жылдар санадан әлі ұмытылған жоқ. Елде қалған қарттар мен әйелдер де, тіпті буыны қатып, бұғанасы бекімеген жас балалар да көп бейнет көрді. Еңіреген етегі жасқа толған елді, әсіресе ойын балаларының нағыз бұла өсетін шағында бәрінен жұрдай болып, жұмысқа жегілді.

Ел тілегі ақталды, ақ түйенің қарыны жарылған күнде жетті.

Бұл мереке әр кезде де батылдық пен ерліктің, қаһармандықтың символы, Отанға деген сүйіспеншілік пен адалдықтың өлшемі, ал Сіздердің өздеріңіз, құрметті ардагерлер, болашақ ұрпақтар үшін, егемен еліміздің тәуелсіздігін қоғаушылардың бәрі үшін жарқын үлгі болып қала бересіздер.

Сіздердің қан майданның алдыңғы шебіндегі ерліктеріңіздің, тылдағы ерен еңбектеріңіздің арқасында қазақстандықтардың бүгінгі ұрпағы келісіммен бейбіт өмір сүруде.

Сіздердің ерен ерліктеріңіз, қажырлы еңбектеріңіз бен табандылықтарыңыз үшін , құрметті ардагерлер, Сіздердің алдарыңызда бас иеміз.

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


Жеңіс күні бәріміз үшін айрықша қымбат, қасиетті мереке. Бұл тек, сол соғыста жеңіске жеткенімізді атап өтетін күн ғана емес. Ол – сол соғыста Жеңісті жақындату үшін жан аямай шайқасып, қан майданнан оралмай, еліміздің берік қорғанындай болып қалған арыстарымызды еске алатын күн.


9 Мамыр – Ұлы Жеңіс күні деп тойласақ та, оның салмағының ауыр болғанын бүгінгі ұрпақ ешқашан да ұмытпауы тиіс. Омырауларында жарқыраған орден-медальдарын тағып анадайдан көзге оттай басылатын ардагер ағаларымыз бұл күнді асыға күтеді. Бұл күн – Жеңіс күні болуымен қатар соғыстан оралмаған үзеңгілес қатарларын еске алып, жанарларынан тамған жас тамшылары өткен күннен белгі беріп тұрғандай. Жүздеріңді мұң шалмасын, көңілдеріңе кірбің түспесін, қатарларың азаймасын, ардагер ағалар!

Ел басына күн туған кешегі соғыс кезінде ер-азаматтар қолдарына қару алып, ел қорғауға аттанған. Талай қанды қырғынды бастарынан кешіріп, жеңісті жақындатқан майдангер батыр аталарымыз.

«Елдің көркі ерімен, Отан көркі жерімен» дегендей, ел басына қатер төнген жылдары кеудедегі шыбын жаны шыққанша жаумен жаға жыртысқан батыр аталарымыз аз емес. Олар ең алдымен ұлты үшін, халық үшін жанын құрбан еткен жандар. Жыл өткен сайын қатары азайып бара жатқан майдангер аталарымыздың есімдері ұмытылмай, келер ұрпақтың есімдері ұмытылмай, келер ұрпақтың есінде жатталып қалуы керек.

Сен құрметте оны,
Түсіндің бе, қарағым,
Ол ақшаға сатқан жоқ,
Тізеден кесіп аяғын,
Кеше елге қатер төнгенде,
Ол жауға қарсы шапты,
Жалмамақ болған біздерді
Өр кеудесімен жапты....

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


Жастық шақтың жалындаған шағын толарсақтан саз кеше жүріп, Отан деген ұлы сезім үшін кеуделерін оққа төсеп, Жеңіс күнін жақындатуға жұмсаған Ұлы Отан соғысының жауынгерлері үшін мамырдың 9-ы өліп-тірілген күнмен бірдей. Қаншама боздақ бұған жете алмай, қыршынынан қиылды. Жеткендерінің алды бүгін тоқсаннан асқан, соңы сексеннің сеңгіріне шыққан ақ жаулықты әжелер мен аталар.

Жас ұрпақ сіздердің алдарыңызда борышты. Олар сіздер қасық қандарыңыз қалғанша күресіп, жаудан аман-есен қалған бейбітшілік құнының баға жеткізгісіз қымбат екендігін біліп, оның өмір бойы аялап өтеді.

Жеңістен соң қаншама арман мен үміт ұрыс даласында жер бауырлап қалды. Әр жеңістен соң ананың көзінен аққан гауһар тамшы омырауда қақ болып қатты. Жеңіс осылай келгендігі, қырманға суырылған әр дән аталардың жауға қарсы кезенген қаруына оқ болып енгені, бәрі де қымбат. Кейінгі ұрпаққа қолмен нұсқап, «әне, Отан үшін от кешкен аталар, соған ұқсап бақ!» деп айта алатын кезеңдеміз. Сол үшін де бақыттымыз!

9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша


Қадірлі соғыс ардагерлері, тыл еңбеккерлері, сайт қолданушылары!


Қасиетті де ұлы мереке қарсаңында Сіздерді Жеңіс күнімен шын жүректен құттықтаймыз!

Осыдан ** жыл бұрын адамзат тарихында ең ауыр және қанды соғыстың соңғы оқтары атылды. Содан бері 1945 жылдың 9 мамыры жұртшылық жадында біздің халқымыздың ерлік үлгісі, мұқалмас қажырлығы мен мызғымастығының символы болып келеді.

Қымбатты ардагерлер! Сіздер елімізді жаудан ерлікпен қорғай білдіңіздер. Ал бейбіт күндерде еліміз бен туған өлкеміздің игілігіне адал еңбек еттіңіздер. Қандай шаруаға да белсене қатыстыңыздар. Бүгінгі күні де біздің ортақ проблемаларымыздан шет қалмайсыздар, даңқты ерлік дәстүрлеріне адалдық пен патриотизм, қаһармандықтың лайықты үлгісі болып келесіздер. Ұлы Жеңіс үшін, өшпейтін Ерлік үшін шынайы көңілден шыққан алғысымызды қабыл алыңыздар.

Қымбатты Отандастар! Сіздерге шын жүректен бақыт пен татулық, әрбір отбасына ізгіліктер мен игіліктер тілеймін. Ардагерлеріміздің дені сау болып, солдаттар мен офицерлеріміз табысты қызмет ете берсін. Ержүрек және жігерлі адамдардың бұл мерекесі әрдайым қуаныш пен бейбіт күн әкеле берсін!

Қарағанды облысы, Ақтоғай ауданы,
Сарышаған кенті ЖОББ мектебінің
Ағылшын тілі пән мұғалімі,
Гурленбаева Жумабике Ражабовна.


Қажетті сілтемелер:


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 5
  1. Оқырман Жеңіс
    Оқырман Жеңіс 25.04.2022 10:38
    2 + 1 -
    Жеңіс туы мәңгілік желбірейді,
    Қазағымдай отаным, елім барда.
    Қазақ елі бодандыққа жол бермейді,
    Ынтымақ пен жүректе сенім барда.

    Ардагерге алғыс көп, бас иеміз,
    Елі үшін аянбай жанын берген.
    Жеңіс туы желбірейді мәңгілікке,
    Қазағыма қуатын, сәнін берген.

    Еске аламыз ардагер аталарды,
    Бауыржандай Момышұлы қайсар болған.
    Қазағымның батырлары мәңгі есте,
    Мейрімді жандары жайсаң болған.
    Жібек Искакова
  2. женис куни кутты болсын
    1 + 1 -
    Жеңіс күні, жеңіс туы

    Жеңіс күні, жеңіс туы желбірейді,
    Қазағыма дем беріп алыс қырдан.
    Ардагерлер есімі мәңгі өлмейді,
    Жеңіс күнін біздермен табыстырған.

    Тек солардың арқасы жүрсек күліп,
    Біздер үшін еткендер жанын құрбан.
    Ұрпақтары еске алып, жүред(і) біліп,
    Жеңіс отын қарайлап, жанып тұрған.

    Жеңіс күні қуанышқа кенелткен күн,
    Қанды шайқас соғыстың кезі біткен.
    Жеңіс туы самалмен тербелген күн,
    Бейбіт күндер орналып көптен күткен...
    Жібек Искакова
  3. Жеңіс күні құтты болсын
    1 + 0 -
    Ұлы Жеңіс күні құтты болсын!
    9 мамыр - Жеңіс күні бәріміз үшін айрықша қымбат, қасиетті мереке. Бұл тек, сол соғыста жеңіске жеткенімізді атап өтетін күн ғана емес, сол зұлмат жылдарда Жеңісті жақындату үшін өмірлерін қиған, майданнан оралмай еліміздің берік қорғанындай болып қалған ұқл-қыздарымызды еске алатын күн. Сіздердің ерліктеріңіз біздің жадымызда мәңгі сақталады.
  4. 9 мамыр құттықтау
    2 + 0 -
    Ұлы Жеңіс күні 9 мамыр құтты болсын!

    Тарихымызда қалған бұл сұрапыл соғыстың кеселінен
    өткен ата апаларымыз аман болсын!
    Келешек еліміздің дархан даласы кең, аспаны ашық болсын!
    Жұдырықтай жұмылған, білектей біріккен кеңпейіл Қазақ елі жасасын!

