Сара Тыныштығұлова Өрдембайқызы (1942 жылы 1 қаңтар)

 Сара Тыныштығұлова Өрдембайқызы (1942 жылы 1 қаңтар)

Сара Өрдембайқызы Тыныштығұлова (1942 жылы 1 қаңтарда Алматы облысы, Сарқан ауданы, Бөрлітөбе ауылында туған) — әнші. Қазақ КСР Халық артисі (1979). Қазақ КСР Еңбек сіңірген артисі (1970). Алматы облысының Құрметті азаматы (2001). Парасат орденінің иегері (2017).
Сара Өрдембайқызы 1942 жылы 1 қаңтарда Алматы облысы, Сарқан ауданы, Бөрлітөбе ауылында дүниеге келген.
1966 жылы Мәскеудегі Бүкілодақтық эстрада студиясын бітірген.
1971 жылы Әл-Фараби атындағы Қазақ ұлттық университетін бітірген.
1969 - 1975 жылдары Гүлдер (ансамбль)нің солисті.
1976 жылдан Қазақконцерттің солисті.
Шығармашылығы
Сара Тыныштығұлованың репертуарынан Қазақтын халық әндері ("Ауылың сенің іргелі", "Ақ дариға") мен осы заман композиторларының Н.Тілендиевтің "Алатауы", Ш.Қалдаяқовтын "Шынарым", Е.Хасанғалиевтің "Аңсағаным", және шет ел халықтарының (түрік, вьетнам, т.б.) әндері орын алды.
Гастрольдік сапармен Венгрияда (1967), Германияда (1970, 1975, 1985), Моңғолияда (1970, 1977), Полынада (1979), Бирма, Малайзия, Сингапур, Шри Ланка (1973, 1974), Сирия (1981) және Ауғанстанда (1984) болды. Сара Өрдембайқызы Тыныштығұлова Қазақстан әдебиеті мен өнерінің Арменияда (1968), Ресейде (1977), КСРО мәдениетінің Финляндияда (1970), Бельгияда (1974) өткен күндеріне қатысты.
Жеке қасиеттері
Саяси қайраткер ретіндегі идеалы - Н.Ә. Назарбаев
Қазақстанның болашағы туралы болжамы - «Гүлденген, экономикалық жағынан орнықты, бай ел».
Хоббиі - кітап оқу, тоқыма тоқу.
Сүйіп оқитын әдебиеті - А. Құнанбаев, А.С. Пушкин.
Жеке өмірі
Тұрмыс құрмаған. Қызы - Құсайынова Алма Жақсылыққызы (1969 жылы туған). Немересі - Еденбаева Әйгерім Ермекқызы (1996 жылы туған).
Марапаттары
1970 жылы Қазақ КСР Еңбек сіңірген артисі құрметті атағы;
1979 жылы . Қазақ КСР Халық артисі құрметті атағымен марапатталған.
1972 жылы Маңғол Халық Республикасының «Халықтар Достығы» Орденімен марапатталған.
1983 жылы Хошимин қаласының құрметті азаматы (Вьетнам)
1983 жылы «Халықтар достығы» медалі (Вьетнам)
«Ауған соғысының ардагері» медалі
«Жауынгерлік ерлігі үшін» медалі
2001 жылы Алматы облысының Құрметті азаматы құрметті атағының иегері.
2004 жылы «Тыңға 50 жыл» медалі
2011 жылы «Қазақстан тәуелсіздігіне 20 жыл» медалдарымен марапатталған.
2017 жылы Елбасының жарлығымен жоғарғы мемлекеттік марапат Парасат орденімен марапатталды.


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі