Жеңіс келді, артта қалды зор қайғы

Соғыс жаңғырығы жылдан-жылға алыстап барады... Бұл соғыс кезінде әрбір бесінші қазақ ұлы майданға аттанды. Ұлы Отан соғысы адамзат үшін өте көп қасірет әкелген. Соғыс – күйретуші күш. Барды жоқ ететін, тауды жер ететін, жер бетіндегі тіршілік атаулының бәрін жылмап жұтатын тажал. Ұлы Отан соғысы сол кездегі кеңес халқының ержүректілігі мен төзімділіктерін паш ететін, тарихта мәңгі қалатын күн. Бұл күнді соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен ардагерлер тойлап, қазіргі таңда еліміздің мақтанышына айналған Ұлы тұлғалардың бірі. Сан миллиондаған адамдар төрт жыл бойы минуттап, сағаттап сарыла түскен соғыстың алғашқы кезінен-ақ Кеңес халқы жантәнімен Отанын қорғады. Кеңес азаматтары аянбай шайқасты, жеңіс жолында Отан үшін азаматтар мерт болды.
Жеңіс күнінің толғағы ащы болса да, туғаны бар жыл үшін қуанышы болған күн. Оққа ұшқан қарулас жолдастарының аманатын арқалап, аман оралған ардагер аталарымыздың үмітін ақтауымыз керек. Біз Ұлы Отан соғысындағы Ұлы жеңіске еш нәрсемен тең келмейтін ғажап күшпен жеттік. Ол күш – бірлік. Сол кездегі Кеңес Одағының басқа халқымен бірге жауды талқандап, жеңіске жету жолына қазақ халқы, қазақ батырлары Брест қамалын, Берлин, Сталинград тағы да басқа шайқастарда да өзінің үлесін қосты. Солардың бірі Рахымжан Қошқарбаев, Бауыржан Момышұлы, Мәншүк Мәметова. Тылда қалған қарт аналар бесіктен белі шықпаған балаларының соғыстың қайғы-қасіретін арқалай жүріп, тынбай еңбек етті. Жүз мыңдаған қарт аналар, отандастырымыз соғыстың алғашқы сәтінде-ақ майданға аттанып, жеңіс туын желбіретті.
71 жыл бұрын болған, адамзаттың тарихта қалдырған ізін ұмытпау керек, ол тек соғыс пен өлім ғана емес, онымен қоса жігерліктің, адам баласының өз елі, жері, жанұясы үшін өзінің жанын оққа тіреген қазақ батырларын үлгі етуіміз керек. Елімізде бейбіт күн кешіп, тәуелсіздік туының астында өмір сүріп жатқанымыз, қазақ батырларының құрбандығы, қанмен, термен келген ұзақ әрі қиын еңбегі. Әр ұлттың майданда оққа қарсы жүгіретін ержүрек жауынгерлері мен күн мен түннің айырмашылығын ұмытып, ұйқыдан айырылып бар күшін салған майталмандарымыздың ерен еңбегі айқын көрінбек. Туған жердің бір түйір тасы жаттың ат басындай алтыннан қымбат емес пе? Әрбір жасұлан өз елінің картасына көз салып, байтақ өлкесін, туған жерін мақтан етуі тиіс.
Жеңіс келді, артта қалды зор қайғы,
Адам асыл арманды алға жолдайды.
Бейбіт күнін аталардың әкелген,
Бүгін міне, ұрпақтары жолдайды.
«Ел болам десең, бесігіңді түзе» - дейді, дана халқымыз. Әрбір адамзат баласының өмір бойғы жиған ілім-білімі мектеп қабырғасынан бастау алады. Дулығалы ата-бабаларымыз кең даласын, асқар тауын, сарқырап аққан көк теңізін қорғап, мақтан еткен, бізге мұраға қалдырған. 9 мамыр – бұл мереке ғана емес, бұл ауыр еңбек, бұл халықтың батырлығы. Жауынгер ерлігі мен жеңісті еңбегімен соққан еңбекшінің ерліктері ұмытылмайды. Торқалы тойдың қуанышы өзі сүйген халқы үшін ерекше болмақ.