    ++++++++

    Ардақты ардагерлер: ақсақалдар, аналар!
    Сіздерді Ұлы Отан Соғысындағы Жеңістің 72
    жылдық мерейтойымен шын жүректен құттықтаймын.
    Жеңіс күні – тарих төрінен орын алатын ұлы мереке.
    Сіздердің ерліктеріңіздің арқасында біз бүгін бейбіт өмір, бақытты тұрмыс кешудеміз. Сіздерге ұрпақтарыңыз атынан шексіз алғыс білдіреміз.
    Бәріңізге бақыт пен қуаныш, денсаулық тілейміз!
  5. жеңіс күні құттықтау
    3 + 1 -
    *** *** *** ***

    9 мамыр – Жеңіс Күні – ең қымбатты, қуанышты да қайғылы, мәртебелі мейрам, халқымыздың ерлігі мен даңқының жарқын көрінісі болып табылады.

    1945 жылдың 9 мамыры... Жылдан-жылға алыстап бара жатқан мерзім. Дей тұрғанмен, Ұлы Жеңістің анық бағасы мен маңызы біздің жадымызда мәңгі орын алған деуге болады. Ұлы Жеңіс тойы – бұрынғы кеңестік халықтардың ортақ, басты мерекелерінің бірі.

    Жыл сайын мәңгілік алауы жанына Отан қорғаушыларын, батырларды еске алып, гүл шоқтарымен рахметін айта келгендер жиналады. Біздер де қадірлі ардагерлерге бейбіт өміріміз бен бақытты болашағымыз үшін алғысымызды білдіреміз!

    ++++++++++
    Сіздерді 9-мамыр – Ұлы Жеңіс Күнімен шын жүректен құттықтаймын!

    Бұл мереке – жанқияр ерліктің, еңселі елдіктің рухы өрлеп, Жеңіс жалауы желбіреген күн. Бүгінгі тәуелсіздік тұғырының берік, еңсеміздің биік болуы да, еліміздің өркендеуі мен елордамыздың гүлденуі де – осынау мерекенің жемісі.

    Бүгінгі ұрпақ аға буын-ардагерлер танытқан қаһармандық пен қайсарлықтан үлгі алып, бой түзейді. Осынау ерлікке толы Күн тарихымыздың мәңгілік ұмытылмас парағы болып қала бермек.

    Баршаңыздың дендеріңізге саулық, шаңырақтарыңызға шаттық, бақ пен береке тілеймін!

    *** *** *** ***

    Қадірлі соғыс ардагерлері, тыл еңбеккерлері!

    Қасиетті де ұлы мереке қарсаңында Сіздерді Жеңіс күнімен шын жүректен құттықтаймын!

    1945 жылдың 9 мамыры жұртшылық жадында біздің халқымыздың ерлік үлгісі, мұқалмас қажырлығы мен мызғымастығының символы болып келеді.

    Отан қорғаушылар жасаған ерліктер мәңгілік және уақыт ағысымен жоғалып кетпейді. Сол бір қаһарлы соғыс жылдары алыстаған сайын оның маңызын біз ерекше ұғына түсудеміз. Сондықтан да халық ұзақ күткен Ұлы Жеңісті жақындатуда майданда да, тылда да жанқиярлықпен күреске түскендердің барлығы айрықша құрметке ие, қаза тапқандардың рухына тағзым етеміз.

    Аға ұрпақ алып берген Жеңіс бүгінгі күні де бізді жетістіктерге жігерлендіреді, жанымызға қуат береді, қиындықтарды жеңіп, алға ұмтылуымызға көмектеседі.

    Қымбатты ардагерлер!

    Сіздерге шын көңілден денсаулық, тіршіліктің ұзақ та жарқын, алаңсыз күндерін, жан шуағын, жақын адамдарыңыздың қамқорлығы мен ықыласын тілеймін.

    Сіздерге және отбасыларыңызға ізгіліктер мен игіліктер тілеймін! Табыстар мен сәттіліктер мол болсын!

Ілмектер: 9 мамыр жеңіс күні құттықтау сөздері, 9 мамыр жеңіс күні құттықтау тілек, 9 мамыр жеңіс күні құтты болсын, 9 мамыр жеңіс күні қазақша, 9 мамыр жеңіс күні, 9 май день победы поздравления на казахском, поздравления на казахском языке 9 мая, пожелания на казахском языке на 9 мая, 9 мамыр құттықтау создер, 9 мамыр құттықтау тілектер, 9 мамыр куттыктау казакша, 9 мамыр жеңіс күні поздравления, поздравления на казахском 9 мая, куттыктау тилектер 9 май, 9 мамыр женис куни куттыктау, 9 мамыр женис куни куттыктау тилектер